ਦੱਖਣੀ ਵੀਅਤਨਾਮ ਦੇ ਚਿੜੀਆਘਰ 'ਚ 'ਬਰਡ ਫਲੂ' ਨਾਲ ਸੰਕਰਮਿਤ ਕਈ ਟਾਈਗਰਾਂ ਦੀ ਮੌਤ

ਹਨੋਈ (ਪੋਸਟ ਬਿਊਰੋ)- ਦੱਖਣੀ ਵੀਅਤਨਾਮ ਦੇ ਇੱਕ ਚਿੜੀਆਘਰ ਵਿੱਚ ਬਰਡ ਫਲੂ ਨਾਲ ਸੰਕਰਮਿਤ ਹੋਣ ਕਾਰਨ 12 ਤੋਂ ਵੱਧ ਟਾਈਗਰਾਂ ਦੀ ਮੌਤ ਹੋ ਗਈ, ਜਿਨ੍ਹਾਂ ਦੇ ਅਵਸ਼ੇਸ਼ਾਂ ਨੂੰ ਸਾੜ ਦਿੱਤਾ ਗਿਆ ਹੈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਸਰਕਾਰੀ ਮੀਡੀਆ VnExpress ਨੇ ਬਿਏਨ ਹੋਆ ਸ਼ਹਿਰ ਦੇ ਵੂਨ ਜੋਈ ਚਿੜੀਆਘਰ ਦੇ ਰੱਖਿਅਕ ਦੇ ਹਵਾਲੇ ਨਾਲ ਕਿਹਾ ਕਿ ਟਾਈਗਰਾਂ ਨੂੰ ਨੇੜਲੇ ਫਾਰਮ ਤੋਂ ਲਿਆਂਦੀਆਂ ਮੁਰਗੀਆਂ ਖਾਣ ਲਈ ਦਿੱਤੀਆਂ ਗਈਆਂ ਸਨ। ਮਾਰੇ ਗਏ ਟਾਈਗਰਾਂ ਵਿੱਚ ਪੈਂਥਰ ਅਤੇ ਕਈ ਸ਼ਾਵਕਾਂ ਸਮੇਤ 20 ਬਾਘ ਸ਼ਾਮਲ ਸਨ, ਜਿਨ੍ਹਾਂ ਦਾ ਵਜ਼ਨ 10 ਤੋਂ 120 ਕਿਲੋਗ੍ਰਾਮ ਦੇ ਵਿਚਕਾਰ ਸੀ। ਉਨ੍ਹਾਂ ਦੇ ਅਵਸ਼ੇਸ਼ ਨੂੰ ਚਿੜੀਆਘਰ ਦੇ ਕੰਪਲੈਕਸ ਵਿੱਚ ਸਾੜਨ ਤੋਂ ਬਾਅਦ ਦਫ਼ਨਾ ਦਿੱਤੇ ਗਏ। 

ਇਹ ਵੀ ਪੜ੍ਹੋ: 'X' 'ਤੇ 200 ਮਿਲੀਅਨ ਫਾਲੋਅਰਜ਼ ਦਾ ਅੰਕੜਾ ਛੂਹਣ ਵਾਲੇ ਪਹਿਲੇ ਵਿਅਕਤੀ ਬਣੇ ਐਲੋਨ ਮਸਕ

ਚਿੜੀਆਘਰ ਦੇ ਮੈਨੇਜਰ ਨਗੁਏਨ ਬਾ ਫੁਕ ਨੇ ਕਿਹਾ, “ਟਾਈਗਰ ਬਹੁਤ ਜਲਦੀ ਮਰ ਗਏ। ਉਹ ਬਹੁਤ ਕਮਜ਼ੋਰ ਲੱਗ ਰਹੇ ਸਨ ਅਤੇ ਉਨ੍ਹਾਂ ਨੇ ਖਾਣਾ-ਪੀਣਾ ਛੱਡ ਦਿੱਤਾ ਸੀ। ਬੀਮਾਰ ਹੋਣ ਤੋਂ 2 ਦਿਨ ਬਾਅਦ ਹੀ ਉਨ੍ਹਾਂ ਦੀ ਮੌਤ ਹੋ ਗਈ।'' ਬਾਘਾਂ ਤੋਂ ਲਏ ਗਏ ਨਮੂਨਿਆਂ 'ਚ H5N1 ਵਾਇਰਸ ਦੀ ਪੁਸ਼ਟੀ ਹੋਈ ਹੈ। ਇਸ ਵਾਇਰਸ ਕਾਰਨ 'ਬਰਡ ਫਲੂ' ਦੀ ਲਾਗ ਫੈਲਦੀ ਹੈ। ਵਾਇਰਸ ਦੀ ਪਹਿਲੀ ਵਾਰ 1959 ਵਿੱਚ ਪਛਾਣ ਕੀਤੀ ਗਈ ਸੀ ਅਤੇ ਇਹ ਪਰਵਾਸੀ ਪੰਛੀਆਂ ਅਤੇ ਮੁਰਗੀਆਂ ਲਈ ਇੱਕ ਘਾਤਕ ਖ਼ਤਰਾ ਬਣ ਗਿਆ। ਹਾਲ ਹੀ ਦੇ ਸਾਲਾਂ ਵਿੱਚ, H5N1 ਕੁੱਤਿਆਂ ਅਤੇ ਬਿੱਲੀਆਂ ਤੋਂ ਲੈ ਕੇ ਸੀਲ ਮੱਛੀਆਂ ਅਤੇ ਧਰੁਵੀ ਰਿੱਛਾਂ ਤੱਕ ਕਈ ਜਾਨਵਰਾਂ ਵਿੱਚ ਪਾਇਆ ਗਿਆ ਹੈ।

ਇਹ ਵੀ ਪੜ੍ਹੋ: ਅਮਰੀਕਾ 'ਚ ਦੋ ਭਾਰਤੀ ਅਮਰੀਕੀ ਔਰਤਾਂ ‘ਵਾਈਟ ਹਾਊਸ ਫੈਲੋ’ ਵਜੋਂ ਨਾਮਜ਼ਦ

ਵਿਗਿਆਨੀਆਂ ਨੇ ਪਾਇਆ ਹੈ ਕਿ ਟਾਈਗਰਾਂ ਵਿਚ ਇਹ ਵਾਇਰਸ ਦਿਮਾਗ 'ਤੇ ਹਮਲਾ ਕਰਦਾ ਹੈ, ਖੂਨ ਦੀਆਂ ਨਾੜੀਆਂ ਨੂੰ ਨੁਕਸਾਨ ਪਹੁੰਚਾਉਂਦਾ ਹੈ, ਜਿਸ ਨਾਲ ਦੌਰੇ ਪੈਂਦੇ ਹਨ ਅਤੇ ਉਨ੍ਹਾਂ ਦੀ ਮੌਤ ਹੋ ਜਾਂਦੀ ਹੈ। 20 ਤੋਂ ਵੱਧ ਟਾਈਗਰਾਂ ਨੂੰ ਵੱਖਰੇ ਨਿਵਾਸ ਸਥਾਨਾਂ ਵਿੱਚ ਨਿਗਰਾਨੀ ਹੇਠ ਰੱਖਿਆ ਗਿਆ ਹੈ। ਚਿੜੀਆਘਰ ਵਿੱਚ ਸ਼ੇਰ, ਰਿੱਛ, ਗੈਂਡੇ, ਦਰਿਆਈ ਘੋੜੇ ਅਤੇ ਜਿਰਾਫ ਸਮੇਤ ਲਗਭਗ 3,000 ਹੋਰ ਪਸ਼ੂ ਹਨ। ਬਾਘਾਂ ਦੀ ਦੇਖ-ਭਾਲ ਕਰ ਰਹੇ 30 ਵਰਕਰਾਂ 'ਚ 'ਬਰਡ ਫਲੂ' ਦੀ ਪੁਸ਼ਟੀ ਨਹੀਂ ਹੋਈ ਹੈ ਅਤੇ ਉਨ੍ਹਾਂ ਦੀ ਸਿਹਤ ਦੀ ਹਾਲਤ ਆਮ ਵਾਂਗ ਹੈ।

ਇਹ ਵੀ ਪੜ੍ਹੋ: ਨਿਊਯਾਰਕ 'ਚ ਪੰਜਾਬੀ ਔਰਤ ਨੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਸਰੂਪ ਮੋੜਨ ਤੋਂ ਕੀਤਾ ਇਨਕਾਰ, ਗ੍ਰਿਫ਼ਤਾਰ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8