ਦੁਨੀਆ ਦੇ ਦੂਜੇ ਸਭ ਤੋਂ ਅਮੀਰ ਵਿਅਕਤੀ ਬਿਲ ਗੇਟਸ ਦੀ ਧੀ ਨੇ ਕੀਤੀ ਘੁੜਸਵਾਰ ਨਾਲ ਸਗਾਈ
01/31/2020 5:00:06 PM
ਕੈਲੀਫੋਰਨੀਆ- ਦੁਨੀਆ ਦੇ ਦੂਜੇ ਸਭ ਤੋਂ ਅਮੀਰ ਵਿਅਕਤੀ ਬਿਲ ਗੇਟਸ ਦੀ ਸਭ ਤੋਂ ਵੱਡੀ ਬੇਟੀ ਜੈਨੀਫਰ ਗੇਟਸ ਨੇ ਸਗਾਈ ਕਰ ਲਈ ਹੈ। 23 ਸਾਲ ਦੀ ਜੈਨੀਫਰ ਨੇ 28 ਸਾਲ ਦੇ ਮਿਸਰ ਦੇ ਘੁੜਸਵਾਰ ਨਾਇਲ ਨਸਾਰ ਦੇ ਨਾਲ ਸਗਾਈ ਦਾ ਐਲਾਨ ਬੁੱਧਵਾਰ ਨੂੰ ਇੰਸਟਾਗ੍ਰਮ 'ਤੇ ਫੋਟੋ ਸ਼ੇਅਰ ਕਰਕੇ ਕੀਤਾ। ਜੈਨੀਫਰ ਨੇ ਲਿਖਿਆ ਕਿ ਨਾਇਲ ਨਸਾਰ, ਤੁਸੀਂ ਤੁਹਾਡੇ ਜਿਹੇ ਇਕੱਲੇ ਹੋ, ਕਰੋੜਾਂ ਵਾਰ ਹਾਂ। ਇਸ ਦੇ ਨਾਲ ਹੀ ਨਸਾਰ ਨੇ ਆਪਣੀ ਪੋਸਟ ਵਿਚ ਲਿਖਿਆ, 'ਉਸ ਨੇ ਹਾਂ ਕਿਹਾ।'
ਚਾਰ ਸਾਲ ਦੀ ਡੇਟਿੰਗ ਤੋਂ ਬਾਅਦ ਜੈਨੀਫਰ ਤੇ ਨਸਾਰ ਨੇ ਸਗਾਈ ਕੀਤੀ ਹੈ। ਹਾਲਾਂਕਿ ਅਜੇ ਇਹ ਤੈਅ ਨਹੀਂ ਹੋਇਆ ਹੈ ਕਿ ਉਹ ਵਿਆਹ ਕਦੋਂ ਕਰਨਗੇ। ਉਥੇ ਹੀ ਜੈਨੀਫਰ ਦੇ ਪਰਿਵਾਰ ਬਿਲ (64) ਤੇ ਮੇਲਿੰਡਾ (55) ਨੇ ਹਾਲ ਹੀ ਵਿਚ ਆਪਣੇ ਵਿਆਹ ਦੀ 26ਵੀਂ ਵਰ੍ਹੇਗੰਢ ਮਨਾਈ ਹੈ। ਗੇਟਸ ਅਮੇਜ਼ਨ ਦੇ ਫਾਊਂਡਰ ਤੇ ਸੀਈਓ ਜੈਫ ਬੇਜੋਸ ਤੋਂ ਬਾਅਦ ਦੁਨੀਆ ਦੇ ਦੂਜੇ ਸਭ ਤੋਂ ਅਮੀਰ ਵਿਅਕਤੀ ਹਨ। ਫੋਬਸ ਮੁਤਾਬਕ 31 ਜਨਵਰੀ ਨੂੰ ਬਿਲ ਗੇਟਸ ਦੀ ਕੁੱਲ ਜਾਇਦਾਦ 110 ਬਿਲੀਅਨ ਡਾਲਰ ਸੀ।
2009 ਵਿਚ ਕੈਲੀਫੋਰਨੀਆ ਵਿਚ ਸੀ ਨਸਾਰ ਦਾ ਪਰਿਵਾਰ
ਨਸਾਰ ਨੇ ਆਪਣੀ ਪੋਸਟ ਵਿਚ ਲਿਖਿਆ ਕਿ ਮੈਂ ਖੁਦ ਨੂੰ ਦੁਨੀਆ ਦਾ ਸਭ ਤੋਂ ਖੁਸ਼ਕਿਸਮਤ ਵਿਅਕਤੀ ਮਹਿਸੂਸ ਕਰ ਰਿਹਾ ਹਾਂ। ਮੇਰੇ ਲਈ ਤੁਸੀਂ ਸਭ ਕੁਝ ਹੋ, ਜਿਸ ਦੇ ਬਾਰੇ ਮੈਂ ਸੋਚ ਸਕਦਾ ਹਾਂ। ਨਾਇਲ ਮੂਲ ਰੂਪ ਨਾਲ ਮਿਸਰ ਦੇ ਰਹਿਣ ਵਾਲੇ ਹਨ। ਉਹਨਾਂ ਦਾ ਬਚਪਨ ਕੁਵੈਤ ਵਿਚ ਬੀਤਿਆ। ਉਹਨਾਂ ਦੇ ਪਿਤਾ ਬਿਜ਼ਨੈਸਮੈਨ ਹਨ। ਨਸਾਰ ਨੇ ਸਟੈਂਡਫੋਰਡ ਯੂਨੀਵਰਸਿਟੀ ਤੋਂ ਮੈਨੇਜਮੈਂਟ ਤੇ ਇਕਨਾਮਿਕਸ ਵਿਚ ਡਿਗਰੀ ਹਾਸਲ ਕੀਤੀ ਹੈ। ਉਹ ਘੁੜਸਵਾਰੀ ਕਰਦੇ ਹਨ। ਵਿਸ਼ਵ ਪੱਧਰੀ ਕਈ ਮੁਕਾਬਲਿਆਂ ਵਿਚ ਉਹ 'ਸ਼ੋਅ ਜੰਪਰ' ਰਹਿ ਚੁੱਕੇ ਹਨ। ਉਹਨਾਂ ਦਾ ਪਰਿਵਾਰ 2009 ਵਿਚ ਅਮਰੀਕਾ ਦੇ ਕੈਲੀਫੋਰਨੀਆ ਵਿਚ ਵੱਸ ਗਿਆ ਸੀ।
