ਅਲਬਾਨੀਆ ਦੇ PM ਨੇ ਮੇਲੋਨੀ ਲਈ ਗਾਇਆ ਗੀਤ, ਦਿੱਤਾ ਖੂਬਸੂਰਤ ਤੋਹਫ਼ਾ (ਵੀਡੀਓ)

ਅਬੂ ਧਾਬੀ: ਅਲਬਾਨੀਆ ਦੇ ਪ੍ਰਧਾਨ ਮੰਤਰੀ ਐਡੀ ਰਾਮਾ ਨੇ ਆਪਣੇ ਇਤਾਲਵੀ ਹਮਰੁਤਬਾ ਜੌਰਜੀਆ ਮੇਲੋਨੀ ਦੇ ਜਨਮਦਿਨ ਮੌਕੇ ਇੱਕ ਗੀਤ ਗਾਇਆ ਅਤੇ ਇੱਕ ਸਕਾਰਫ਼ ਤੋਹਫ਼ੇ ਵਿੱਚ ਦਿੱਤਾ। ਪ੍ਰਧਾਨ ਮੰਤਰੀ ਐਡੀ ਰਾਮਾ ਨੇ ਗੋਡਿਆਂ ਭਾਰ ਬੈਠ ਕੇ ਮੇਲੋਨੀ ਲਈ ਗੀਤ ਗਾਇਆ। ਇਹ ਦਿਲਚਸਪ ਨਜ਼ਾਰਾ ਸੰਯੁਕਤ ਅਰਬ ਅਮੀਰਾਤ ਦੇ ਅਬੂ ਧਾਬੀ ਵਿੱਚ ਦੇਖਣ ਨੂੰ ਮਿਲਿਆ, ਜਿੱਥੇ ਕਈ ਦੇਸ਼ਾਂ ਦੇ ਮੁਖੀ ਵਿਸ਼ਵ ਭਵਿੱਖ ਊਰਜਾ ਸੰਮੇਲਨ ਵਿੱਚ ਹਿੱਸਾ ਲੈਣ ਲਈ ਪਹੁੰਚੇ ਹਨ।

ਗੋਡਿਆਂ ਭਾਰ ਬੈਠ ਗਾਇਆ ਗੀਤ

ਕਾਨਫਰੰਸ ਵਿੱਚ ਅਲਬਾਨੀਅਨ ਪ੍ਰਧਾਨ ਮੰਤਰੀ ਐਡੀ ਰਾਮਾ ਨੇ ਜਾਰਜੀਆ ਮੇਲੋਨੀ ਨੂੰ ਉਸਦੇ 48ਵੇਂ ਜਨਮਦਿਨ 'ਤੇ ਇੱਕ ਵਿਸ਼ੇਸ਼ ਤਰੀਕੇ ਨਾਲ ਵਧਾਈ ਦਿੱਤੀ। ਜਦੋਂ ਇਟਲੀ ਦੇ ਪ੍ਰਧਾਨ ਮੰਤਰੀ ਜੌਰਜੀਆ ਮੇਲੋਨੀ ਰਾਮਾ ਦੇ ਸਾਹਮਣੇ ਆਈ ਤਾਂ ਉਨ੍ਹਾਂ ਨੇ ਗੋਡਿਆਂ ਭਾਰ ਬੈਠ ਕੇ ਉਨ੍ਹਾਂ ਲਈ ਤੰਤੀ ਅਗੁਰੀ (ਜਨਮਦਿਨ ਮੁਬਾਰਕ) ਗੀਤ ਗਾਇਆ ਅਤੇ ਫਿਰ ਉਨ੍ਹਾਂ ਨੂੰ ਇੱਕ ਸਕਾਰਫ਼ ਤੋਹਫ਼ੇ ਵਜੋਂ ਦਿੱਤਾ। ਇਸ ਦੌਰਾਨ ਉਸਨੇ ਆਪਣੇ ਹੱਥਾਂ ਨਾਲ ਮੇਲੋਨੀ ਨੂੰ ਸਕਾਰਫ਼ ਪਹਿਨਾਇਆ ਅਤੇ ਉੱਥੇ ਮੌਜੂਦ ਹੋਰ ਨੇਤਾ ਤਾੜੀਆਂ ਵਜਾਉਣ ਲੱਗ ਪਏ।

Giorgia Meloni turns 48 today! 🎉

On his knees and with a scarf as a gift, Albanian Prime Minister Edi Rama honored Italian 🇮🇹 Prime Minister Giorgia Meloni as she arrived at the Sustainability Week in Abu Dhabi 🇦🇪

Happy birthday Giorgia! pic.twitter.com/WyomtWuHWa

— Mambo Italiano (@mamboitaliano__) January 15, 2025

ਪੜ੍ਹੋ ਇਹ ਅਹਿਮ ਖ਼ਬਰ-ਭਾਰਤੀਆਂ ਨੂੰ Donald Trump 'ਤੇ ਭਰੋਸਾ, 84 ਫੀਸਦੀ ਲੋਕਾਂ ਨੇ ਦੂਜੇ ਕਾਰਜਕਾਲ ਨੂੰ ਦੱਸਿਆ ਲਾਭਕਾਰੀ

ਇਤਾਲਵੀ ਡਿਜ਼ਾਈਨਰ ਨੇ ਬਣਾਇਆ ਸਕਾਰਫ਼

ਰਾਮਾ ਨੇ ਮੇਲੋਨੀ ਨੂੰ ਦੱਸਿਆ ਕਿ ਹਲਕਾ ਸਕਾਰਫ਼ ਇੱਕ ਇਤਾਲਵੀ ਡਿਜ਼ਾਈਨਰ ਦੁਆਰਾ ਬਣਾਇਆ ਗਿਆ ਸੀ ਜੋ ਅਲਬਾਨੀਆ ਵਿੱਚ ਵਸ ਗਿਆ ਸੀ। ਐਡੀ ਰਾਮਾ ਅਤੇ ਮੇਲੋਨੀ ਦਾ ਕੰਮ ਕਰਨ ਦਾ ਚੰਗਾ ਰਿਸ਼ਤਾ ਹੈ। ਹਾਲਾਂਕਿ ਦੋਵੇਂ ਨੇਤਾ ਵਿਰੋਧੀ ਰਾਜਨੀਤਿਕ ਵਿਚਾਰਧਾਰਾਵਾਂ ਨਾਲ ਸਬੰਧਤ ਹਨ। ਮੇਲੋਨੀ ਸੱਜੇ-ਪੱਖੀ ਪਾਰਟੀ ਬ੍ਰਦਰਜ਼ ਆਫ਼ ਇਟਲੀ ਦੀ ਅਗਵਾਈ ਕਰਦੀ ਹੈ, ਜਦੋਂ ਕਿ ਰਾਮਾ ਸੋਸ਼ਲਿਸਟ ਪਾਰਟੀ ਆਫ਼ ਅਲਬਾਨੀਆ ਦੀ ਅਗਵਾਈ ਕਰਦਾ ਹੈ। ਮੇਲੋਨੀ ਨੇ ਪਿਛਲੇ ਸਾਲ ਰਾਮਾ ਨਾਲ ਇੱਕ ਸਮਝੌਤਾ ਕੀਤਾ ਸੀ ਜਿਸ ਦੇ ਤਹਿਤ ਸਮੁੰਦਰ ਰਾਹੀਂ ਇਟਲੀ ਵਿੱਚ ਦਾਖਲ ਹੋਣ ਦੀ ਕੋਸ਼ਿਸ਼ ਕਰਦੇ ਫੜੇ ਗਏ ਪ੍ਰਵਾਸੀਆਂ ਨੂੰ ਅਲਬਾਨੀਆ ਦੇ ਨਜ਼ਰਬੰਦੀ ਕੇਂਦਰਾਂ ਵਿੱਚ ਭੇਜਿਆ ਜਾਵੇਗਾ। ਬੁੱਧਵਾਰ ਨੂੰ ਹੋਏ ਸਿਖਰ ਸੰਮੇਲਨ ਵਿੱਚ ਇਟਲੀ, ਅਲਬਾਨੀਆ ਅਤੇ ਸੰਯੁਕਤ ਅਰਬ ਅਮੀਰਾਤ ਨੇ ਐਡਰਿਆਟਿਕ ਸਾਗਰ ਵਿੱਚ ਨਵਿਆਉਣਯੋਗ ਊਰਜਾ ਲਈ ਸਮੁੰਦਰ ਦੇ ਹੇਠਾਂ ਇੱਕ ਇੰਟਰਕਨੈਕਸ਼ਨ ਬਣਾਉਣ ਲਈ ਘੱਟੋ-ਘੱਟ 1 ਬਿਲੀਅਨ ਡਾਲਰ ਦੇ ਇੱਕ ਸਮਝੌਤੇ 'ਤੇ ਹਸਤਾਖਰ ਕੀਤੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।