ਡਿਜ਼ਨੀ ਕੰਪਨੀ ਵੱਲੋਂ ਚੀਨ ''ਚ ਇੰਗਲਿਸ਼ ਸਿਖਾਉਣ ਵਾਲੇ ਸਕੂਲ ਬੰਦ ਕਰਨ ਦਾ ਫੈਸਲਾ

ਬੀਜਿੰਗ (ਬਿਊਰੋ): ਵਾਲਟ ਡਿਜ਼ਨੀ ਕੰਪਨੀ ਨੇ ਚੀਨ ਵਿਚ 25 ਭਾਸ਼ਾ ਦੇ ਸਕੂਲਾਂ ਦੀ 12 ਸਾਲ ਪੁਰਾਣੀ ਚੇਨ ਡਿਜ਼ਨੀ ਇੰਗਲਿਸ਼ ਨੂੰ ਬੰਦ ਕਰਨ ਦਾ ਫੈਸਲਾ ਲਿਆ ਹੈ।ਵਾਲਟ ਡਿਜ਼ਨੀ ਕੰਪਨੀ ਚੀਨ ਵਿਚ ਆਪਣ ਇਸ ਚੇਨ ਦੇ ਮਾਧਿਅਮ ਨਾਲ ਬੱਚਿਆਂ ਨੂੰ ਇੰਗਲਿਸ਼ ਸਿਖਾਉਣ ਦਾ ਕੰਮ ਕਰ ਰਹੀ ਸੀ। ਵਾਲਟ ਡਿਜ਼ਨੀ ਨੇ ਚੀਨ ਵਿਚ ਇੰਗਲਿਸ਼ ਪੜ੍ਹਾਉਣ ਲਈ 6 ਸ਼ਹਿਰਾਂ ਵਿਚ ਆਪਣੇ ਸਿੱਖਿਆ ਕੇਂਦਰ ਬਣਾਏ ਸਨ। ਇਸ ਦੇ ਆਪਣੇ ਸਿਲੇਬਸ ਵਿਚ ਮਿਕੀ ਮਾਊਸ ਅਤੇ ਲਿਟਿਲ ਮਰਮੇਡ ਜਿਹੇ ਡਿਜ਼ਨੀ ਅੱਖਰਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ। 

ਜਦੋਂ ਤੋਂ ਚੀਨ ਵਿਚ ਕੋਰੋਨਾਵਾਇਰਸ ਦਾ ਪ੍ਰਕੋਪ ਵਧਿਆ ਹੈ ਉਸ ਦੇ ਬਾਅਦ ਤੋਂ ਹੀ ਇਹਨਾਂ ਸਕੂਲਾਂ 'ਤੇ ਤਾਲਾਬੰਦੀ ਦੀ ਮਾਰ ਪਈ ਹੈ। ਸਰਕਾਰ ਨੇ ਆਪਣੇ ਸਾਰੇ ਸਕੂਲ ਪਹਿਲਾਂ ਤੋਂ ਹੀ ਬੰਦ ਕਰ ਦਿੱਤੇ ਸਨ। ਉਸੇ ਦੇ ਨਾਲ ਇਹਨਾਂ ਸਪੈਸ਼ਲ ਕਲਾਸਾਂ ਚਲਾਉਣ ਵਾਲੇ ਸਕੂਲਾਂ ਨੂੰ ਵੀ ਬੰਦ ਕਰ ਦਿੱਤਾ ਗਿਆ ਸੀ। ਹੁਣ 5 ਮਹੀਨਿਆਂ ਦਾ ਸਮਾਂ ਬੀਤ ਜਾਣ ਦੇ ਬਾਅਦ ਵੀ ਚੀਨ ਸਰਕਾਰ ਆਪਣੇ ਸਕੂਲਾਂ ਨੂੰ ਮੁੜ ਖੋਲ੍ਹਣ ਵਿਚ ਲੱਗੀ ਹੋਈ ਹੈ ਕੁਝ ਸਕੂਲ ਤਾਂ ਖੋਲ੍ਹ ਵੀ ਦਿੱਤੇ ਗਏ ਹਨ। ਇੱਥੇ ਆਉਣ ਵਾਲੇ ਸਾਰੇ ਬੱਚੇ ਸਾਰੇ ਸੁਰੱਖਿਆ ਮਾਪਦੰਡਾਂ ਦੀ ਵਰਤੋਂ ਕਰਦੇ ਰਹੇ ਹਨ ਪਰ ਹੁਣ ਤੱਕ ਚੀਨੀ ਸਰਕਾਰ ਨੇ ਇਸ ਵਿਸ਼ੇਸ਼ ਭਾਸ਼ਾ ਦੇ ਸਕੂਲਾਂ ਨੂੰ ਖੋਲ੍ਹਣ ਦੀ ਦਿਸ਼ਾ ਵਿਚ ਕੋਈ ਕਦਮ ਨਹੀਂ ਚੁੱਕੇ ਹਨ। 

ਪੜ੍ਹੋ ਇਹ ਅਹਿਮ ਖਬਰ- ਆਸਟ੍ਰੇਲੀਆ: ਗੰਭੀਰ ਹਾਲਤ 'ਚ ਮਿਲਿਆ 5 ਮਹੀਨੇ ਦਾ ਬੱਚਾ, ਕਈ ਖ਼ਦਸ਼ਿਆਂ ਦੌਰਾਨ ਜਾਂਚ ਜਾਰੀ

ਅਜਿਹੇ ਵਿਚ ਡਿਜ਼ਨੀ ਕੰਪਨੀ ਨੇ ਖੁਦ ਹੀ ਇਹਨਾਂ ਸਕੂਲਾਂ ਨੂੰ ਬੰਦ ਕਰਨ ਦਾ ਫੈਸਲਾ ਲਿਆ ਹੈ। ਇਹਨਾਂ ਨੂੰ ਖੋਲ੍ਹਣ ਦੀ ਇਜਾਜ਼ਤ ਹਾਲੇ ਨਹੀਂ ਦਿੱਤੀ ਗਈ ਹੈ। ਅਸਲ ਵਿਚ ਡਿਜ਼ਨੀ ਕੰਪਨੀ ਨੇ ਸਾਲ 2008 ਵਿਚ ਚੀਨ ਵਿਚ ਇਹਨਾਂ ਸਕੂਲਾਂ ਦੀ ਸਥਾਪਨਾ ਕੀਤੀ ਸੀ। ਉਹਨੀਂ ਦਿਨੀਂ ਚੀਨ ਵਿਚ ਮੱਧਮ ਵਰਗ ਦੇ ਵਿਚ ਅੰਗਰੇਜ਼ੀ ਸਿੱਖਣ ਦੀ ਮੰਗ ਤੇਜ਼ੀ ਨਾਲ ਵੱਧ ਰਹੀ ਸੀ। ਇਸ ਮਾਰਕੀਟ ਨੂੰ ਧਿਆਨ ਵਿਚ ਰੱਖਦੇ ਹੋਏ ਡਿਜ਼ਨੀ ਇੰਗਲਿਸ਼ ਨੇ ਇੱਥੇ ਆਪਣੇ ਸੈਂਟਰ ਖੋਲ੍ਹੇ ਸਨ। ਏਸ਼ੀਆ-ਪ੍ਰਸ਼ਾਂਤ ਖੇਤਰ ਵਿਚ ਖਪਤਕਾਰ ਉਤਪਾਦਾਂ ਦੇ ਵਪਾਰੀਕਰਨ ਦੇ ਡਿਜ਼ਨੀ ਦੇ ਕਾਰਜਕਾਰੀ ਉਪ ਪ੍ਰਧਾਨ ਮਹੇਸ਼ ਸਾਮਤ ਨੇ ਦੱਸਿਆ ਕਿ ਇਹਨਾਂ ਸਕੂਲਾਂ ਨੂੰ ਚੀਨ ਦੇ ਲੋਕਾਂ ਨੂੰ ਉਹਨਾਂ ਦੀ ਭਾਸ਼ਾ ਦੇ ਨਾਲ-ਨਾਲ ਇੰਗਲਿਸ਼ ਸਿੱਖਣ ਲਈ ਖੋਲ੍ਹਿਆ ਗਿਆ ਸੀ ਪਰ ਕੋਰੋਨਾਵਾਇਰਸ ਦੇ ਪ੍ਰਕੋਪ ਦੇ ਬਾਅਦ ਇਹਨਾਂ ਸਕੂਲਾਂ ਨੂੰ ਖੋਲ੍ਹਣਾ ਮੁਸ਼ਕਲ ਹੋ ਰਿਹਾ ਹੈ। ਉਂਝ ਕੰਪਨੀ ਨੇ ਇਹਨਾਂ ਸੈਂਟਰਾਂ ਨੂੰ ਬੰਦ ਕਰਨ ਲਈ ਨਹੀਂ ਬਣਾਇਆ ਸੀ।

ਪੜ੍ਹੋ ਇਹ ਅਹਿਮ ਖਬਰ- ਬ੍ਰਿਟੇਨ ਦੀ ਚੋਟੀ ਦੀਆਂ 50 ਬੀਬੀਆਂ ਇੰਜੀਨੀਅਰਾਂ ਦੀ ਸੂਚੀ 'ਚ 5 ਭਾਰਤੀ ਸ਼ਾਮਲ