ਕੋਰੋਨਾ ਕਹਿਰ : ਵਿਕਟੋਰੀਆ ''ਚ ਨਵੇਂ ਮਾਮਲੇ, ਮ੍ਰਿਤਕਾਂ ''ਚ ਜ਼ਿਆਦਾਤਰ ਬਜ਼ੁਰਗ
08/10/2020 1:37:37 PM
ਸਿਡਨੀ (ਭਾਸ਼ਾ): ਆਸਟ੍ਰੇਲੀਆ ਵਿਚ ਕੋਰੋਨਾਵਾਇਰਸ ਹੌਟਸਪੌਟ ਰਹੇ ਮੈਲਬੌਰਨ ਸ਼ਹਿਰ ਵਿਚ ਪਿਛਲੇ ਮਹੀਨੇ ਤੋਂ ਕਿਸੇ ਵੀ ਦਿਨ ਦੀ ਤੁਲਨਾ ਵਿਚ ਘੱਟ ਨਵੇਂ ਦੈਨਿਕ ਮਾਮਲੇ ਸਾਹਮਣੇ ਆਏ ਹਨ। ਪਰ ਇਕ ਗੱਲ ਇਹ ਵੀ ਹੈ ਕਿ ਇਸ ਨੇ ਵਾਇਰਸ ਫੈਲਣ ਤੋਂ ਬਾਅਦ ਦੇਸ਼ ਦੀ ਸਭ ਤੋਂ ਵੱਧ ਰੋਜ਼ਾਨਾ ਮੌਤਾਂ ਦੀ ਰਿਪੋਰਟ ਵੀ ਦਿੱਤੀ ਹੈ।
ਵਿਕਟੋਰੀਆ ਰਾਜ ਵਿਚ ਸੋਮਵਾਰ ਨੂੰ ਇਨਫੈਕਸ਼ਨ ਦੇ 322 ਨਵੇਂ ਮਾਮਲੇ ਅਤੇ 19 ਨਵੀਆਂ ਮੌਤਾਂ ਹੋਈਆਂ, ਜਿਨ੍ਹਾਂ ਵਿੱਚੋਂ 14 ਮੌਤਾਂ ਬਜ਼ੁਰਗ ਦੇਖਭਾਲ ਸਹੂਲਤਾਂ ਵਿਚ ਪ੍ਰਕੋਪ ਨਾਲ ਜੁੜੀਆਂ ਹੋਈਆਂ ਹਨ। ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਸਕੌਟ ਮੌਰੀਸਨ ਨੇ ਕਿਹਾ ਕਿ ਉਹ ਹੁਣ ਵਧੇਰੇ ਆਸਵੰਦ ਹਨ ਕਿ ਵਿਕਟੋਰੀਆ ਵਿਚ ਪਿਛਲੇ ਹਫਤੇ ਦੀ ਤੁਲਨਾ ਵਿਚ ਮਾਮਲੇ ਸਥਿਰ ਹੋ ਰਹੇ ਹਨ। ਪਰ ਰਾਜ ਦੇ ਪ੍ਰੀਮੀਅਰ ਡੈਨੀਅਲ ਐਂਡਰਿਊਜ਼ ਨੇ ਚੇਤਾਵਨੀ ਦਿੱਤੀ ਕਿ ਇੱਕ ਦਿਨ ਦੇ ਅੰਕੜਿਆਂ ਵਿਚ ਕਮੀ ਨੂੰ ਬਹੁਤ ਜ਼ਿਆਦਾ ਨਹੀਂ ਸਮਝਿਆ ਜਾ ਸਕਦਾ ਕਿਉਂਕਿ ਰਾਜ ਦੇ ਕੁਝ ਸਖਤ ਤਾਲਾਬੰਦੀ ਉਪਾਅ ਐਤਵਾਰ ਅੱਧੀ ਰਾਤ ਤੋਂ ਹੀ ਲਾਗੂ ਹੋਏ ਸਨ।
ਪੜ੍ਹੋ ਇਹ ਅਹਿਮ ਖਬਰ- ਨੇਪਾਲ 'ਚ ਵੀ ਬਣੇਗਾ ਅਯੁੱਧਿਆ ਧਾਮ, ਦੁਸ਼ਹਿਰੇ 'ਤੇ ਪੀ.ਐੱਮ. ਓਲੀ ਰੱਖਣਗੇ ਨੀਂਹ ਪੱਥਰ
ਵਿਕਟੋਰੀਆ ਵਿਚ 29 ਜੁਲਾਈ ਤੋਂ ਨਵੇਂ ਮਾਮਲਿਆਂ ਦੀ ਗਿਣਤੀ ਸਭ ਤੋਂ ਘੱਟ ਦਰਜ ਕੀਤੀ ਗਈ। ਅੰਕੜਿਆਂ ਵਿਚ ਆਸਟ੍ਰੇਲੀਆ ਦੇ ਹੋਰ ਰਾਜਾਂ ਤੋਂ ਨਵੇਂ ਇਨਫੈਕਸ਼ਨਾਂ ਅਤੇ ਮੌਤਾਂ ਸ਼ਾਮਲ ਨਹੀਂ ਸਨ, ਭਾਵੇਂਕਿ ਵਿਕਟੋਰੀਆ ਹਾਲ ਹੀ ਦੇ ਹਫ਼ਤਿਆਂ ਵਿਚ ਦੋਹਾਂ ਦੀ ਵੱਡੀ ਬਹੁਗਿਣਤੀ ਸ਼ਾਮਲ ਰਹੀ ਹੈ। ਜਦੋਂ ਤੋਂ ਇਹ ਪ੍ਰਕੋਪ ਸ਼ੁਰੂ ਹੋਇਆ ਹੈ, ਆਸਟ੍ਰੇਲੀਆ ਵਿਚ 21,000 ਤੋਂ ਵੱਧ ਇਨਫੈਕਸ਼ਨ ਸਬੰਧੀ ਮਾਮਲੇ ਸਾਹਮਣੇ ਆਏ ਅਤੇ 300 ਤੋਂ ਵੱਧ ਮੌਤਾਂ ਹੋਈਆਂ ਹਨ।
