ਆਸਟ੍ਰੇਲੀਆ ''ਚ ਘਟਿਆ ਕੋਰੋਨਾ ਦਾ ਪ੍ਰਕੋਪ, ਨਿਊਜ਼ੀਲੈਂਡ ''ਚ ਵਧੇ ਮਾਮਲੇ

ਸਿਡਨੀ (ਏਜੰਸੀ): ਆਸਟ੍ਰੇਲੀਆ ਦੇ ਦੂਜੇ ਸਭ ਤੋਂ ਵੱਡੇ ਸ਼ਹਿਰ ਵਿਚ ਕੇਂਦਰਿਤ ਕੋਰੋਨਾਵਾਇਰਸ ਦੇ ਪ੍ਰਕੋਪ ਵਿਚ ਵੀਰਵਾਰ ਨੂੰ ਨਵੀਆਂ ਇਨਫੈਕਸ਼ਨਾਂ ਵਿਚ ਗਿਰਾਵਟ ਦਿਖਾਈ ਗਈ, ਭਾਵੇਂਕਿ ਰਾਜ ਦੇ ਨੇਤਾ ਨੇ ਲਗਾਤਾਰ ਸਾਵਧਾਨੀ ਵਰਤਣ ਦੀ ਅਪੀਲ ਕੀਤੀ।ਵਿਕਟੋਰੀਆ ਦੇ ਰਾਜ ਦੇ ਪ੍ਰੀਮੀਅਰ ਡੈਨੀਅਲ ਐਂਡਰਿਊਜ਼ ਨੇ ਕਿਹਾ ਕਿ ਇੱਥੇ ਪ੍ਰਕੋਪ ਦੇ ਸਿਖਰ 'ਤੇ ਹੋਣ ਦੌਰਾਨ ਰੋਜ਼ਾਨਾ ਲਗਭਗ 700 ਤੋਂ ਹੇਠਾਂ 278 ਸੰਕਰਮਣ ਅਤੇ ਅੱਠ ਮੌਤਾਂ ਹੋਈਆਂ ਹਨ।

ਡੈਨੀਅਲ ਨੇ ਕਿਹਾ ਕਿ ਘੱਟ ਗਿਣਤੀ ਦਰਸਾਉਂਦੀ ਹੈ ਕਿ ਮੈਲਬੌਰਨ ਵਿਚ ਤਾਲਾਬੰਦੀ ਕੰਮ ਕਰ ਰਹੀ ਹੈ। ਇਸ ਦੇ ਨਾਲ ਹੀ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਰਾਹ ਨੂੰ ਜਾਰੀ ਰੱਖਣ। ਡੈਨੀਅਲ ਨੇ ਅੱਗੇ ਕਿਹਾ,“ਅਸੀਂ ਕਿਸੇ ਵੀ ਵਿਕਟੋਰੀਅਨ ਸੋਚ ਤੋਂ ਖ਼ਬਰਦਾਰ ਰਹਾਂਗੇ ਕਿ ਅਸੀਂ ਇਕ ਅਸਲ ਮੈਰਾਥਨ ਦੇ ਵਿਚਕਾਰ ਨਹੀਂ ਹਾਂ।” ਡੈਨੀਅਲ ਨੇ ਇਹ ਵੀ ਕਿਹਾ,“ਇਹ ਇਕ ਸਹਿਣਸ਼ੀਲਤਾ ਦੀ ਦੌੜ ਹੈ ਅਤੇ ਸਾਨੂੰ ਇਸ 'ਤੇ ਨਿਰੰਤਰ ਬਣੇ ਰਹਿਣ ਦੀ ਲੋੜ ਹੈ। ਸਾਨੂੰ ਹਰ ਦਿਨ ਜਾਗਰੂਕ ਰਹਿਣ ਦੀ ਲੋੜ ਹੈ।”ਇਸ ਦੌਰਾਨ, ਗੁਆਂਢੀ ਨਿਊ ਸਾਊਥ ਵੇਲਜ਼ ਰਾਜ, ਜਿਸ ਵਿਚ ਆਸਟ੍ਰੇਲੀਆ ਦਾ ਸਭ ਤੋਂ ਵੱਡਾ ਸ਼ਹਿਰ ਸਿਡਨੀ ਵੀ ਸ਼ਾਮਲ ਹੈ, ਵਿਚ 12 ਨਵੇਂ ਮਾਮਲੇ ਅਤੇ ਇਕ ਮੌਤ ਦਰਜ ਕੀਤੀ ਗਈ।

ਪੜ੍ਹੋ ਇਹ ਅਹਿਮ ਖਬਰ- ਪਾਕਿ ਕੋਰਟ ਨੇ ਸਿੱਖ ਕੁੜੀ ਨੂੰ ਮੁਸਲਿਮ ਪਤੀ ਨਾਲ ਜਾਣ ਦੀ ਦਿੱਤੀ ਇਜਾਜ਼ਤ

ਨਿਊਜ਼ੀਲੈਂਡ ਵਿਚ ਇਕ ਵਾਰ ਕੋਰੋਨਾਵਾਇਰਸ ਨੇ ਦਸਤਕ ਦਿੱਤੀ ਹੈ। ਇੱਥੇ 14 ਨਵੇਂ ਮਾਮਲੇ ਸਾਹਮਣੇ ਆਏ ਹਨ, ਜਿਸ ਨਾਲ ਮਾਮਲਿਆਂ ਦੀ ਗਿਣਤੀ 1,589 ਹੋ ਗਈ ਹੈ। ਏਸ਼ੀਆ-ਪ੍ਰਸ਼ਾਂਤ ਖੇਤਰ ਦੇ ਹੋਰ ਵਿਕਾਸ ਵਿਚ- ਦੱਖਣੀ ਕੋਰੀਆ ਵਿਚ ਕੋਰੋਨਾਵਾਇਰਸ ਦੇ 56 ਨਵੇਂ ਮਾਮਲੇ ਸਾਹਮਣੇ ਆਏ ਹਨ ਕਿਉਂਕਿ ਨਵੇਂ ਇਨਫੈਕਸ਼ਨ ਕਲੱਸਟਰ ਵੱਡੇ ਸ਼ਹਿਰਾਂ ਵਿਚ ਅੱਗੇ ਵੱਧ ਰਹੇ ਹਨ। ਦੱਖਣੀ ਕੋਰੀਆ ਦੇ ਬੀਮਾਰੀ ਨਿਯੰਤਰਣ ਅਤੇ ਰੋਕਥਾਮ ਕੇਂਦਰਾਂ ਦੁਆਰਾ ਐਲਾਨੇ ਗਏ ਅੰਕੜਿਆਂ ਨਾਲ ਮਾਮਲਿਆਂ ਦੀ ਗਿਣਤੀ ਨੂੰ 14,770 ਤੱਕ ਪਹੁੰਚ ਗਈ, ਜਿਨ੍ਹਾਂ ਵਿਚ 305 ਮੌਤਾਂ ਸ਼ਾਮਲ ਹਨ। ਨਵੇਂ ਮਾਮਲਿਆਂ ਵਿਚੋਂ 43 ਸਿਓਲ ਖੇਤਰ ਤੋਂ ਸਾਹਮਣੇ ਆਏ ਹਨ, ਜਦੋਂ ਕਿ ਦੋ ਦੇਸ਼ ਦੇ ਦੂਜੇ ਸਭ ਤੋਂ ਵੱਡੇ ਸ਼ਹਿਰ ਬੁਸਾਨ ਤੋਂ ਆਏ ਹਨ, ਜਿੱਥੇ ਸਕੂਲਾਂ ਵਿਚ ਅਤੇ ਵਿਦੇਸ਼ੀ ਮਾਲ ਜਹਾਜ਼ ਕਰਮਚਾਰੀਆਂ ਵਿਚ ਸੰਕਰਮਣ ਦੀ ਖਬਰ ਮਿਲੀ ਹੈ।