ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਨੇ ਪ੍ਰਮਾਣੂ ਉਪ ਸਮਝੌਤੇ ਦੀ ਚੀਨੀ ਆਲੋਚਨਾ ਨੂੰ ਕੀਤਾ ਰੱਦ

ਕੈਨਬਰਾ (ਏਜੰਸੀ): ਪ੍ਰਧਾਨ ਮੰਤਰੀ ਸਕੌਟ ਮੌਰੀਸਨ ਨੇ ਸ਼ੁੱਕਰਵਾਰ ਨੂੰ ਆਸਟ੍ਰੇਲੀਆ ਦੇ ਅਮਰੀਕਾ ਨਾਲ ਨਵੇਂ ਪਰਮਾਣੂ ਪਣਡੁੱਬੀ ਗੱਠਜੋੜ ਦੀ ਚੀਨੀ ਆਲੋਚਨਾ ਨੂੰ ਰੱਦ ਕਰ ਦਿੱਤਾ। ਮੌਰੀਸਨ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਗੱਲ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਰਾਸ਼ਟਰਪਤੀ ਜੋਅ ਬਾਈਡੇਨ ਸ਼ਾਇਦ ਉਹਨਾਂ ਦਾ ਨਾਂ ਭੁੱਲ ਗਏ ਹਨ।

ਚੀਨ ਨੇ ਗੁੱਸੇ ਨਾਲ ਪ੍ਰਤੀਕਿਰਿਆ ਦਿੱਤੀ ਕਿ ਬਾਈਡੇਨ, ਮੌਰੀਸਨ ਅਤੇ ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਨੇ ਇਸ ਹਫ਼ਤੇ ਇੱਕ ਵਰਚੁਅਲ ਨਿਊਜ਼ ਕਾਨਫਰੰਸ ਜ਼ਰੀਏ ਇੱਕ ਤਿਕੋਣੀ ਰੱਖਿਆ ਗੱਠਜੋੜ AUKUS ਦੀ ਘੋਸ਼ਣਾ ਕੀਤੀ, ਜੋ ਆਸਟ੍ਰੇਲੀਆ ਨੂੰ ਘੱਟੋ ਘੱਟ ਅੱਠ ਪਰਮਾਣੂ ਊਰਜਾ ਸੰਚਾਲਿਤ ਪਣਡੁੱਬੀਆਂ ਦਾ ਬੇੜਾ ਮੁਹੱਈਆ ਕਰਵਾਏਗਾ।
ਚੀਨੀ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਝਾਓ ਲਿਜਿਅਨ ਨੇ ਕਿਹਾ ਕਿ ਇਹ ਅਮਰੀਕਾ ਅਤੇ ਬ੍ਰਿਟੇਨ ਲਈ ਪ੍ਰਮਾਣੂ ਤਕਨਾਲੋਜੀ ਨੂੰ ਨਿਰਯਾਤ ਕਰਨ ਦਾ “ਬਹੁਤ ਗੈਰ ਜ਼ਿੰਮੇਵਾਰਾਨਾ” ਢੰਗ ਸੀ।ਮੌਰੀਸਨ ਨੇ ਕਿਹਾ ਕਿ ਆਸਟ੍ਰੇਲੀਆ ਹਿੰਦ-ਪ੍ਰਸ਼ਾਂਤ ਖੇਤਰ ਵਿੱਚ ਸ਼ਾਂਤੀ ਅਤੇ ਸਥਿਰਤਾ ਨੂੰ ਵਧਾਉਣਾ ਚਾਹੁੰਦਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ- ਇਟਲੀ ਸਰਕਾਰ ਦਾ ਨਵਾਂ ਫਰਮਾਨ, ਕਾਮਿਆਂ ਲਈ ਗ੍ਰੀਨ ਪਾਸ ਕੀਤਾ ਜ਼ਰੂਰੀ

ਮੌਰੀਸਨ ਨੇ ਰੇਡੀਓ 3 ਏਡਬਲਯੂ ਨੂੰ ਦੱਸਿਆ,“ਅਸੀਂ ਸੰਯੁਕਤ ਰਾਜ ਅਮਰੀਕਾ ਨਾਲ ਜੋ ਵੀ ਕੀਤਾ ਹੈ ਉਹ ਉਹਨਾਂ ਸਾਂਝੇਦਾਰੀਆਂ, ਸੰਬੰਧਾਂ ਅਤੇ ਗੱਠਜੋੜ ਦੇ ਅਨੁਕੂਲ ਹੈ ਜੋ ਅਸੀਂ ਪਹਿਲਾਂ ਹੀ ਸੰਯੁਕਤ ਰਾਜ ਨਾਲ ਕਰ ਚੁੱਕੇ ਹਾਂ।” ਗਠਜੋੜ ਦੀਆਂ ਖ਼ਬਰਾਂ ਨੂੰ ਸਿੰਗਾਪੁਰ ਵਿੱਚ ਸਕਾਰਾਤਮਕ ਹੁੰਗਾਰਾ ਮਿਲਿਆ। ਸਿੰਗਾਪੁਰ ਦੇ ਵਿਦੇਸ਼ ਮੰਤਰਾਲੇ ਨੇ ਇੱਕ ਬਿਆਨ ਵਿੱਚ ਕਿਹਾ,''ਟਾਪੂ-ਰਾਜ ਦੇ ਪ੍ਰਧਾਨ ਮੰਤਰੀ ਲੀ ਹਿਸੇਨ ਲੂੰਗ ਨੇ ਇੱਕ ਫੋਨ ਕਾਲ ਵਿੱਚ ਮੌਰੀਸਨ ਨੂੰ ਦੱਸਿਆ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਪਰਮਾਣੂ ਸਮਝੌਤਾ ਖੇਤਰ ਦੀ ਸ਼ਾਂਤੀ ਅਤੇ ਸਥਿਰਤਾ ਵਿੱਚ ਰਚਨਾਤਮਕ ਯੋਗਦਾਨ ਪਾਏਗਾ ਅਤੇ ਖੇਤਰੀ ਢਾਂਚੇ ਦਾ ਪੂਰਕ ਹੋਵੇਗਾ”।ਫਰਾਂਸ ਦੇ ਨੇਤਾ ਇਸ ਸਮਝੌਤੇ ਦੀ ਨਿਖੇਧੀ ਕਰ ਰਹੇ ਹਨ ਕਿ ਆਸਟ੍ਰੇਲੀਆ ਲਈ 12 ਰਵਾਇਤੀ ਡੀਜ਼ਲ-ਇਲੈਕਟ੍ਰਿਕ ਪਣਡੁੱਬੀਆਂ ਬਣਾਉਣ ਲਈ ਫਰਾਂਸ ਨਾਲ ਹੋਏ ਇਕਰਾਰਨਾਮੇ ਨੂੰ ਖ਼ਤਮ ਕਰ ਦਿੱਤਾ ਗਿਆ ਹੈ।

ਆਬਜ਼ਰਵਰਾਂ ਦਾ ਕਹਿਣਾ ਹੈ ਕਿ ਬਾਈਡੇਨ ਵੀਰਵਾਰ ਦੀ ਨਿਊਜ਼ ਕਾਨਫਰੰਸ ਦੌਰਾਨ ਮੌਰੀਸਨ ਦਾ ਨਾਮ ਭੁੱਲ ਗਏ ਜਾਪਦੇ ਸਨ, ਜੋ ਕਿ ਤਿੰਨ ਦੇਸ਼ਾਂ ਤੋਂ ਟੈਲੀਵਿਜ਼ਨ 'ਤੇ ਪ੍ਰਸਾਰਿਤ ਕੀਤਾ ਗਿਆ ਸੀ। ਰਾਸ਼ਟਰਪਤੀ ਨੇ ਆਸਟ੍ਰੇਲੀਆਈ ਨੂੰ "ਪਾਲ" ਅਤੇ "ਉਹ ਸਾਥੀ ਡਾਊਨ ਅੰਡਰ" ਦੇ ਰੂਪ ਵਿਚ ਦੱਸਿਆ। ਬਾਈਡੇਨ ਨੇ ਮੌਰੀਸਨ ਦੇ ਨਾਮ ਦੀ ਵਰਤੋਂ ਨਹੀਂ ਕੀਤੀ, ਜਦੋਂ ਕਿ ਉਹਨਾਂ ਨੇ ਜਾਨਸਨ ਨੂੰ "ਬੋਰਿਸ" ਕਿਹਾ। ਇਸ ਨੇ ਆਸਟ੍ਰੇਲੀਆਈ ਲੋਕਾਂ ਨੂੰ ਯਾਦ ਦਿਵਾਇਆ ਕਿ ਉਸ ਸਮੇਂ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਬੁਲਾਰੇ ਸੀਨ ਸਪਾਈਸਰ ਨੇ 2017 ਵਿੱਚ ਮੌਰੀਸਨ ਦੇ ਪੂਰਵਗਾਮੀ, ਮੈਲਕਮ ਟਰਨਬੁੱਲ ਨੂੰ ਬਾਰ ਬਾਰ "ਮਿਸਟਰ ਟ੍ਰੰਬਲ" ਕਿਹਾ ਸੀ।ਜ਼ਿਕਰਯੋਗ ਹੈ ਕਿ ਬਾਈਡੇਨ ਦੇ ਰਾਸ਼ਟਰਪਤੀ ਬਣਨ ਤੋਂ ਬਾਅਦ ਪਹਿਲੀ ਵਾਰ ਮੌਰੀਸਨ ਅਗਲੇ ਹਫ਼ਤੇ ਸੰਯੁਕਤ ਰਾਜ ਦਾ ਦੌਰਾ ਕਰਨਗੇ। ਕਵਾਡ ਸੁਰੱਖਿਆ ਵਾਰਤਾ ਦੀ ਬੈਠਕ ਵਿਚ ਇਸ ਜੋੜੀ ਨਾਲ ਭਾਰਤ ਅਤੇ ਜਾਪਾਨ ਦੇ ਨੇਤਾ ਸ਼ਾਮਲ ਹੋਣਗੇ।