ਬੈਨ ਹੋਇਆ DeepSeek, ਐਪਲ ਸਟੋਰ ਤੇ ਗੂਗਲ ਪਲੇਅ ਤੋਂ ਵੀ ਹਟਾਇਆ ਐਪ

ਗੈਜੇਟ ਡੈਸਕ- DeepSeek ਨੇ ਲਾਂਚਿੰਗ ਤੋਂ ਬਾਅਦ ਜਿੰਨੀ ਪ੍ਰਸਿੱਧੀ ਹਾਸਲ ਕੀਤੀ, ਹੁਣ ਓਨੀਆਂ ਹੀ ਮੁਸ਼ਕਲਾਂ ਵਿੱਚ ਘਿਰਦਾ ਜਾ ਰਿਹਾ ਹੈ। ਚੀਨ ਨੂੰ ਲੈ ਕੇ ਪੂਰੀ ਦੁਨੀਆ ਹਮੇਸ਼ਾ ਅਲਰਟ ਰਹਿੰਦੀ ਹੈ ਤਾਂ ਫਿਰ ਇਕ ਏਆਈ ਟੂਲ 'ਤੇ ਕਿਵੇਂ ਭਰੋਸਾ ਕੀਤਾ ਜਾ ਸਕਦਾ ਹੈ। ਚੀਨੀ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਟੂਲ ਡੀਪਸੀਕ ਨੂੰ ਇਟਲੀ ਵਿੱਚ ਬਲੌਕ ਕਰ ਦਿੱਤਾ ਗਿਆ ਹੈ। 

ਐਪਲ ਅਤੇ ਗੂਗਲ ਨੇ ਇਟਲੀ ਦੇ ਆਪਣੇ ਐਪ ਸਟੋਰਾਂ ਤੋਂ ਡੀਪਸੀਕ ਐਪ ਨੂੰ ਹਟਾ ਦਿੱਤਾ ਹੈ। ਆਇਰਲੈਂਡ ਦੇ ਡਾਟਾ ਸੁਰੱਖਿਆ ਕਮਿਸ਼ਨ ਨੇ ਵੀ ਡੀਪਸੀਕ ਤੋਂ ਆਇਰਿਸ਼ ਯੂਜ਼ਰਜ਼ ਦੇ ਡਾਟਾ ਪ੍ਰੋਸੈਸਿੰਗ ਦੇ ਸਬੰਧ 'ਚ ਜਾਣਕਾਰੀ ਮੰਗੀ ਹੈ। 

ਪਿਛਲੇ ਹਫਤੇ ਡੀਪਸੀਕ ਨੇ ਇਕ ਮੁਫਤ ਏ.ਆਈ. ਅਸਿਸਟੈਂਟ ਲਾਂਚ ਕੀਤਾ ਸੀ, ਜਿਸ ਬਾਰੇ ਕਿਹਾ ਜਾ ਰਿਹਾ ਹੈ ਕਿ ਇਹ ਕੰਮ ਡਾਟਾ ਦੀ ਵਰਤੋਂ ਕਰਦਾ ਹੈ ਅਤੇ ਮਜੌੂਦਾ ਸੇਵਾਵਾਂ ਦੀ ਤੁਲਨਾ 'ਚ ਬਹੁਤ ਘੱਟ ਲਾਗਤ 'ਤੇ ਕੰਮ ਕਰਦਾ ਹੈ। ਸੋਮਵਾਰ ਤਕ ਇਸ ਅਸਿਸਟੈਂਟ ਨੇ ਐਪਲ ਦੇ ਐਪ ਸਟੋਰ ਤੋਂ ਡਾਊਨਲੋਡ 'ਚ ਅਮਰੀਕੀ ਮੁਕਾਬਲੇਬਾਜ਼ ਚੈਟਜੀਪੀਟੀ ਨੂੰ ਪਿੱਛੇ ਛੱਡ ਦਿੱਤਾ, ਜਿਸ ਨਾਲ ਟੈੱਕ ਸਟਾਕ ਨਿਵੇਸ਼ਕਾਂ 'ਚ ਚਿੰਤਾ ਵੱਧ ਗਈ। 

ਇਹ ਵੀ ਪੜ੍ਹੋ- WhatsApp 'ਚ ਆ ਰਿਹੈ ਗਜ਼ਬ ਦਾ ਫੀਚਰ, ਖੁਸ਼ੀ ਨਾਲ ਝੂਮ ਉਠਣਗੇ ਯੂਜ਼ਰਜ਼

ਇਤਾਲਵੀ ਡਾਟਾ ਰੈਗੁਲੇਟਰ ਦੇ ਮੁਖੀ ਪਾਸੱਕਵਾਲੇ ਸਟੈਨਜ਼ੀਓਨ ਨੇ ਸਮਾਚਾਰ ਏਜੰਸੀ ANSA ਨੂੰ ਦੱਸਿਆ, 'ਐਪ ਨੂੰ ਹਟਾਉਣ ਦੀ ਖਬਰ ਕੁਝ ਹੀ ਘੰਟੇ ਪਹਿਲਾਂ ਆਈ ਹੈ, ਮੈਂ ਇਹ ਨਹੀਂ ਕਹਿ ਸਕਦਾ ਕਿ ਇਹ ਸਾਡੇ ਕਾਰਨ ਹੋਇਆ ਹੈ ਜਾਂ ਨਹੀਂ।' ANSA ਦੇ ਅਨੁਸਾਰ ਸਟੈਂਜੀਓਨ ਨੇ ਕਿਹਾ, 'ਸਾਡਾ ਦਫਤਰ ਇਕ ਵਿਸਤ੍ਰਿਤ ਜਾਂਚ ਸ਼ੁਰੂ ਕਰੇਗਾ ਤਾਂ ਜੋ ਇਹ ਦੇਖਿਆ ਜਾ ਸਕੇ ਕਿ GDPR ਨਿਯਮਾਂ ਦੀ ਪਾਲਣਾ ਕੀਤੀ ਜਾ ਰਹੀ ਹੈ ਜਾਂ ਨਹੀਂ।'

ਇਤਾਲਵੀ ਰੈਗੂਲੇਟਰ, ਜਿਸਨੂੰ "ਗਾਰਾਂਟੇ" ਵਜੋਂ ਜਾਣਿਆ ਜਾਂਦਾ ਹੈ, ਨੇ ਮੰਗਲਵਾਰ ਨੂੰ ਕਿਹਾ ਕਿ ਉਹ ਜਾਣਨਾ ਚਾਹੁੰਦਾ ਹੈ ਕਿ ਕਿਹੜਾ ਨਿੱਜੀ ਡਾਟਾ ਇਕੱਠਾ ਕੀਤਾ ਜਾਂਦਾ ਹੈ, ਕਿਹੜੇ ਸਰੋਤਾਂ ਤੋਂ, ਕਿਸ ਉਦੇਸ਼ ਲਈ ਅਤੇ ਕਿਸ ਕਾਨੂੰਨੀ ਆਧਾਰ 'ਤੇ, ਅਤੇ ਕੀ ਇਹ ਚੀਨ ਵਿੱਚ ਸਟੋਰ ਕੀਤਾ ਜਾਂਦਾ ਹੈ। ਇਸਨੇ ਡੀਪਸੀਕ ਅਤੇ ਇਸ ਨਾਲ ਜੁੜੀਆਂ ਕੰਪਨੀਆਂ ਨੂੰ 20 ਦਿਨਾਂ ਦੇ ਅੰਦਰ ਜਵਾਬ ਦੇਣ ਲਈ ਕਿਹਾ ਹੈ।

ਸਟੈਨਜ਼ੀਓਨ ਨੇ ਇਹ ਵੀ ਕਿਹਾ ਕਿ ਰੈਗੂਲੇਟਰ ਐਪ ਦੇ ਨਾਬਾਲਗ ਉਪਭੋਗਤਾਵਾਂ ਦੀ ਸੁਰੱਖਿਆ, ਪੱਖਪਾਤ ਵਿਰੁੱਧ ਸੁਰੱਖਿਆ ਅਤੇ ਚੋਣ ਦਖਲਅੰਦਾਜ਼ੀ ਵਿਰੁੱਧ ਸੁਰੱਖਿਆ ਬਾਰੇ ਭਰੋਸਾ ਚਾਹੁੰਦਾ ਹੈ। ਇਤਾਲਵੀ ਗਾਹਕਾਂ ਨੂੰ ਐਪਲ ਦੇ ਐਪ ਸਟੋਰ 'ਤੇ ਇੱਕ ਨੋਟਿਸ ਦਿਖਾਇਆ ਗਿਆ ਜਿਸ ਵਿੱਚ ਲਿਖਿਆ ਸੀ "ਇਹ ਐਪ ਇਸ ਵੇਲੇ ਤੁਹਾਡੇ ਦੇਸ਼ ਜਾਂ ਖੇਤਰ ਵਿੱਚ ਉਪਲੱਬਧ ਨਹੀਂ ਹੈ।" ਉਥੇ ਹੀ ਗੂਗਲ ਐਪ ਸਟੋਰ 'ਤੇ ਇੱਕ ਸੰਦੇਸ਼ ਵਿੱਚ ਕਿਹਾ ਗਿਆ ਹੈ ਕਿ "ਇਟਲੀ ਵਿੱਚ ਡਾਊਨਲੋਡ ਸਮਰਥਿਤ ਨਹੀਂ ਹਨ।"

ਇਹ ਵੀ ਪੜ੍ਹੋ- iPhone ਯੂਜ਼ਰਜ਼ ਸਾਵਧਾਨ! ਸਰਕਾਰ ਨੇ ਜਾਰੀ ਕਰ'ਤੀ ਚਿਤਾਵਨੀ