ਚੀਨੀ ਕੋਸਟ ਗਾਰਡ ਨੇ ਮੁੜ ਵਿਵਾਦਿਤ ਜਲ ਖੇਤਰ 'ਚ ਫਿਲੀਪੀਨ ਦੀ ਕਿਸ਼ਤੀ ਨੂੰ ਬਣਾਇਆ ਨਿਸ਼ਾਨਾ

ਮਨੀਲਾ (ਭਾਸ਼ਾ)- ਵਿਵਾਦਿਤ ਦੱਖਣੀ ਚੀਨ ਸਾਗਰ ਤੱਟ ਦੇ ਨੇੜੇ ਤਾਜ਼ਾ ਟਕਰਾਅ ਵਿੱਚ, ਦੋ ਚੀਨੀ ਤੱਟ ਰੱਖਿਅਕ ਜਹਾਜ਼ਾਂ ਨੇ ਸ਼ਨੀਵਾਰ ਨੂੰ ਫਿਲੀਪੀਨ ਦੀ ਇਕ ਸਪਲਾਈ ਵਾਲੀ ਕਿਸ਼ਤੀ 'ਤੇ ਪਾਣੀ ਦੀਆਂ ਤੋਪਾਂ ਚਲਾਈਆਂ, ਜਿਸ ਨਾਲ ਵੱਡਾ ਨੁਕਸਾਨ ਹੋਇਆ। ਫਿਲੀਪੀਨ ਦੇ ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਹਾਲਾਂਕਿ, ਇਹ ਤੁਰੰਤ ਸਪੱਸ਼ਟ ਨਹੀਂ ਹੋ ਸਕਿਆ ਹੈ ਕਿ ਇਸ ਹਮਲੇ ਵਿਚ ਫਿਲੀਪੀਨ ਦੀ ਕਿਸ਼ਤੀ 'ਉਨਾਇਜਾ ਮਈ-4' ਦੇ ਚਾਲਕ ਦਲ ਦਾ ਕੋਈ ਮੈਂਬਰ ਜ਼ਖ਼ਮੀ ਹੋਇਆ ਹੈ ਜਾਂ ਨਹੀਂ ਜਾਂ ਚੀਨੀ ਕੋਸਟ ਗਾਰਡ ਦੇ ਨਿਸ਼ਾਨੇ 'ਤੇ ਆਈ ਇਹ ਕਿਸ਼ਤੀ ਆਪਣੀ ਮੰਜ਼ਿਲ 'ਤੇ ਪਹੁੰਚੀ ਜਾਂ ਨਹੀਂ।

ਇਹ ਵੀ ਪੜ੍ਹੋ: ਕੁਈਨਜ਼ਲੈਂਡ 'ਚ ਕਈ ਵਾਹਨਾਂ ਦੀ ਭਿਆਨਕ ਟੱਕਰ,ਅੱਗ ਲੱਗਣ ਕਾਰਨ 3 ਲੋਕਾਂ ਦੀ ਮੌਤ

ਫਿਲੀਪੀਨ ਦੀ ਕਿਸ਼ਤੀ ਨੇੜਲੇ ਸੈਕੇਂਡ ਥਾਮਸ ਤੱਟ 'ਤੇ ਇੱਕ ਖੇਤਰੀ ਚੌਕੀ 'ਤੇ ਤਾਇਨਾਤ ਫਿਲੀਪੀਨ ਬਲਾਂ ਨੂੰ ਸਪਲਾਈ ਦੇਣ ਲਈ ਰਵਾਨਾ ਹੋਈ ਸੀ। ਇਸ ਮਹੀਨੇ ਇਹ ਦੂਜੀ ਵਾਰ ਹੈ ਜਦੋਂ ਫਿਲੀਪੀਨਜ਼ ਬਲਾਂ ਦੀ ਚੌਕੀ ਨੂੰ ਸਪਲਾਈ ਦੇਣ ਜਾ ਰਹੀ 'ਉਨਾਇਜਾ ਮੀ-4' ਨੂੰ ਚੀਨੀ ਕੋਸਟ ਗਾਰਡ ਨੇ ਨਿਸ਼ਾਨਾ ਬਣਾਇਆ ਹੈ। ਫਿਲੀਪੀਨ ਕੋਸਟ ਗਾਰਡ ਦੇ ਬੁਲਾਰੇ ਕਮੋਡੋਰ ਜੇ. ਤਾਰਿਏਲਾ ਨੇ ਕਿਹਾ ਕਿ ਫਿਲੀਪੀਨ ਕੋਸਟ ਗਾਰਡ ਜਹਾਜ਼, ਜੋ ਉਨੈਜਾਹ ਮਈ-4 ਨੂੰ ਬਚਾਅ ਰਿਹਾ ਸੀ, ਨੂੰ ਵੀ ਚੀਨੀ ਕੋਸਟ ਗਾਰਡ ਜਹਾਜ਼ ਅਤੇ ਦੋ ਸ਼ੱਕੀ ਮਿਲੀਸ਼ੀਆ ਜਹਾਜ਼ਾਂ ਨੇ ਰੋਕਿਆ ਅਤੇ ਘੇਰ ਲਿਆ। ਉਨ੍ਹਾਂ ਕਿਹਾ ਕਿ ਚੀਨੀ ਫੌਜ ਸਮੁੰਦਰ 'ਚ ਸੰਘਰਸ਼ ਨੂੰ ਰੋਕਣ ਦੇ ਉਦੇਸ਼ ਨਾਲ ਬਣੇ ਅੰਤਰਰਾਸ਼ਟਰੀ ਨਿਯਮਾਂ ਦੀ ਉਲੰਘਣਾ ਕਰ ਰਹੀ ਹੈ। ਫਿਲੀਪੀਨ ਦੀ ਫੌਜ ਵੱਲੋਂ ਜਾਰੀ ਕੀਤੀ ਗਈ ਵੀਡੀਓ ਵਿੱਚ 2 ਚੀਨੀ ਕੋਸਟ ਗਾਰਡ ਜਹਾਜ਼ਾਂ ਨੂੰ ਲੱਕੜ ਦੀ ਕਿਸ਼ਤੀ 'ਕੇ ਪਾਣੀ ਦੀਆਂ ਤੋਪਾਂ ਨਾਲ ਹਮਲਾ ਕਰਦੇ ਹੋਏ ਦਿਖਾਇਆ ਗਿਆ ਹੈ।

ਇਹ ਵੀ ਪੜ੍ਹੋ: ਬੱਚਿਆਂ ਨਾਲ ਭਰੀ ਸਕੂਲ ਬੱਸ ਨੂੰ ਟਰੱਕ ਨੇ ਮਾਰੀ ਟੱਕਰ, 2 ਹਲਾਕ (ਤਸਵੀਰਾਂ)

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ: ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ 'ਚ ਦਿਓ ਜਵਾਬ।