ਆਸਟ੍ਰੇਲੀਆ ਗ੍ਰੇਟ ਬੈਰੀਅਰ ਰੀਫ ਨੂੰ ਬਚਾਉਣ ਲਈ ''ਵਾਤਾਵਰਣ ਖੇਤਰ'' ਨੂੰ ਦੇਵੇਗਾ ਫੰਡ

ਕੈਨਬਰਾ (ਭਾਸ਼ਾ): ਆਸਟ੍ਰੇਲੀਆ ਦੀ ਸਰਕਾਰ ਨੇ ਕੁਈਨਜ਼ਲੈਂਡ ਰਾਜ ਦੇ ਤੱਟ ਤੇ ਸਥਿਤ ਗ੍ਰੇਟ ਬੈਰੀਅਰ ਰੀਫ ਵਿਚ ਟਾਪੂਆਂ ਨੂੰ ਜਲਵਾਯੂ ਤਬਦੀਲੀ ਦੇ ਪ੍ਰਭਾਵਾਂ ਤੋਂ ਬਚਾਉਣ ਦੀ ਯੋਜਨਾ ਦਾ ਐਲਾਨ ਕੀਤਾ ਹੈ। ਐਤਵਾਰ ਨੂੰ ਨਿਊਜ਼ ਕਾਰਪ ਆਸਟ੍ਰੇਲੀਆ ਦੀ ਰਿਪੋਰਟ ਦੇ ਮੁਤਾਬਕ, ਸਰਕਾਰ ਵੱਕਾਰੀ ਕੋਰਲ ਰੀਫ ਵਿਚ ਵਾਤਾਵਰਣ ਖੇਤਰ  (ecological arks) ਬਣਾਉਣ ਲਈ 5.5 ਮਿਲੀਅਨ ਆਸਟ੍ਰੇਲੀਅਨ ਡਾਲਰ (4.2 ਮਿਲੀਅਨ ਡਾਲਰ) ਖਰਚ ਕਰੇਗੀ।

ਵਾਤਾਵਰਣ ਮੰਤਰੀ ਸੁਸਾਨ ਲੇ ਨੇ ਕਿਹਾ ਕਿ ਰੀਫ ਦਾ ਬਚਾਅ ਇਕ ਨਾਜ਼ੁਕ ਮੋੜ 'ਤੇ ਸੀ।ਉਹਨਾਂ ਨੇ ਕਿਹਾ,“ਜੈਵ ਵਿਭਿੰਨਤਾ ਮਹੱਤਵ ਰੱਖਦੀ ਹੈ ਕਿਉਂਕਿ ਜੀਵਤ ਸੰਸਾਰ ਸਾਡੇ ਬਗੈਰ ਰਹਿ ਸਕਦਾ ਹੈ ਪਰ ਅਸੀਂ ਜੀਵਤ ਸੰਸਾਰ ਤੋਂ ਬਿਨਾਂ ਨਹੀਂ ਕਰ ਸਕਦੇ।”ਇੰਟਰਨੈਸ਼ਨਲ ਯੂਨੀਅਨ ਫਾਰ ਕੰਜ਼ਰਵੇਸ਼ਨ ਆਫ਼ ਨੇਚਰ (IUCN) ਦੁਆਰਾ ਇਸ ਮਹੀਨੇ ਦੇ ਸ਼ੁਰੂ ਵਿਚ ਪ੍ਰਕਾਸ਼ਤ ਕੀਤੀ ਗਈ ਇਕ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਕੁਦਰਤੀ ਵਿਸ਼ਵ ਵਿਰਾਸਤ ਸਥਲਾਂ ਦੇ ਇਕ ਤਿਹਾਈ (33 ਪ੍ਰਤੀਸ਼ਤ) ਹਿੱਸੇ 'ਤੇ ਜਲਵਾਯੂ ਤਬਦੀਲੀ ਦਾ ਖ਼ਤਰਾ ਹੈ, ਜਿਸ ਵਿਚ ਦੁਨੀਆ ਦੇ ਸਭ ਤੋਂ ਵੱਡੇ ਕੋਰਲ ਰੀਫ, ਦੀ ਗ੍ਰੇਟ ਬੈਰੀਅਰ ਰੀਫ ਦਾ ਮੁਲਾਂਕਣ ਕੀਤਾ ਗਿਆ ਹੈ।

ਪੜ੍ਹੋ ਇਹ ਅਹਿਮ ਖਬਰ- ਜ਼ਿਆਦਾਤਰ ਆਸਟ੍ਰੇਲੀਆਈ ਕੋਵਿਡ-19 ਦੇ ਟੀਕੇ ਲਈ ਭੁਗਤਾਨ ਕਰਨ ਲਈ ਤਿਆਰ : ਸਰਵੇ

ਭਾਵੇਂਕਿ, ਗ੍ਰੇਟ ਬੈਰੀਅਰ ਰੀਫ ਮਰੀਨ ਪਾਰਕ ਅਥਾਰਟੀ ਦੇ ਮੁੱਖ ਕਾਰਜਕਾਰੀ ਜੋਸ਼ ਥਾਮਸ ਨੇ ਕਿਹਾ ਕਿ ਇਸ ਨੂੰ ਬਚਾਉਣ ਲਈ "ਇੱਕ ਵਿੰਡੋ" ਸੀ। ਉਹਨਾਂ ਨੇ ਕਿਹਾ,"ਦਿ ਗ੍ਰੇਟ ਬੈਰੀਅਰ ਰੀਫ, ਕੀਤੀਆਂ ਜਾ ਰਹੀਆਂ ਕਾਰਵਾਈਆਂ, ਸਖ਼ਤ ਪ੍ਰਬੰਧਨ ਕਾਰਵਾਈ, ਮਜ਼ਬੂਤ ​​ਕਮਿਊਨਿਟੀ ਐਕਸ਼ਨ ਦੇ ਕੰਮਾਂ 'ਤੇ ਨਿਰਭਰ ਕਰਦਾ ਹੈ।" ਗ੍ਰੇਟ ਬੈਰੀਅਰ ਰੀਫ ਵਿਚ ਤਕਰੀਬਨ 344,400 ਵਰਗ ਕਿਲੋਮੀਟਰ ਦੇ ਖੇਤਰ ਵਿਚ 2,900 ਕਿਲੋਮੀਟਰ ਤੋਂ ਵੱਧ ਦੇ ਫੈਲਣ ਵਾਲੇ 2,900 ਤੋਂ ਵੱਧ ਵਿਅਕਤੀਗਤ ਰੀਫ ਅਤੇ 900 ਟਾਪੂ ਸ਼ਾਮਲ ਹਨ। ਗ੍ਰੇਟ ਬੈਰੀਅਰ ਰੀਫ ਬਾਹਰੀ ਪੁਲਾੜ ਤੋਂ ਵੇਖੀ ਜਾ ਸਕਦੀ ਹੈ ਅਤੇ ਜੀਵਤ ਜੀਵਾਂ ਦੁਆਰਾ ਬਣਾਈ ਗਈ ਦੁਨੀਆ ਦੀ ਸਭ ਤੋਂ ਵੱਡੀ ਇਕੋ ਬਣਤਰ ਹੈ।