ਅਰਜਨਟੀਨਾ ਦੀ ਸੈਨੇਟ ਨੇ ਗਰਭਪਾਤ ਨੂੰ ਕਾਨੂੰਨੀ ਬਣਾਉਣ ਸੰਬੰਧੀ ਬਿੱਲ ਨੂੰ ਦਿੱਤੀ ਮਨਜ਼ੂਰੀ
Wednesday, Dec 30, 2020 - 03:52 PM (IST)
ਬਿਊਨਸ ਆਇਰਸ (ਭਾਸ਼ਾ): ਅਰਜਨਟੀਨਾ ਦੀ ਸੈਨੇਟ ਨੇ ਗਰਭਪਾਤ ਨੂੰ ਕਾਨੂੰਨੀ ਮਾਨਤਾ ਦੇਣ ਸੰਬੰਧੀ ਬਿੱਲ ਨੂੰ ਪਾਸ ਕਰ ਦਿੱਤਾ ਹੈ। ਇੱਥੇ ਬੀਬੀਆਂ ਇਸ ਅਧਿਕਾਰ ਦੇ ਲਈ ਦਹਾਕਿਆਂ ਤੋਂ ਅੰਦੋਲਨ ਕਰ ਰਹੀਆਂ ਸਨ। ਸੈਨੇਟ ਵਿਚ ਬੁੱਧਵਾਰ ਨੂੰ ਬਹੁਮਤ ਨਾਲ ਇਸ ਬਿੱਲ ਨੂੰ ਪਾਸ ਕਰ ਦਿੱਤਾ ਗਿਆ। ਬਿੱਲ ਵਿਚ 14 ਹਫਤੇ ਤੱਕ ਦੀ ਗਰਭਵਤੀ ਬੀਬੀ ਦੇ ਗਰਭਪਾਤ ਨੂੰ ਵੈਧ ਕਰ ਦਿੱਤਾ ਗਿਆ ਹੈ।
ਪੜ੍ਹੋ ਇਹ ਅਹਿਮ ਖਬਰ- ਦੱਖਣੀ ਕੋਰੀਆ ਦੇ 'ਨਕਲੀ ਸੂਰਜ' ਦਾ ਨਵਾਂ ਰਿਕਾਰਡ, 20 ਸਕਿੰਟ ਤੱਕ ਬਣਾਇਆ 10 ਕਰੋੜ ਡਿਗਰੀ ਤਾਪਮਾਨ
ਇਹੀ ਨਹੀਂ ਬਲਾਤਕਾਰ ਜਾਂ ਗਰਭਵਤੀ ਬੀਬੀ ਦੀ ਜਾਨ ਨੂੰ ਖਤਰਾ ਹੋਣ ਦੀ ਸਥਿਤੀ ਵਿਚ 14 ਹਫਤੇ ਦੇ ਬਾਅਦ ਵੀ ਗਰਭਪਾਤ ਨੂੰ ਵੈਧ ਕਰਾਰ ਦਿੱਤਾ ਗਿਆ ਹੈ। ਸਦਨ ਵਿਚ ਮੰਗਲਵਾਰ ਨੂੰ ਕਰੀਬ 12 ਘੰਟੇ ਤੱਕ ਚੱਲੀ ਚਰਚਾ ਦੇ ਬਾਅਦ ਹੋਈ ਵੋਟਿੰਗ ਵਿਚ ਬਿੱਲ ਦੇ ਪੱਖ ਵਿਚ 38 ਜਦਕਿ ਵਿਰੋਧ ਵਿਚ 29 ਵੋਟਾਂ ਪਈਆਂ, ਜਦਕਿ ਇਕ ਮੈਂਬਰ ਗੈਰ ਹਾਜ਼ਰ ਸੀ।
ਪੜ੍ਹੋ ਇਹ ਅਹਿਮ ਖਬਰ- ਕੋਰੋਨਾ ਦਾ ਕਹਿਰ, ਪਾਕਿ 'ਚ ਮਰਨ ਵਾਲਿਆਂ ਦੀ ਗਿਣਤੀ 10 ਹਜ਼ਾਰ ਦੇ ਪਾਰ
ਸੰਸਦ ਦਾ ਹੇਠਲਾ ਸਦਨ 'ਚੈਂਬਰ ਆਫ ਡੇਪਯੁਟੀਜ਼' ਇਸ ਬਿੱਲ ਨੂੰ ਪਹਿਲਾਂ ਹੀ ਮਨਜ਼ੂਰੀ ਦੇ ਚੁੱਕਾ ਹੈ। ਰਾਸ਼ਟਰਪਤੀ ਅਲਬਰਟੋ ਫਰਨਾਡੀਜ਼ ਨੇ ਇਸ ਦਾ ਸਮਰਥਨ ਕੀਤਾ ਹੈ। ਬੀਬੀ ਅਧਿਕਾਰ ਕਾਰਕੁਨਾਂ ਲੰਬੇਂ ਸਮੇਂ ਤੋਂ ਇਸ ਦੇ ਲਈ ਲੜਾਈ ਲੜ ਰਹੀਆਂ ਸਨ।
ਨੋਟ- ਅਰਜਨਟੀਨਾ ਦੀ ਸੈਨੇਟ ਨੇ ਗਰਭਪਾਤ ਨੂੰ ਵੈਧ ਬਣਾਉਣ ਸੰਬੰਧੀ ਬਿੱਲ ਨੂੰ ਦਿੱਤੀ ਮਨਜ਼ੂਰੀ, ਖ਼ਬਰ ਬਾਰੇ ਦੱਸੋ ਆਪਣੀ ਰਾਏ।
