ਆਸਟ੍ਰੇਲੀਆ : NSW ''ਚ ਰਿਕਾਰਡ ਮਾਮਲੇ, ''ਉੱਚ'' ਕੋਵਿਡ ਮੌਤਾਂ ਦੀ ਚਿਤਾਵਨੀ ਜਾਰੀ

ਸਿਡਨੀ (ਆਈ.ਏ.ਐੱਨ.ਐੱਸ.): ਆਸਟ੍ਰੇਲੀਆ ਦੇ ਨਿਊ ਸਾਊਥ ਵੇਲਜ਼ (ਐੱਨ.ਐੱਸ.ਡਬਲਊ.) ਰਾਜ ਦੇ ਅਧਿਕਾਰੀਆਂ ਨੇ ਸੋਮਵਾਰ ਨੂੰ ਚਿਤਾਵਨੀ ਦਿੱਤੀ ਕਿ ਕਮਿਊਨਿਟੀ ਟਰਾਂਸਮਿਸ਼ਨ ਵਿੱਚ ਚੱਲ ਰਹੇ ਵਾਧੇ ਕਾਰਨ ਆਉਣ ਵਾਲੇ ਦਿਨਾਂ ਵਿੱਚ ਕੋਵਿਡ-19 ਮੌਤਾਂ ਦੀ ਗਿਣਤੀ "ਉੱਚ" ਹੋਣ ਦੀ ਸੰਭਾਵਨਾ ਹੈ।ਸਮਾਚਾਰ ਏਜੰਸੀ ਸ਼ਿਨਹੂਆ ਦੀ ਰਿਪੋਰਟ ਮੁਤਾਬਕ ਰਾਜ ਦੇ ਸਿਹਤ ਵਿਭਾਗ ਨੇ ਪਿਛਲੇ 24 ਘੰਟਿਆਂ ਵਿੱਚ ਕੋਵਿਡ-19 ਦੇ 29,504 ਨਵੇਂ ਕੇਸ ਅਤੇ 17 ਮੌਤਾਂ ਦਰਜ ਕੀਤੀਆਂ ਹਨ।
 
ਆਈ.ਸੀ.ਯੂ. ਵਿੱਚ 203 ਮਰੀਜ਼ਾਂ ਸਮੇਤ 2,776 ਦੇ ਨਾਲ ਹਸਪਤਾਲ ਵਿੱਚ ਦਾਖਲ ਹੋਣ ਵਾਲਿਆਂ ਦੀ ਗਿਣਤੀ ਵੀ ਲਗਾਤਾਰ ਵੱਧ ਰਹੀ ਹੈ। ਸਿਹਤ ਅਧਿਕਾਰੀਆਂ ਨੇ ਚਿਤਾਵਨੀ ਦਿੱਤੀ ਕਿ ਕੋਵਿਡ-19 ਮੌਤਾਂ ਦੀ ਵੱਡੀ ਗਿਣਤੀ ਹੋਵੇਗੀ, ਕਿਉਂਕਿ ਐੱਨ.ਐੱਸ.ਡਬਲਊ. ਵਿੱਚ ਲਗਭਗ ਅੱਧੇ ਯੋਗ ਲੋਕਾਂ ਨੇ ਆਪਣੀ ਬੂਸਟਰ ਖੁਰਾਕ ਨਹੀਂ ਲਗਵਾਈ ਹੈ।ਐੱਨ.ਐੱਸ.ਡਬਲਊ. ਦੇ ਮੁੱਖ ਸਿਹਤ ਅਧਿਕਾਰੀ ਕੇਰੀ ਚਾਂਟ ਨੇ ਕਿਹਾ ਕਿ ਮਰਨ ਵਾਲੇ 17 ਵਿਅਕਤੀਆਂ ਵਿੱਚੋਂ ਸਿਰਫ਼ ਇੱਕ ਨੇ ਬੂਸਟਰ ਖੁਰਾਕ ਲਗਵਾਈ ਸੀ।

ਪੜ੍ਹੋ ਇਹ ਅਹਿਮ ਖਬਰ - ਆਸਟ੍ਰੇਲੀਆ ਨੇ ਯਾਤਰੀਆਂ ਲਈ Sputnik V ਨੂੰ ਦਿੱਤੀ ਮਨਜ਼ੂਰੀ 

ਰਾਜ ਦੇ ਪ੍ਰੀਮੀਅਰ ਡੋਮਿਨਿਕ ਪੇਰੋਟੈਟ ਨੇ ਅੱਗੇ ਕਿਹਾ ਕਿ ਸੋਮਵਾਰ ਦੇ ਅੰਕੜਿਆਂ ਵਿੱਚ ਆਈਸੀਯੂ ਵਿੱਚ ਅੱਧੇ ਲੋਕ ਟੀਕਾਕਰਨ ਤੋਂ ਰਹਿ ਗਏ ਸਨ।ਉਹਨਾਂ ਮੁਤਾਬਕ ਸਬੂਤ ਸਪੱਸ਼ਟ ਹੈ ਅਤੇ ਇਸ ਲਈ ਮੈਂ ਸਾਡੇ ਰਾਜ ਭਰ ਦੇ ਲੋਕਾਂ ਨੂੰ ਅਪੀਲ ਕਰਦਾ ਹਾਂ ਕਿ ਜੇਕਰ ਤੁਸੀਂ ਬੂਸਟਰ ਖੁਰਾਕ ਨਹੀਂ ਲਗਵਾਈ ਹੈ ਤਾਂ ਕਿਰਪਾ ਕਰਕੇ ਜਲਦੀ ਤੋਂ ਜਲਦੀ ਬੂਸਟਰ ਖੁਰਾਕ ਲਗਵਾਓ।