ਨਾਬਾਲਗ ਨੇ 11 ਸਾਲਾ ਕੁੜੀ ਦਾ 100 ਵਾਰ ਕੀਤਾ ਬਲਾਤਕਾਰ, ਬਾਥਟੱਪ ''ਚ ਦਿੱਤਾ ਬੱਚੇ ਨੂੰ ਜਨਮ
02/20/2020 9:42:35 PM
ਨਿਊਯਾਰਕ- ਅਮਰੀਕਾ ਵਿਚ ਪੁਲਸ ਨੇ 17 ਸਾਲ ਦੇ ਇਕ ਲੜਕੇ ਨੂੰ ਗ੍ਰਿਫਤਾਰ ਕੀਤਾ ਹੈ। ਦੋਸ਼ ਹੈ ਕਿ ਉਸ ਨੇ ਇਕ 11 ਸਾਲ ਦੀ ਲੜਕੀ ਦੇ ਨਾਲ ਕਥਿਤ ਤੌਰ 'ਤੇ 100 ਵਾਰ ਬਲਾਤਕਾਰ ਕੀਤਾ। ਪੁਲਸ ਦੇ ਸਾਹਮੇ ਲੋਪੇਜ਼ ਨਾਂ ਦੇ ਇਸ ਲੜਕੇ ਨੇ ਆਪਣਾ ਜੁਰਮ ਕਬੂਲ ਕਰ ਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਪੀੜਤਾ ਲੜਕੇ ਦੀ ਦੂਰ ਦੀ ਰਿਸ਼ਤੇਦਾਰ ਸੀ।
ਇੰਝ ਹੋਇਆ ਖੁਲਾਸਾ
ਇਸ ਮਾਮਲੇ ਦਾ ਖੁਲਾਸਾ ਉਸ ਵੇਲੇ ਹੋਇਆ ਜਦੋਂ ਅਚਾਨਕ ਲੜਕੇ ਦੇ ਪਿਤਾ ਨਵਜੰਮੇ ਨੂੰ ਲੈ ਕੇ ਹਸਪਤਾਲ ਪਹੁੰਚੇ। ਉਹਨਾਂ ਨੇ ਡਾਕਟਰਾਂ ਨੂੰ ਦੱਸਿਆ ਕਿ ਉਹਨਾਂ ਦੇ ਘਰ ਦੇ ਬਾਹਰ ਕਿਸੇ ਨੇ ਇਸ ਬੱਚੇ ਨੂੰ ਛੱਡਿਆ ਹੈ। ਨਵਜੰਮੇ ਨੂੰ ਦੇਖ ਦੇ ਡਾਕਟਰ ਵੀ ਹੈਰਾਨ ਰਹਿ ਗਏ। ਅਸਲ ਵਿਚ ਬੱਚੇ ਦਾ ਅੰਬਿਲਿਕਲ ਕਾਰਡ ਤੇ ਪਲੇਸੇਂਟਾ ਅਜੇ ਵੀ ਜੁੜਿਆ ਹੋਇਆ ਸੀ। ਇੰਨਾਂ ਹੀ ਨਹੀਂ ਬੱਚੇ ਦੇ ਸਰੀਰ ਦਾ ਤਾਪਮਾਨ ਵੀ ਖਤਰੇ ਵਾਲੇ ਪੱਧਰ 'ਤੇ ਸੀ। ਡਾਕਟਰਾਂ ਨੂੰ ਬਾਅਦ ਵਿਚ ਪਤਾ ਲੱਗਿਆ ਕਿ ਬੱਚੇ ਦਾ ਜਨਮ ਇਕ ਬਾਥਟੱਬ ਵਿਚ ਹੋਇਆ ਸੀ।
17 ਸਾਲ ਦੇ ਲੜਕੇ ਦੇ ਪਿਤਾ ਨੇ ਦੱਸਿਆ ਕਿ ਉਹਨਾਂ ਨੂੰ ਇਸ ਗੱਲ ਦੀ ਕੋਈ ਜਾਣਕਾਰੀ ਨਹੀਂ ਸੀ ਕਿ ਉਸ ਦਾ ਬੇਟਾ ਲੜਕੀ ਨਾਲ ਰੇਪ ਕਰਦਾ ਰਿਹਾ ਸੀ। ਨਾਲ ਹੀ ਲੜਕੀ ਦੀ ਪ੍ਰੈਗਨੇਂਸੀ ਦੀ ਵੀ ਉਹਨਾਂ ਨੂੰ ਕੋਈ ਖਬਰ ਨਹੀਂ ਸੀ। ਬਾਅਦ ਵਿਚ ਲੜਕੇ ਨੇ ਪੁਲਸ ਨੂੰ ਦੱਸਿਆ ਕਿ ਉਸ ਨੇ ਤਕਰੀਬਨ 100 ਵਾਰ ਉਸ ਲੜਕੀ ਦਾ ਰੇਪ ਕੀਤਾ। ਪੁਲਸ ਨੂੰ ਬਾਅਦ ਵਿਚ ਇਹ ਵੀ ਪਤਾ ਲੱਗਿਆ ਕਿ ਲੜਕਾ ਹਫਤੇ ਵਿਚ ਘੱਟ ਤੋਂ ਘੱਟ ਦੋ ਵਾਰ ਰੇਪ ਕਰਦਾ ਸੀ।
ਹੋ ਸਕਦੀ ਹੈ ਉਮਰ ਕੈਦ
ਲੋਪੇਜ਼ ਨੂੰ ਇਸ ਮਾਮਲੇ ਵਿਚ ਉਮਰ ਕੈਦ ਦੀ ਸਜ਼ਾ ਹੋ ਸਕਦੀ ਹੈ। ਪੁਲਸ ਮੁਤਾਬਕ ਲੋਪੇਜ਼ ਤੇ ਉਸ ਦਾ ਪਰਿਵਾਰ ਗੈਰ-ਕਾਨੂੰਨੀ ਤਰੀਕੇ ਨਾਲ ਅਮਰੀਕਾ ਵਿਚ ਰਹਿ ਰਿਹਾ ਸੀ। ਫਿਲਹਾਲ ਲੜਕੇ ਤੇ ਉਸ ਦੇ ਪਰਿਵਾਰ ਤੋਂ ਪੁੱਛਗਿੱਛ ਚੱਲ ਰਹੀ ਹੈ।
