ਨਿਊਜ਼ੀਲੈਂਡ ਦੀ ਪੀ.ਐੱਮ. ਦਾ ਅਹਿਮ ਬਿਆਨ, ਕਿਹਾ-ਚੀਨ ਦਾ ਰਵੱਈਆ ਪਹਿਲਾਂ ਨਾਲੋਂ ਜ਼ਿਆਦਾ ਹਮਲਾਵਰ

ਵੈਲਿੰਗਟਨ ((ਭਾਸ਼ਾ)- ਨਿਊਜ਼ੀਲੈਂਡ ਦੀ ਪ੍ਰਧਾਨ ਮੰਤਰੀ ਵਜੋਂ ਆਪਣੇ ਪਿਛਲੇ ਪੰਜ ਕਾਰਜਕਾਲਾਂ ਨੂੰ ਦੇਖਦਿਆਂ ਜੈਸਿੰਡਾ ਅਰਡਰਨ ਨੇ ਕਿਹਾ ਕਿ ਇਸ ਦੌਰਾਨ ਖੇਤਰ ਵਿਚ ਚੀਨ ਦਾ ਰਵੱਈਆ ਬਿਨਾਂ ਸ਼ੱਕ ਵਧੇਰੇ ਹਮਲਾਵਰ ਹੋ ਗਿਆ ਹੈ। ਉਸਨੇ ਇਹ ਵੀ ਸੁਚੇਤ ਕੀਤਾ ਕਿ ਛੋਟੇ ਪ੍ਰਸ਼ਾਂਤ ਦੇਸ਼ਾਂ ਨਾਲ ਸਬੰਧ ਬਣਾਉਣਾ ਇੱਕ ਦੂਜੇ 'ਤੇ ਹਾਵੀ ਹੋਣ ਦੀ ਕੋਸ਼ਿਸ਼ ਦੀ ਖੇਡ ਨਹੀਂ ਬਣਨੀ ਚਾਹੀਦੀ। ਅਰਡਰਨ ਨੇ ਵੀਰਵਾਰ ਨੂੰ ਐਸੋਸੀਏਟਿਡ ਪ੍ਰੈਸ ਅਤੇ ਆਸਟ੍ਰੇਲੀਅਨ ਐਸੋਸੀਏਟਿਡ ਪ੍ਰੈਸ ਨਾਲ ਇੱਕ ਸਾਂਝੇ ਇੰਟਰਵਿਊ ਵਿੱਚ ਕਿਹਾ ਕਿ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਦੀ ਅਗਵਾਈ ਵਿੱਚ ਹਾਲ ਹੀ ਦੇ ਸਾਲਾਂ ਵਿੱਚ ਚੀਨ ਬਦਲਿਆ ਹੈ। 

ਅਰਡਰਨ ਨੇ ਕਿਹਾ ਕਿ "ਮੈਨੂੰ ਲੱਗਦਾ ਹੈ ਕਿ ਜੇਕਰ ਮੈਂ ਇਸ ਖੇਤਰ ਨੂੰ ਥੋੜ੍ਹੀ ਦੂਰੀ ਤੋਂ ਦੇਖਦੀ ਹਾਂ, ਤਾਂ ਅਸੀਂ ਆਪਣੇ ਖੇਤਰ ਵਿੱਚ ਜੋ ਤਬਦੀਲੀਆਂ ਵੇਖੀਆਂ ਹਨ, ਉਨ੍ਹਾਂ ਵਿੱਚੋਂ ਇੱਕ ਇਹ ਹੈ ਕਿ ਅਸੀਂ ਇੱਕ ਵਧੇਰੇ ਹਮਲਾਵਰ ਚੀਨ ਦੇਖਦੇ ਹਾਂ।" ਇਸ ਦੇ ਕਈ ਕਾਰਨ ਹੋਣਗੇ। ਜਿਸ ਵਿਚ ਖੇਤਰੀ ਅਰਥਵਿਵਸਥਾ ਵਿੱਚ ਇਸਦਾ ਏਕੀਕਰਨ, ਚੀਨ ਦਾ ਵਿਕਾਸ, ਇਸਦੇ ਮੱਧ ਵਰਗ ਦਾ ਵਿਕਾਸ ਆਦਿ ਹਨ। ਅਜਿਹੇ ਕਾਰਨਾਂ ਦੀ ਪੂਰੀ ਲੜੀ ਹੈ। ਅਰਡਰਨ ਮੁਤਾਬਕ ਅਸੀਂ ਕਈ ਵੱਖ-ਵੱਖ ਮੁੱਦਿਆਂ ਅਤੇ ਸਬੰਧਾਂ 'ਤੇ ਚੀਨ ਦਾ ਜ਼ੋਰਦਾਰ ਦ੍ਰਿਸ਼ਟੀਕੋਣ ਦੇਖਿਆ ਹੈ।ਇਸ ਲਈ ਇਹ ਬਿਨਾਂ ਸ਼ੱਕ ਮੇਰੇ ਕਾਰਜਕਾਲ ਦੌਰਾਨ ਬਦਲ ਗਿਆ ਹੈ।”

ਪੜ੍ਹੋ ਇਹ ਅਹਿਮ ਖ਼ਬਰ-ਪਾਕਿਸਤਾਨੀ 'ਪਾਸਪੋਰਟ' ਦੁਨੀਆ 'ਚ ਚੌਥੇ ਸਭ ਤੋਂ ਹੇਠਲੇ ਸਥਾਨ 'ਤੇ, ਜਾਣੋ ਸਿਖਰ 'ਤੇ ਕਿਹੜਾ ਦੇਸ਼

ਚੀਨ ਨੇ ਇਸ ਸਾਲ ਪ੍ਰਸ਼ਾਂਤ ਵਿੱਚ ਕੁਝ ਦਲੇਰ ਭੂ-ਰਾਜਨੀਤਿਕ ਕਦਮ ਚੁੱਕੇ ਹਨ। ਇਸਨੇ ਸੋਲੋਮਨ ਟਾਪੂ ਦੇ ਨਾਲ ਇੱਕ ਸੁਰੱਖਿਆ ਸਮਝੌਤੇ 'ਤੇ ਦਸਤਖ਼ਤ ਕੀਤੇ ਅਤੇ ਫਿਰ ਸੁਰੱਖਿਆ ਤੋਂ ਲੈ ਕੇ ਮੱਛੀ ਪਾਲਣ ਤੱਕ ਸਭ ਕੁਝ ਸ਼ਾਮਲ ਕਰਨ ਵਾਲੇ ਇੱਕ ਵਿਆਪਕ ਸਮਝੌਤੇ 'ਤੇ 10 ਪ੍ਰਸ਼ਾਂਤ ਦੇਸ਼ਾਂ ਦੇ ਦਸਤਖ਼ਤ ਕਰਾਉਣ ਦੀ ਅਸਫਲ ਕੋਸ਼ਿਸ਼ ਕੀਤੀ। ਇਹਨਾਂ ਕਦਮਾਂ ਨੇ ਅਮਰੀਕਾ ਸਮੇਤ ਕੁਝ ਪ੍ਰਸ਼ਾਂਤ ਦੇਸ਼ਾਂ ਅਤੇ ਪੱਛਮੀ ਲੋਕਤੰਤਰਾਂ ਨੂੰ ਚਿੰਤਤ ਕਰ ਦਿੱਤਾ, ਪਰ ਅਰਡਰਨ ਨੇ ਇਸ ਆਲੋਚਨਾ ਨੂੰ ਖਾਰਜ ਕਰ ਦਿੱਤਾ ਕਿ ਨਿਊਜ਼ੀਲੈਂਡ ਨੇ ਇਸ ਸਾਲ ਲੋੜੀਂਦੀ ਮੌਜੂਦਗੀ ਨਹੀਂ ਦਿਖਾਈ ਸੀ। ਅਰਡਰਨ ਨੇ ਕਿਹਾ ਕਿ "ਪ੍ਰਸ਼ਾਂਤ ਵਿੱਚ ਸਾਡਾ ਰਿਸ਼ਤਾ ਪਰਿਵਾਰਕ ਹੈ ਕਿਉਂਕਿ ਅਸੀਂ ਇੱਕ ਪਰਿਵਾਰ ਵਾਂਗ ਹਾਂ, ਅਸੀਂ ਪ੍ਰਸ਼ਾਂਤ ਦਾ ਹਿੱਸਾ ਹਾਂ।" ਉਸਨੇ ਕਿਹਾ ਕਿ ਇਹ ਰਿਸ਼ਤੇ ਕਮਿਊਨਿਟੀ ਪੱਧਰ 'ਤੇ ਬਣੇ ਹੁੰਦੇ ਹਨ। ਅਰਡਰਨ ਨੇ ਕਿਹਾ ਕਿ ਸਾਨੂੰ ਆਪਣੇ ਸਬੰਧਾਂ ਨੂੰ ਲੈ ਕੇ ਸੱਚਮੁੱਚ ਸਾਵਧਾਨ ਰਹਿਣਾ ਹੋਵੇਗਾ ਕਿ ਦੂਜੇ ਪ੍ਰਸ਼ਾਂਤ ਦੇਸ਼ਾਂ ਨਾਲ ਸਬੰਧ ਬਣਾਉਣਾ ਦੂਜੇ 'ਤੇ ਹਾਵੀ ਹੋਣ ਦੀ ਕੋਸ਼ਿਸ਼ ਨਾ ਬਣ ਜਾਵੇ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।