ਅਫ਼ਗਾਨਿਸਤਾਨ ਤੋਂ ਅਮਰੀਕੀ ਫ਼ੌਜੀਆਂ ਦੀ 90 ਫੀਸਦੀ ਵਾਪਸੀ ਪੂਰੀ

ਕਾਬੁਲ- ਅਮਰੀਕੀ ਸੈਂਟਰਲ ਕਮਾਂਡ ਨੇ ਕਿਹਾ ਹੈ ਕਿ ਅਫ਼ਗਾਨਿਸਤਾਨ ਤੋਂ ਅਮਰੀਕੀ ਫ਼ੌਜੀਆਂ ਦੀ ਵਾਪਸੀ ਜਾਰੀ ਹੈ। ਹੁਣ ਤੱਕ 90 ਫੀਸਦੀ ਤੋਂ ਜ਼ਿਆਦਾ ਵਾਪਸੀ ਪੂਰੀ ਹੋ ਚੁਕੀ ਹੈ। ਇੱਥੇ 7 ਫ਼ੌਜੀ ਟਿਕਾਣਿਆਂ ਨੂੰ ਰਸਮੀ ਰੂਪ ਨਾਲ ਅਫ਼ਗਾਨ ਰੱਖਿਆ ਮੰਤਰਾਲਾ ਨੂੰ ਸੌਂਪ ਦਿੱਤਾ ਗਿਆ ਹੈ। ਅਮਰੀਕੀ ਰੱਖਿਆ ਮੰਤਰਾਲਾ (ਪੇਂਟਾਗਨ) ਨੇ ਕਿਹਾ ਹੈ ਕਿ ਕਰੀਬ 1000 ਸੀ-117 ਮਾਲਵਾਹਕ ਜਹਾਜ਼ ਅਫ਼ਗਾਨਿਸਤਾਨ ਤੋਂ ਫ਼ੌਜ ਉਪਕਰਣ ਲੈ ਕੇ ਉੱਡੇ ਹਨ।

ਪੇਂਟਾਗਨ ਅਨੁਸਾਰ, ਅਫ਼ਗਾਨਿਸਤਾਨ ਤੋਂ ਫ਼ੌਜ ਉਪਕਰਣ ਲੈ ਕੇ ਰਵਾਨਾ ਹੋਣ ਤੋਂ ਪਹਿਲਾਂ ਕਈ ਫ਼ੌਜ ਉਪਕਰਣ ਨਿਪਟਾਨ ਲਈ ਰੱਖਿਆ ਰਸਦ ਏਜੰਸੀ ਨੂੰ ਸੌਂਪ ਦਿੱਤੇ ਗਏ ਹਨ। ਨਾਟੋ ਦੇਸ਼ ਵੀ ਅਮਰੀਕੀ ਤਾਲਮੇਲ ਨਾਲ ਅਫ਼ਗਾਨਿਸਤਾਨ ਤੋਂ ਆਪਣੇ ਫ਼ੌਜੀਆਂ ਨੂੰ ਤੇਜ਼ੀ ਨਾਲ ਵਾਪਸ ਕੱਢ ਰਹੇ ਹਨ। ਜਰਮਨੀ ਨੇ ਆਪਣੇ ਸਾਰੇ ਫ਼ੌਜੀਆਂ ਨੂੰ ਵਾਪਸ ਵੀ ਬੁਲਾ ਲਿਆ ਹੈ ਅਤੇ ਉਸ ਨੇ ਉੱਤਰੀ ਅਫ਼ਗਾਨਿਸਤਾਨ ਦੇ ਮਜ਼ਾਰ-ਏ-ਸ਼ਰੀਫ਼ 'ਚ ਸਥਿਤ ਆਪਣਾ ਵਣਜ ਦੂਤਘਰ ਬੰਦ ਕਰ ਦਿੱਤਾ ਹੈ। ਪਿਛਲੇ ਹਫ਼ਤੇ ਅਮਰੀਕੀ ਅਤੇ ਨਾਟੋ ਫ਼ੋਰਸਾਂ ਨੇ ਅਫ਼ਗਾਨਿਸਤਾਨ ਦਾ ਸਭ ਤੋਂ ਵੱਡਾ ਫ਼ੌਜ ਹਵਾਈ ਅੱਡਾ ਬਗਰਾਮ ਏਅਰਬੇਸ ਵੀ ਖ਼ਾਲੀ ਕਰ ਦਿੱਤਾ ਹੈ। ਵਿਦੇਸ਼ੀ ਫ਼ੌਜੀਆਂ ਦੀ ਵਾਪਸੀ ਨਾਲ, ਤਾਲਿਬਾਨ ਨੇ ਸਰਕਾਰੀ ਫ਼ੋਰਸਾਂ ਨਾਲ ਲੜਨ ਤੋਂ ਬਾਅਦ ਉੱਤਰੀ ਅਫ਼ਗਾਨਿਸਤਾਨ ਅਤੇ ਦੇਸ਼ ਦੇ ਹੋਰ ਹਿੱਸਿਆਂ 'ਚ ਕਈ ਜ਼ਿਲ੍ਹਿਆਂ 'ਚ ਕਬਜ਼ਾ ਕਰ ਲਿਆ ਹੈ। ਹਾਲਾਂਕਿ ਅਫ਼ਗਾਨ ਸੁਰੱਖਿਆ ਫ਼ੋਰਸਾਂ ਨੇ ਤਾਲਿਬਾਨ ਨੂੰ ਅੱਗੇ ਵਧਣ ਤੋਂ ਰੋਕਣ ਦਾ ਸੰਕਲਪ ਲਿਆ ਹੈ।