Apple Event 2024: ਇੰਤਜ਼ਾਰ ਖਤਮ, ਆ ਗਈ iPhone 16 ਸੀਰੀਜ਼ ਲਾਂਚ ਡੇਟ

ਨੈਸ਼ਨਲ ਡੈਸਕ : ਐਪਲ ਈਵੈਂਟ 2204 ਦਾ ਐਲਾਨ ਕੀਤਾ ਗਿਆ ਹੈ। ਇਸ ਵਾਰ ਦੇ ਐਪਲ ਈਵੈਂਟ ਲਈ, ਇਸਨੂੰ it,s Glowtime ਨਾਮ ਦਿੱਤਾ ਗਿਆ ਹੈ। ਇਹ ਸਮਾਗਮ 9 ਸਤੰਬਰ ਨੂੰ ਸਵੇਰੇ 10 ਵਜੇ ਹੋਵੇਗਾ। ਜਦੋਂ ਇਹ ਇਵੈਂਟ ਅਮਰੀਕਾ ਵਿੱਚ ਹੋਵੇਗਾ ਤਾਂ ਭਾਰਤ ਵਿੱਚ ਰਾਤ ਦੇ 10.30 ਵਜੇ ਹੋਣਗੇ। ਈਵੈਂਟ ਐਪਲ ਪਾਰਕ ਤੋਂ ਪ੍ਰਸਾਰਿਤ ਕੀਤਾ ਜਾਵੇਗਾ, ਜਿਸ ਨੂੰ ਉਪਭੋਗਤਾ ਐਪਲ ਦੀ ਵੈੱਬਸਾਈਟ ਅਤੇ ਯੂਟਿਊਬ ਚੈਨਲ ਤੋਂ ਆਨਲਾਈਨ ਦੇਖ ਸਕਣਗੇ। ਇਸ ਵਾਰ ਐਪਲ ਈਵੈਂਟ 2024 'ਚ iPhone 16 ਸੀਰੀਜ਼ ਦੇ ਚਾਰ ਮਾਡਲ iPhone 16, iPhone 16 Plus, iPhone 16 Pro ਅਤੇ iPhone 16 Pro Max ਲਾਂਚ ਕੀਤੇ ਜਾਣਗੇ। ਨਾਲ ਹੀ, ਐਪਲ ਅਲਟਰਾ ਵਾਚ ਦੀ ਇੱਕ ਨਵੀਂ ਸੀਰੀਜ਼ ਲਾਂਚ ਕੀਤੀ ਜਾ ਸਕਦੀ ਹੈ।

It’s official! Apple will launch the iPhone 16 at the next #AppleEvent on September 9th at 10 a.m. PDT 🚨

Are you excited? pic.twitter.com/wuFc1qE4sh

— Apple Hub (@theapplehub) August 26, 2024

ਸੰਭਾਵਿਤ ਸਪੈਸਿਫਿਕੇਸ਼ਨ
ਜੇਕਰ ਅਸੀਂ ਸਕ੍ਰੀਨ ਸਾਈਜ਼ ਦੀ ਗੱਲ ਕਰੀਏ ਤਾਂ iPhone 16 'ਚ 6.1 ਇੰਚ ਦੀ ਸਕਰੀਨ ਹੋ ਸਕਦੀ ਹੈ। ਨਾਲ ਹੀ iPhone 16 Plus ਸਮਾਰਟਫੋਨ 'ਚ 6.7 ਇੰਚ ਦੀ ਸਕਰੀਨ ਦਿੱਤੀ ਜਾ ਸਕਦੀ ਹੈ। ਆਈਫੋਨ 16 ਸਮਾਰਟਫੋਨ 'ਚ 3561mAh ਦੀ ਬੈਟਰੀ ਹੋਵੇਗੀ, ਜਦਕਿ ਪਲੱਸ 'ਚ 4006mAh ਦੀ ਬੈਟਰੀ ਹੋਵੇਗੀ। iPhone 16 Pro ਵਿੱਚ 6.3 ਇੰਚ ਦੀ ਡਿਸਪਲੇ ਹੋਵੇਗੀ। iPhone 16 Pro Max ਵਿਚ 6.9 ਇੰਚ ਦੀ ਸਕਰੀਨ ਹੋਵੇਗੀ। ਨਾਲ ਹੀ, ਇਹ ਦੋਵੇਂ ਵੇਰੀਐਂਟ 120Hz ਰਿਫਰੈਸ਼ ਰੇਟ ਹੋਣਗੇ।

ਕੈਮਰਾ ਤੇ ਹੋਰ ਵਿਸ਼ੇਸ਼ਤਾਵਾਂ
iPhone 16 ਅਤੇ 16 Plus ਵਿਚ 2x ਆਪਟੀਕਲ ਜ਼ੂਮ ਦੇ ਨਾਲ 12MP ਦਾ ਅਲਟਰਾ-ਵਾਈਡ ਐਂਗਲ ਕੈਮਰਾ ਹੋਵੇਗਾ। ਆਈਫੋਨ 16 ਪ੍ਰੋ ਸੀਰੀਜ਼ 'ਚ 48MP ਦਾ ਅਲਟਰਾ-ਵਾਈਡ-ਐਂਗਲ ਲੈਂਸ ਹੋਵੇਗਾ। ਆਈਫੋਨ 16 ਪ੍ਰੋ ਮਾਡਲ ਏ18 ਪ੍ਰੋ ਚਿੱਪਸੈੱਟ ਦੇ ਨਾਲ ਆਵੇਗਾ। ਹਾਲਾਂਕਿ, ਬੇਸ ਵੇਰੀਐਂਟ 'ਚ A17 ਚਿਪਸੈੱਟ ਦਿੱਤਾ ਜਾ ਸਕਦਾ ਹੈ।

ਬੈਟਰੀ
iPhone 16 Pro ਵਿੱਚ 3355mAh ਦੀ ਬੈਟਰੀ ਹੋਵੇਗੀ ਅਤੇ iPhone 16 Pro Max ਵਿੱਚ 4676mAh ਦੀ ਬੈਟਰੀ ਹੋਵੇਗੀ। iPhone 16 Pro ਮਾਡਲ ਨੂੰ ਨਵਾਂ 'ਕੈਪਚਰ ਬਟਨ' ਦਿੱਤਾ ਜਾ ਸਕਦਾ ਹੈ। ਆਈਫੋਨ 15 ਸੀਰੀਜ਼ ਦੀ ਤਰ੍ਹਾਂ ਫੋਨ 'ਚ ਟਾਈਪ-ਸੀ ਚਾਰਜਿੰਗ ਸਪੋਰਟ ਦਿੱਤਾ ਜਾ ਸਕਦਾ ਹੈ। ਨਾਲ ਹੀ, ਇਸ ਵਿੱਚ ਬਿਹਤਰ ਫਾਸਟ ਚਾਰਜਿੰਗ ਵਿਕਲਪ ਮਿਲਣ ਦੀ ਉਮੀਦ ਹੈ।

ਆਈਫੋਨ 16 ਸੀਰੀਜ਼ ਦੀ ਸੰਭਾਵਿਤ ਕੀਮਤ
iPhone 16- 799 ਡਾਲਰ, ਲਗਭਗ 67,100 ਰੁਪਏ
iPhone 16 Plus-  899 ਡਾਲਰ, ਲਗਭਗ 75,500 ਰੁਪਏ
iPhone 16 Pro- 1,099 ਡਾਲਰ, ਲਗਭਗ 92,300 ਰੁਪਏ
iPhone 16 Pro Max-  1,199 ਡਾਲਰ, ਲਗਭਗ 1,00,700 ਰੁਪਏ
ਜੇਕਰ ਕੀਮਤ ਦੀ ਗੱਲ ਕਰੀਏ ਤਾਂ ਇਹ ਯੂਐੱਸ ਦੀ ਕੀਮਤ ਹੈ। ਭਾਰਤੀ ਕੀਮਤ ਅਮਰੀਕੀ ਕੀਮਤਾਂ ਨਾਲੋਂ ਵੱਧ ਹੈ ਕਿਉਂਕਿ ਇਸ ਵਿੱਚ ਆਯਾਤ ਡਿਊਟੀ ਅਤੇ ਜੀਐੱਸਟੀ ਸ਼ਾਮਲ ਹੈ। ਇਹ ਵੀ ਸੰਭਾਵਿਤ ਕੀਮਤ ਹੈ। ਅਜਿਹੀ ਸਥਿਤੀ ਵਿੱਚ, ਅਸਲ ਕੀਮਤ ਵਿੱਚ ਅੰਤਰ ਹੋ ਸਕਦਾ ਹੈ।