ਆਸਟ੍ਰੇਲੀਆ ਦੀ ਸਰਵਉੱਚ ਅਦਾਲਤ ਨੇ ਵਿਦੇਸ਼ੀ ਦਖਲਅੰਦਾਜ਼ੀ ਕਾਨੂੰਨ ਨੂੰ ਰੱਖਿਆ ਬਰਕਰਾਰ

ਕੈਨਬਰਾ (ਏਜੰਸੀ): ਆਸਟ੍ਰੇਲੀਆ ਦੀ ਸਰਵਉੱਚ ਅਦਾਲਤ ਨੇ ਬੁੱਧਵਾਰ ਨੂੰ ਇਕ ਅਜਿਹੇ ਕੇਸ ਵਿਚ ਵਿਦੇਸ਼ੀ ਦਖਲਅੰਦਾਜ਼ੀ ਕਾਨੂੰਨਾਂ ਦੀ ਚੁਣੌਤੀ ਨੂੰ ਰੱਦ ਕਰ ਦਿੱਤਾ ਜਿਸ ਵਿਚ ਇਕ ਅਮਰੀਕੀ ਰੂੜ੍ਹੀਵਾਦੀ ਰਾਜਨੀਤਕ ਸੰਗਠਨ ਅਤੇ ਸੁਤੰਤਰ ਭਾਸ਼ਣ ਵਾਲੀਆਂ ਦਲੀਲਾਂ ਸ਼ਾਮਲ ਸਨ। ਚੀਨ ਨੇ ਸਾਲ 2018 ਵਿਚ ਲਾਗੂ ਕੀਤੇ ਕਾਨੂੰਨਾਂ ਦੀ ਨਿੰਦਾ ਕੀਤੀ ਹੈ ਜਿਨ੍ਹਾਂ ਨੂੰ ਵਿਆਪਕ ਰੂਪ ਨਾਲ ਆਸਟ੍ਰੇਲੀਆਈ ਰਾਜਨੀਤੀ, ਯੂਨੀਵਰਸਿਟੀਆਂ ਅਤੇ ਹੋਰ ਅਦਾਰਿਆਂ ਵਿਚ ਗੁਪਤ ਚੀਨੀ ਦਖਲਅੰਦਾਜ਼ੀ ਨੂੰ ਰੋਕਣ ਦੇ ਇੱਕ ਸਾਧਨ ਵਜੋਂ ਦੇਖਿਆ ਜਾਂਦਾ ਹੈ।

ਵਿਦੇਸ਼ੀ ਤਾਕਤਾਂ ਵੱਲੋਂ ਕੰਮ ਕਰਨ ਵਾਲੇ ਲੋਕਾਂ ਨੂੰ ਪਾਰਦਰਸ਼ਿਤਾ ਦੇ ਹਿੱਤਾਂ ਲਈ ਅਟਾਰਨੀ-ਜਨਰਲ ਵਿਭਾਗ ਨਾਲ ਜਨਤਕ ਤੌਰ ਤੇ ਖੁਦ ਨੂੰ ਰਜਿਸਟਰ ਕਰਵਾਉਣਾ ਪੈਂਦਾ ਹੈ ਪਰ ਇੱਕ ਆਸਟ੍ਰੇਲੀਆਈ ਲਿਬਰਟੀਅਨ ਥਿੰਕ ਟੈਂਕ ਲਿਬਰਟੀ ਵਰਕਸ ਇੰਕ ਨੇ ਆਸਟ੍ਰੇਲੀਆ ਵਿਚ ਹੋਣ ਵਾਲੀਆਂ ਕਾਨਫਰੰਸਾਂ ਤੋਂ ਪਹਿਲਾਂ ਅਮੇਰਿਕਨ ਕੰਜ਼ਰਵੇਟਿਵ ਯੂਨੀਅਨ ਲਈ ਸੰਚਾਰਾਂ ਦੌਰਾਨ ਕੰਮ ਕਰਨ ਵੇਲੇ ਰਜਿਸਟਰ ਹੋਣ 'ਤੇ ਇਤਰਾਜ਼ ਜਤਾਇਆ। ਲਿਬਰਟੀ ਵਰਕਸ ਅਮਰੀਕੀ ਸਮੂਹ ਦੀਆਂ ਸਾਲਾਨਾ ਰਾਜਨੀਤਿਕ ਕਾਨਫਰੰਸਾਂ ਨੂੰ ਉਤਸ਼ਾਹਿਤ ਕਰਦੀ ਹੈ।

ਪੜ੍ਹੋ ਇਹ ਅਹਿਮ ਖਬਰ- ਪਾਕਿ ਅਦਾਲਤ ਨੇ ਜਾਧਵ ਮਾਮਲੇ ਦੀ ਸੁਣਵਾਈ 5 ਅਕਤੂਬਰ ਤੱਕ ਕੀਤੀ ਮੁਲਤਵੀ

ਲਿਬਰਟੀ ਵਰਕਸ ਨੇ ਦਲੀਲ ਦਿੱਤੀ ਕਿ ਤਥਾਕਥਿਤ ਵਿਦੇਸ਼ੀ ਪ੍ਰਭਾਵ ਪਾਰਦਰਸ਼ਿਤਾ ਸਕੀਮ ਐਕਟ ਵੈਧ ਨਹੀਂ ਹੈ ਕਿਉਂਕਿ ਇਸ ਨੇ ਆਸਟ੍ਰੇਲੀਆ ਵਿਚ ਬੋਲਣ ਦੇ ਸੁਤੰਤਰ ਅਧਿਕਾਰ 'ਤੇ ਬੋਝ ਪਾਇਆ।ਲਿਬਰਟੀ ਵਰਕਸ ਨੇ ਕਿਹਾ ਕਿ ਰਜਿਸਟਰੀਕਰਣ ਦੀ ਪ੍ਰਕਿਰਿਆ ਬਹੁਤ ਮੁਸ਼ਕਲ ਸੀ ਪਰ ਹਾਈ ਕੋਰਟ ਦੇ ਸੱਤ ਜੱਜਾਂ ਵਿੱਚੋਂ ਛੇ ਨੇ ਪਾਇਆ ਕਿ ਇਹ ਕਾਨੂੰਨ ਵੈਧ ਸੀ ਅਤੇ ਕੋਈ ਵੀ ਬੋਝ ਜਾਇਜ਼ ਸੀ।ਜਸਟਿਸ ਸੁਜਾਨ ਕਿੱਫਲ, ਪੈਟਰਿਕ ਕੀਨ ਅਤੇ ਜੈਕਲੀਨ ਗਲੀਸਨ ਨੇ ਲਿਖਿਆ,“ਜਦੋਂ ਵਿਦੇਸ਼ੀ ਦਖਲ ਅੰਦਾਜ਼ੀ ਦਾ ਉਦੇਸ਼ ਆਸਟ੍ਰੇਲੀਆ ਨੂੰ ਨੁਕਸਾਨ ਪਹੁੰਚਾਉਣਾ ਜਾਂ ਅਸਥਿਰ ਕਰਨਾ ਨਹੀਂ ਹੈ, ਤਾਂ ਜੇਕਰ ਇਸ ਨੂੰ ਅਣਜਾਣ ਛੱਡਿਆ ਜਾਂਦਾ ਹੈ ਤਾਂ ਇਹ ਆਸਟ੍ਰੇਲੀਆ ਵਿਚ ਫ਼ੈਸਲਾ ਲੈਣ ਵਾਲਿਆਂ ਦੀ ਸਮਰੱਥਾ ਵਿਚ ਰੁਕਾਵਟ ਪਾ ਸਕਦਾ ਹੈ।''ਅਟਾਰਨੀ-ਜਨਰਲ ਮਾਈਕਲਿਆ ਕੈਸ਼ ਨੇ ਇਸ ਫ਼ੈਸਲੇ ਦਾ ਸਵਾਗਤ ਕੀਤਾ। 

ਉਹਨਾਂ ਦੇ ਦਫਤਰ ਨੇ ਇੱਕ ਬਿਆਨ ਵਿਚ ਕਿਹਾ,“ਵਿਦੇਸ਼ੀ ਪ੍ਰਭਾਵ ਦੀਆਂ ਗਤੀਵਿਧੀਆਂ, ਜਦੋਂ ਇੱਕ ਖੁੱਲੇ ਅਤੇ ਪਾਰਦਰਸ਼ੀ ਢੰਗ ਨਾਲ ਕਰਵਾਈਆਂ ਜਾਂਦੀਆਂ ਹਨ, ਜਨਤਕ ਬਹਿਸ ਵਿਚ ਸਕਾਰਾਤਮਕ ਯੋਗਦਾਨ ਪਾ ਸਕਦੀਆਂ ਹਨ ਅਤੇ ਆਸਟ੍ਰੇਲੀਆ ਵਿਚ ਉਨ੍ਹਾਂ ਦਾ ਸਵਾਗਤ ਕੀਤਾ ਜਾਂਦਾ ਹੈ।” ਟਿੱਪਣੀ ਲਈ ਲਿਬਰਟੀ ਵਰਕਸ ਦੇ ਪ੍ਰਧਾਨ ਐਂਡਰਿਊ ਕੂਪਰ ਨਾਲ ਤੁਰੰਤ ਸੰਪਰਕ ਨਹੀਂ ਕੀਤਾ ਜਾ ਸਕਿਆ।ਇਹ ਕੇਸ ਆਸਟ੍ਰੇਲੀਆ ਦੀ ਵਿਦੇਸ਼ੀ ਪ੍ਰਭਾਵ ਪਾਰਦਰਸ਼ਿਤਾ ਯੋਜਨਾ ਲਈ ਪਹਿਲੀ ਚੁਣੌਤੀ ਸੀ। ਇਕ ਰਾਜ ਸਰਕਾਰ ਦੇ ਸੰਸਦ ਮੈਂਬਰ ਦੇ ਚੀਨੀ ਮੂਲ ਦੇ ਰਾਜਨੀਤਿਕ ਸਲਾਹਕਾਰ, ਜੌਨ ਸ਼ੀ ਸ਼ੈਂਗ ਝਾਂਗ ਨੇ ਪਿਛਲੇ ਮਹੀਨੇ  ਵਿਦੇਸ਼ੀ ਦਖਲਅੰਦਾਜ਼ੀ ਕਾਨੂੰਨਾਂ ਤਹਿਤ ਦੋਸ਼ਾਂ ਲਈ ਆਪਣੀ ਹਾਈ ਕੋਰਟ ਦੀ ਚੁਣੌਤੀ ਗਵਾ ਦਿੱਤੀ ਸੀ। ਉਹ ਪੁਲਸ ਜਾਂਚ ਅਧੀਨ ਹੈ।ਨਵੰਬਰ ਵਿਚ ਇੱਕ ਚੀਨੀ ਕਮਿਊਨਿਟੀ ਸੰਗਠਨ ਦਾ ਨੇਤਾ ਆਸਟ੍ਰੇਲੀਆ ਦੇ ਵਿਦੇਸ਼ੀ ਦਖਲ ਕਾਨੂੰਨਾਂ ਤਹਿਤ ਦੋਸ਼ ਲਾਇਆ ਗਿਆ ਪਹਿਲਾ ਵਿਅਕਤੀ ਬਣ ਗਿਆ ਹੈ।ਪੁਲਸ ਨੇ ਦੱਸਿਆ ਕਿ ਆਸਟ੍ਰੇਲੀਆ ਦੇ ਸ਼ਹਿਰ ਮੈਲਬੌਰਨ ਵਿਚ ਰਹਿਣ ਵਾਲੇ 65 ਸਾਲਾ ਦੀ ਸਾਨ ਡੋਂਗ ਦਾ ਇਕ ਵਿਦੇਸ਼ੀ ਖੁਫੀਆ ਏਜੰਸੀ ਨਾਲ ਸੰਬੰਧ ਹੈ।