ਚੀਨ ਦੀ ਪੁਲਸ ਨੇ ਜਾਸੂਸੀ ਮਾਮਲੇ ''ਚ ਚਾਰ ਤਿੱਬਤੀਆਂ ਨੂੰ ਕੀਤਾ ਗ੍ਰਿਫ਼ਤਾਰ

ਬੀਜਿੰਗ (ਬਿਊਰੋ): ਚੀਨ ਦੀ ਪੁਲਸ ਨੇ ਦਲਾਈ ਲਾਮਾ ਦੀ ਤਸਵੀਰ ਲੈਣ ਦੀ ਕੋਸ਼ਿਸ਼ ਕਰ ਰਹੇ ਚਾਰ ਤਿੱਬਤੀ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ। ਉਨ੍ਹਾਂ ਦੇ ਫੋਨ ਚੈੱਕ ਕਰਨ ਤੋਂ ਬਾਅਦ ਕਈ ਸ਼ੱਕੀ ਤਸਵੀਰਾਂ ਮਿਲੀਆਂ ਹਨ।ਰਿਪੋਰਟ ਵਿਚ ਖੁਲਾਸਾ ਹੋਇਆ ਹੈ ਕਿ ਚਾਰੇ ਨਜ਼ਰਬੰਦ ਵਿਅਕਤੀਆਂ ਵਿਚੋਂ ਇਕ ਸਥਾਨਕ ਪਿੰਡ ਦਾ ਨੇਤਾ ਵੀ ਸ਼ਾਮਲ ਹੈ, ਜੋ ਰਾਜਨੀਤਕ ਤੌਰ 'ਤੇ ਸੰਵੇਦਨਸ਼ੀਲ ਮੰਨੀ ਜਾਣ ਵਾਲੀ ਸਮਗੱਰੀ ਰੱਖਣ ਦੇ ਸ਼ੱਕ ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। 

ਧਰਮਸ਼ਾਲਾ ਸਥਿਤ ਸੰਗਠਨ ਕੋਲ ਹੁਣ ਤੱਕ ਨਜ਼ਰਬੰਦਾਂ ਦੇ ਨਾਮ ਅਤੇ ਉਨ੍ਹਾਂ ਦੇ ਠਿਕਾਣਿਆਂ ਦਾ ਵੇਰਵਾ ਨਹੀਂ ਹੈ। ਇਕ ਸੂਤਰ ਨੇ ਨਾਮ ਨਾ ਛਾਪਣ ਦੀ ਸ਼ਰਤ 'ਤੇ ਪੁਸ਼ਟੀ ਕੀਤੀ,“ਉਨ੍ਹਾਂ ਨੂੰ ਮੋਬਾਈਲ ਫੋਨ ਵਿੱਚ ਦਲਾਈ ਲਾਮਾ ਦੀਆਂ ਫੋਟੋਆਂ ਰੱਖਣ ਦੇ ਸ਼ੱਕ ਦੇ ਤਹਿਤ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਅਸਲ ਵਿਚ ਉਨ੍ਹਾਂ ਨੇ ਕੁਝ ਵੀ ਅਪਰਾਧਿਕ ਨਹੀਂ ਕੀਤਾ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਉਮੀਦ ਨਹੀਂ ਗਵਾ ਰਹੇ ਹਨ।ਉਹ ਉਨ੍ਹਾਂ ਦੀ ਜਲਦੀ ਰਿਹਾਈ ਦੀ ਆਸ ਕਰ ਰਹੇ ਹਨ।” 

ਪੜ੍ਹੋ ਇਹ ਅਹਿਮ ਖਬਰ -ਤਾਨਾਸ਼ਾਹ ਕਿਮ ਦੀ ਨਵੀਂ ਯੋਜਨਾ, ਚੀਨ ਭੱਜੇ ਆਪਣੇ ਨਾਗਰਿਕਾਂ ਨੂੰ ਦੇਵੇਗਾ ਸਜ਼ਾ-ਏ-ਮੌਤ

ਪੀ.ਐਸ.ਬੀ. ਦੇ ਤਿੰਨ ਵਰਦੀਧਾਰੀ ਪੁਲਸ ਅਧਿਕਾਰੀ ਡਾਰਟਸਾਂਗ ਟਾਊਨਸ਼ਿਪ ਦੇ ਜੰਗਚੁੱਪ ਗੇਫੇਲ ਮੱਠ ਵਿਚ ਦਾਖਲ ਹੋਏ ਅਤੇ ਪ੍ਰਾਰਥਨਾ ਹਾਲ ਵਿਚ ਤਲਾਸ਼ੀ ਅਭਿਆਨ ਚਲਾਇਆ। ਕਥਿਤ ਤੌਰ 'ਤੇ ਅਧਿਕਾਰੀਆਂ ਨੇ ਵੇਦੀ' ਤੇ ਪਵਿੱਤਰ ਦਲਾਈ ਲਾਮਾ ਦੀ ਤਸਵੀਰ ਜ਼ਬਤ ਕਰ ਲਈ ਅਤੇ ਸਾਰੇ ਸਬੰਧਤ ਮੁਖੀਆਂ ਨੂੰ ਅਗਲੀ ਪੁੱਛਗਿੱਛ ਲਈ ਥਾਣੇ ਬੁਲਾਇਆ। ਜਿਵੇਂ ਕਿ ਤਿੱਬਤੀ ਭਾਈਚਾਰੇ ਨੇ ਦਲਾਈ ਲਾਮਾ ਦਾ 86ਵਾਂ ਜਨਮਦਿਨ ਮਨਾਇਆ ਸੀ, ਸ਼ਾਇਦ ਇਹ ਪਾਬੰਦੀਆਂ 6 ਜੁਲਾਈ ਦੇ ਨੇੜੇ ਵਧਾ ਦਿੱਤੀਆਂ ਹੋਣ।

ਜੁਲਾਈ ਵਿਚ ਸੀ.ਸੀ.ਪੀ. ਦੇ ਸ਼ਤਾਬਦੀ ਸਮਾਗਮਾਂ ਦੇ ਮੱਦੇਨਜ਼ਰ ਇਹ ਗ੍ਰਿਫ਼ਤਾਰੀਆਂ ਅਕਸਰ ਹੁੰਦੀਆਂ ਰਹੀਆਂ ਹਨ ਕਿਉਂਕਿ ਸੇਥਰ ਕਾਉਂਟੀ ਵਿਚ ਅਧਿਕਾਰੀਆਂ ਨੇ ਸਰਕਾਰੀ ਸਮਾਗਮਾਂ ਨੂੰ ਛੱਡ ਕੇ ਕਿਸੇ ਵੀ ਨਾਗਰਿਕ ਇਕੱਠਾਂ/ਤਿਉਹਾਰਾਂ ਜਾਂ ਮੱਠ ਪ੍ਰਾਰਥਨਾਵਾਂ ਅਤੇ ਧਾਰਮਿਕ ਸਮਾਗਮਾਂ ’ਤੇ ਪਾਬੰਦੀ ਲਗਾ ਦਿੱਤੀ ਹੈ। ਛੇ ਪ੍ਰਮੁੱਖ ਤਿੱਬਤੀ ਲੋਕਾਂ ਨੂੰ ਅਪ੍ਰੈਲ ਵਿਚ ਸੇਰਥਰ ਕਾਊਂਟੀ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਜਿਸ ਵਿਚ ਗੈਂਗਕੇ ਡਰੁੱਪਾ ਕਿਆਬ, ਇਕ ਲੇਖਕ ਅਤੇ ਚੀਨੀ ਕਮਿਊਨਿਸਟ ਪਾਰਟੀ ਦਾ ਆਲੋਚਕ ਸ਼ਾਮਲ ਸੀ ਜਿਹਨਾਂ ਨੇ ਡ੍ਰੈਂਗੋ ਕਾਉਂਟੀ ਵਿਚ ਜਾਣ ਤੋਂ ਪਹਿਲਾਂ ਡਾਰਟਸਾਂਗ ਵਿਚ ਅਧਿਆਪਕ ਵਜੋਂ ਕੰਮ ਕੀਤਾ ਸੀ।