ਚੀਨ ਦਾ ਇਕ ਹੋਰ ਵੱਡਾ ਕਦਮ! ਭ੍ਰਿਸ਼ਟਾਚਾਰ ਦੇ ਦੋਸ਼ਾਂ 'ਚ ਕੰਪਨੀ ਦੇ ਮੈਨੇਜਰ ਨੂੰ ਦਿੱਤੀ ਫਾਂਸੀ, ਜਾਇਦਾਦ ਵੀ ਜ਼ਬਤ

ਵੈੱਬ ਡੈਸਕ : ਚੀਨ ਵਿੱਚ ਭ੍ਰਿਸ਼ਟਾਚਾਰ ਵਿਰੋਧੀ ਮੁਹਿੰਮ ਤਹਿਤ ਇੱਕ ਹੋਰ ਵੱਡਾ ਕਦਮ ਚੁੱਕਿਆ ਗਿਆ ਹੈ। China Huarong International Holdings (CHIH) ਦੇ ਸਾਬਕਾ ਜਨਰਲ ਮੈਨੇਜਰ, ਬਾਈ ਤਿਆਨਹੁਈ ਨੂੰ ਫਾਂਸੀ ਦਿੱਤੀ ਗਈ ਹੈ। ਬਾਈ ਤਿਆਨਹੁਈ ਨੂੰ 2014 ਤੋਂ 2018 ਦੌਰਾਨ ਪ੍ਰੋਜੈਕਟਾਂ ਦੇ ਐਕੁਆਇਰਮੈਂਟ ਅਤੇ ਫਾਈਨੈਂਸਿੰਗ ਵਿੱਚ ਮਦਦ ਦੇ ਬਦਲੇ $156 ਮਿਲੀਅਨ (ਲਗਭਗ 1.1 ਅਰਬ ਯੂਆਨ) ਤੋਂ ਵੱਧ ਦੀ ਰਿਸ਼ਵਤ ਲੈਣ ਦਾ ਦੋਸ਼ੀ ਪਾਇਆ ਗਿਆ ਸੀ।

🇨🇳 NO WHITE-COLLAR PRISON HERE: CHINA EXECUTES CORRUPT FINANCE BOSS

China has just executed Bai Tianhui, the former general manager of state-run China Huarong International, for taking $156 million in bribes while greenlighting shady deals.

This wasn’t a suspended sentence or a… pic.twitter.com/sst3xnCPgH

— Mario Nawfal (@MarioNawfal) December 9, 2025

ਅਦਾਲਤ ਨੇ ਉਸਦੀ ਸਾਰੀ ਨਿੱਜੀ ਜਾਇਦਾਦ ਜ਼ਬਤ ਕਰਨ ਅਤੇ ਉਸਨੂੰ ਉਮਰ ਭਰ ਲਈ ਰਾਜਨੀਤਿਕ ਅਧਿਕਾਰਾਂ ਤੋਂ ਵਾਂਝੇ ਕਰਨ ਦਾ ਆਦੇਸ਼ ਦਿੱਤਾ ਸੀ। ਚੀਨ ਦੀ ਸੁਪਰੀਮ ਪੀਪਲਜ਼ ਕੋਰਟ ਨੇ ਕਿਹਾ ਕਿ ਭ੍ਰਿਸ਼ਟਾਚਾਰ ਦੀ ਰਕਮ "ਬਹੁਤ ਵੱਡੀ" ਸੀ, ਸਥਿਤੀ "ਬਹੁਤ ਗੰਭੀਰ" ਸੀ ਅਤੇ ਇਸ ਨਾਲ ਰਾਜ ਤੇ ਲੋਕਾਂ ਦਾ ਭਾਰੀ ਨੁਕਸਾਨ ਹੋਇਆ। ਇਹ ਕਾਰਵਾਈ ਚੀਨ ਵਿੱਚ ਚੱਲ ਰਹੀ ਵਿਆਪਕ ਭ੍ਰਿਸ਼ਟਾਚਾਰ ਵਿਰੋਧੀ ਮੁਹਿੰਮ ਦਾ ਹਿੱਸਾ ਹੈ।

ਇਸ ਤੋਂ ਇੱਕ ਦਿਨ ਪਹਿਲਾਂ, ਸਾਬਕਾ ਖੇਡ ਮੰਤਰੀ ਗਾਓ ਝੋਂਗਵੇਨ ਨੂੰ ਵੀ ਭ੍ਰਿਸ਼ਟਾਚਾਰ ਦੇ ਮਾਮਲੇ ਵਿੱਚ ਮੌਤ ਦੀ ਸਜ਼ਾ ਸੁਣਾਈ ਗਈ ਸੀ, ਹਾਲਾਂਕਿ ਉਸ ਦੀ ਸਜ਼ਾ 'ਤੇ ਦੋ ਸਾਲ ਦੀ ਰਾਹਤ ਦਿੱਤੀ ਗਈ ਹੈ। ਝੋਂਗਵੇਨ ਨੇ $33.4 ਮਿਲੀਅਨ (ਲਗਭਗ 280 ਕਰੋੜ ਰੁਪਏ) ਦੀ ਰਿਸ਼ਵਤ ਲਈ ਸੀ।