ਅਮਰੀਕਾ ਦਾ ਪਾਕਿਸਤਾਨ ਲਈ ਫਿਰ ਜਾਗਿਆ ਪਿਆਰ, ਕਿਹਾ-ਇਸਲਾਮਾਬਾਦ ਸਾਡਾ ਪੁਰਾਣਾ ਅਹਿਮ ਸਹਿਯੋਗੀ

ਵਾਸ਼ਿੰਗਟਨ : ਅਮਰੀਕਾ ਨੇ ਇਕ ਵਾਰ ਫਿਰ ਪਾਕਿਸਤਾਨ ’ਤੇ ਪਿਆਰ ਜਤਾਉਂਦਿਆਂ ਇਸਲਾਮਾਬਾਦ ਨੂੰ ਆਪਣਾ ਅਹਿਮ ਸਹਿਯੋਗੀ ਦੱਸਿਆ ਹੈ। ਅਮਰੀਕੀ ਵਿਦੇਸ਼ ਮੰਤਰਾਲਾ ਦੇ ਇਕ ਅਧਿਕਾਰੀ ਨੇ ਬੁੱਧਵਾਰ ਨੂੰ ਕਿਹਾ ਕਿ ਪਾਕਿਸਤਾਨ ਦੇ ਨਾਲ ਲੰਬੇ ਸਮੇਂ ਦੇ ਸਬੰਧਾਂ ਨੂੰ ਅਮਰੀਕਾ ਮਹੱਤਵ ਦਿੰਦਾ ਹੈ ਪਰ ਦੱਖਣੀ ਏਸ਼ੀਆਈ ਦੇਸ਼ ਦੀ ਮੌਜੂਦਾ ਘਰੇਲੂ ਸਿਆਸਤ ’ਤੇ ਕੋਈ ਟਿੱਪਣੀ ਨਹੀਂ ਕੀਤੀ। ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਨੇਡ ਪ੍ਰਾਈਸ ਨੇ ਆਪਣੀ ਪ੍ਰੈੱਸ ਕਾਨਫਰੰਸ ’ਚ ਪੱਤਰਕਾਰਾਂ ਨੂੰ ਕਿਹਾ, “ਅਸੀਂ ਪਾਕਿਸਤਾਨ ਨਾਲ ਆਪਣੇ ਲੰਬੇ ਸਮੇਂ ਦੇ ਸਹਿਯੋਗ ਨੂੰ ਮਹੱਤਵ ਦਿੰਦੇ ਹਾਂ। ਅਸੀਂ ਹਮੇਸ਼ਾ ਇਕ ਖੁਸ਼ਹਾਲ ਅਤੇ ਲੋਕਤੰਤਰਿਕ ਪਾਕਿਸਤਾਨ ਨੂੰ ਆਪਣੇ ਹਿੱਤਾਂ ਲਈ ਜ਼ਰੂਰੀ ਸਮਝਿਆ ਹੈ, ਜਿਸ ’ਚ ਕੋਈ ਬਦਲਾਅ ਹੋਣ ਵਾਲਾ ਨਹੀਂ ਹੈ। ਅਸੀਂ ਕਿਸੇ ਵੀ ਦੋਪੱਖੀ ਸਬੰਧ ’ਚ 'ਪ੍ਰਾਪੇਗੰਡਾ', ਗ਼ਲਤ, ਗੁੰਮਰਾਹਕੁੰਨ ਸੂਚਨਾ ਨੂੰ ਨਹੀਂ ਆਉਣ ਦੇਵਾਂਗੇ, ਭਾਵੇਂ ਹੀ ਉਨ੍ਹਾਂ ਦਾ ਅੰਤ ਹੋਵੇ ਜਾਂ ਹੋਵੇ।’’

ਇਹ ਖ਼ਬਰ ਵੀ ਪੜ੍ਹੋ : ਸਿੱਧੂ ਦੀ ਰਿਹਾਈ ’ਤੇ ਮੰਗਲਵਾਰ ਨੂੰ ਮੋਹਰ ਲੱਗਣ ਦੇ ਆਸਾਰ !

ਪ੍ਰਾਈਸ ਨੇ ਕਿਹਾ, ''ਇਸ ’ਚ ਸਪੱਸ਼ਟ ਤੌਰ ’ਤੇ ਪਾਕਿਸਤਾਨ ਨਾਲ ਸਾਡੇ ਮਹੱਤਵਪੂਰਨ ਦੋਪੱਖੀ ਸਬੰਧ ਵੀ ਸ਼ਾਮਲ ਹਨ। ਜਿਥੋਂ ਤੱਕ ਪਾਕਿਸਤਾਨ ਅੰਦਰ ਵੱਖ-ਵੱਖ ਸਿਆਸੀ ਪਾਰਟੀਆਂ ਦੀ ਗੱਲ ਹੈ, ਤਾਂ ਇਕ ਸਿਆਸੀ ਉਮੀਦਵਾਰ ਜਾਂ ਪਾਰਟੀ ਬਨਾਮ ਦੂਜੀ ’ਚ ਕੋਈ ਭੂਮਿਕਾ ਨਹੀਂ ਹੈ। ਅਸੀਂ ਉਨ੍ਹਾਂ ਦਾ ਸਮਰਥਨ ਕਰਦੇ ਹਾਂ, ਜਿਵੇਂ ਕਿ ਅਸੀਂ ਦੁਨੀਆ ਭਰ ’ਚ ਕਰਦੇ ਹਾਂ, ਲੋਕਤੰਤਰਿਕ, ਸੰਵਿਧਾਨਕ ਅਤੇ ਕਾਨੂੰਨੀ ਸਿਧਾਂਤਾਂ ਦੇ ਸ਼ਾਂਤਮਈ ਸਮਰਥਨ ਕਰਦੇ ਹਨ।

ਇਹ ਖ਼ਬਰ ਵੀ ਪੜ੍ਹੋ : ਸੁਖਪਾਲ ਖਹਿਰਾ ਨੂੰ ਸੁਪਰੀਮ ਕੋਰਟ ਤੋਂ ਵੱਡੀ ਰਾਹਤ, ਰੱਦ ਕੀਤਾ ਇਹ ਮੁਕੱਦਮਾ

ਉਨ੍ਹਾਂ ਨੇ ਹਾਲਾਂਕਿ ਪ੍ਰਧਾਨ ਮੰਤਰੀ ਅਹੁਦੇ ਤੋਂ ਹਟਾਉਣ ਨੂੰ ਲੈ ਕੇ ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਦੇ ਆਪਣੇ ਬਿਆਨ ਤੋਂ ਪਲਟਣ ’ਤੇ ਕੋਈ ਟਿੱਪਣੀ ਨਹੀਂ ਕੀਤੀ। ਉਨ੍ਹਾਂ ਨੇ ਕਿਹਾ, ''ਮੈਂ ਦੋਸ਼ਾਂ ਅਤੇ ਜਵਾਬੀ ਦੋਸ਼ਾਂ ’ਤੇ ਕੋਈ ਟਿੱਪਣੀ ਨਹੀਂ ਕਰਨ ਜਾ ਰਿਹਾ ਹਾਂ। ਜਦੋਂ ਤੋਂ ਇਹ ਗ਼ਲਤ ਦੋਸ਼ ਸਾਹਮਣੇ ਆਏ ਹਨ, ਅਸੀਂ ਇਸ ਬਾਰੇ ਸਪੱਸ਼ਟ ਤੌਰ ’ਤੇ ਗੱਲ ਕੀਤੀ ਹੈ। ਅਸੀਂ ਲਗਾਤਾਰ ਕਿਹਾ ਹੈ ਕਿ ਇਨ੍ਹਾਂ ਦੋਸ਼ਾਂ ’ਚ ਕੋਈ ਸੱਚਾਈ ਨਹੀਂ ਹੈ। ਅਮਰੀਕੀ ਲੀਡਰਸ਼ਿਪ ਨਾਲ ਮੁਲਾਕਾਤ ਲਈ ਇਕ ਪਾਕਿਸਤਾਨੀ ਰੱਖਿਆ ਵਫ਼ਦ ਵਾਸ਼ਿੰਗਟਨ ’ਚ ਹੈ। ਪ੍ਰਾਈਸ ਨੇ ਕਿਹਾ, ''ਮੈਂ ਜਨਤਕ ਤੌਰ 'ਤੇ ਇਹ ਸਾਂਝਾ ਕਰਨਾ ਚਾਹਾਂਗਾ ਕਿ ਪਾਕਿਸਤਾਨ ਅਮਰੀਕਾ ਦਾ ਅਹਿਮ ਸਹਿਯੋਗੀ ਹੈ। ਇਹ ਕਈ ਖੇਤਰਾਂ ’ਚ ਮਹੱਤਵਪੂਰਨ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਰਿਸ਼ਵਤ ਮਾਮਲੇ ਨੂੰ ਲੈ ਕੇ ‘ਆਪ’ ਵਿਧਾਇਕ ਅਮਿਤ ਰਤਨ ਦਾ ਵੱਡਾ ਬਿਆਨ