9/11: ਤਬਾਹੀ ਦਾ ਉਹ ਮੰਜ਼ਰ ਜਿਸ ਨੇ ਹਿਲਾ ਕੇ ਰੱਖ ਦਿੱਤੀ ਸਾਰੀ ਦੁਨੀਆ (ਤਸਵੀਰਾਂ)

9/11/2019 3:58:36 PM

ਨਿਊਯਾਰਕ— ਅੱਜ ਤੋਂ ਠੀਕ 18 ਸਾਲ ਪਹਿਲਾਂ ਯਾਨੀ 11 ਸਤੰਬਰ 2001 ਨੂੰ ਅੱਤਵਾਦੀਆਂ ਨੇ ਦੁਨੀਆ ਦੇ ਸਭ ਤੋਂ ਸ਼ਕਤੀਸ਼ਾਲੀ ਮੁਲਕ ਅਮਰੀਕਾ 'ਤੇ ਇਕ ਅਜਿਹਾ ਹਮਲਾ ਕੀਤਾ ਸੀ, ਜਿਸ ਨੇ ਪੂਰੀ ਦੁਨੀਆ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ।

PunjabKesari

ਹਮਲੇ ਨੇ ਅਜਿਹੀ ਤਬਾਹੀ ਮਚਾਈ ਸੀ ਕਿ ਜਿਸ ਨੇ ਵੀ ਇਸ ਮੰਜ਼ਰ ਨੂੰ ਦੇਖਿਆ ਉਸ ਦੇ ਦਿਮਾਗ 'ਚ ਇਸ ਹਮਲੇ ਦੀ ਤਸਵੀਰ ਛੱਪ ਗਈ।

PunjabKesari
ਅੱਤਵਾਦੀਆਂ ਨੇ ਹਵਾਈ ਜਹਾਜ਼ ਨੂੰ ਮਿਜ਼ਾਇਲ ਦੇ ਰੂਪ 'ਚ ਵਰਤਿਆ ਸੀ। ਇਸ ਹਮਲੇ 'ਚ ਕਰੀਬ 3000 ਲੋਕ ਮਾਰੇ ਗਏ ਸਨ। ਅਸਲ 'ਚ 11 ਸਤੰਬਰ 2001 ਨੂੰ ਸੰਯੁਕਤ ਰਾਜ ਅਮਰੀਕਾ 'ਤੇ ਅੱਤਵਾਦੀ ਸੰਗਠਨ ਅਲ-ਕਾਇਦਾ ਨੇ ਜੋ ਹਮਲਾ ਕੀਤਾ ਸੀ, ਉਹ ਆਤਮਘਾਤੀ ਹਮਲੇ ਦੀ ਲੜੀ ਸੀ। ਉਸ ਦਿਨ ਸਵੇਰੇ 19 ਅਲ ਕਾਇਦਾ ਅੱਤਵਾਦੀਆਂ ਨੇ ਚਾਰ ਯਾਤਰੀ ਜਹਾਜ਼ਾਂ ਨੂੰ ਅਗਵਾ ਕੀਤਾ ਸੀ।

PunjabKesari

ਅਗਵਾਕਾਰਾਂ ਨੇ ਜਾਣਬੁੱਝ ਕੇ ਉਨ੍ਹਾਂ 'ਚੋਂ ਦੋ ਜਹਾਜ਼ਾਂ ਨੂੰ ਵਰਲਡ ਟ੍ਰੇਡ ਸੈਂਟਰ, ਨਿਊਯਾਰਕ ਸ਼ਹਿਰ ਦੇ ਟਵਿਨ ਟਾਵਰ 'ਚ ਮਾਰ ਦਿੱਤਾ, ਜਿਸ 'ਚ ਜਹਾਜ਼ਾਂ 'ਚ ਸਵਾਰ ਸਾਰੇ ਲੋਕ ਤੇ ਬਿਲਡਿੰਗਾਂ 'ਚ ਕੰਮ ਕਰਨ ਵਾਲੇ ਹੋਰ ਕਈ ਲੋਕ ਮਾਰੇ ਗਏ ਸਨ।


PunjabKesari

ਦੋਵੇਂ ਵੱਡੀਆਂ ਇਮਾਰਤਾਂ ਦੋ ਘੰਟੇ ਦੇ ਅੰਦਰ ਢਹਿ ਗਈਆਂ ਤੇ ਨੇੜੇ ਦੀਆਂ ਇਮਾਰਤਾਂ ਨੂੰ ਵੀ ਭਾਰੀ ਨੁਕਸਾਨ ਪਹੁੰਚਿਆ।

PunjabKesari

ਅਗਵਾਕਾਰਾਂ ਨੇ ਤੀਜੇ ਜਹਾਜ਼ ਨੂੰ ਵਾਸ਼ਿੰਗਟਨ ਡੀ.ਸੀ. ਦੇ ਬਾਹਰ ਆਰਲਿੰਗਟਨ, ਵਰਜੀਨੀਆ 'ਚ ਪੈਂਟਾਗਨ ਨਾਲ ਟਕਰਾ ਦਿੱਤਾ ਸੀ। ਇਸ ਹਮਲੇ 'ਚ ਕਰੀਬ 3000 ਲੋਕ ਤੇ 19 ਅਗਵਾਕਾਰ ਮਾਰੇ ਗਏ ਸਨ। ਪੈਂਟਾਗਨ 'ਤੇ ਹੋਏ ਹਮਲੇ 'ਚ 184 ਲੋਕਾਂ ਦੀ ਮੌਤ ਹੋਈ ਸੀ। ਇਸ ਦੌਰਾਨ ਜ਼ਖਮੀਆਂ 'ਚ 70 ਦੇਸ਼ਾਂ ਦੇ ਲੋਕ ਸ਼ਾਮਲ ਸਨ।

PunjabKesari

ਇਹ ਹਮਲਾ ਕਿੰਨਾਂ ਵੱਡਾ ਸੀ ਇਸ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਾਇਆ ਜਾ ਸਕਦਾ ਹੈ ਕਿ ਇਸ ਹਮਲੇ 'ਚ ਲੱਗੀ ਅੱਗ ਨੂੰ ਬੁਝਾਉਣ 'ਚ 100 ਦਿਨ ਲੱਗ ਗਏ ਸਨ। ਇਸ ਹਮਲੇ 'ਚ ਟਵਿਨ ਟਾਵਰ 'ਚ ਮੌਜੂਦ 90 ਦੇਸ਼ਾਂ ਦੇ ਲੋਕ ਮਾਰੇ ਗਏ ਸਨ।

PunjabKesari

ਜਿਸ ਟਵਿਨ ਟਾਵਰ ਨੂੰ ਅੱਤਵਾਦੀਆਂ ਨੇ ਨਿਸ਼ਾਨਾ ਬਣਾਇਆ ਸੀ ਉਹ 4 ਅਪ੍ਰੈਲ 1973 ਨੂੰ ਬਣ ਕੇ ਤਿਆਰ ਹੋਇਆ ਸੀ, ਜਿਸ ਦੀਆਂ 7 ਇਮਾਰਤਾਂ ਸਨ। ਇਸ ਨੂੰ ਬਣਾਉਣ 'ਚ 40 ਕਰੋੜ ਡਾਲਰ ਲੱਗੇ ਸਨ। ਟਾਵਰ 'ਚ ਕਰੀਬ 50 ਹਜ਼ਾਰ ਕਰਮਚਾਰੀ ਕੰਮ ਕਰਦੇ ਸਨ। ਇਹ ਇਮਾਰਤ ਕਿੰਨੀ ਵੱਡੀ ਸੀ ਇਸ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਾਇਆ ਜਾ ਸਕਦਾ ਹੈ ਕਿ ਇਥੇ 239 ਲਿਫਟਾਂ ਸਨ।

PunjabKesariPunjabKesari

PunjabKesari

PunjabKesari



ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ

Baljit Singh

This news is Edited By Baljit Singh