ਪੋਲਟਾਵਾ ਸ਼ਹਿਰ ’ਚ ਰੂਸੀ ਹਮਲੇ ਦੌਰਾਨ 41 ਲੋਕਾਂ ਦੀ ਮੌਤ, 180 ਜ਼ਖਮੀ

ਕੀਵ - ਯੂਕ੍ਰੇਨ ਦੇ ਮੱਧ-ਪੂਰਬੀ ਖੇਤਰ ’ਚ 2 ਰੂਸੀ ਬੈਲਿਸਟਿਕ ਮਿਜ਼ਾਈਲਾਂ ਨੇ ਇਕ ਵਿੱਦਿਅਕ ਸੰਸਥਾ ਅਤੇ ਇਕ ਨੇੜਲੇ ਹਸਪਤਾਲ ਨੂੰ ਨਿਸ਼ਾਨਾ ਬਣਾਇਆ, ਜਿਸ ’ਚ ਘੱਟੋ-ਘੱਟ 41 ਲੋਕਾਂ ਦੀ ਮੌਤ ਹੋ ਗਈ ਅਤੇ 180 ਹੋਰ ਜ਼ਖਮੀ ਹੋ ਗਏ। ਇਹ ਜਾਣਕਾਰੀ ਯੂਕ੍ਰੇਨ ਦੇ ਰਾਸ਼ਟਰਪਤੀ ਵੋਲੋਡਿਮਰ ਜੇਲੇਂਸਕੀ ਨੇ ਮੰਗਲਵਾਰ ਨੂੰ ਦਿੱਤੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਹਮਲਾ ਇਸੇ ਨਾਮ ਦੇ ਖੇਤਰ ਦੀ ਰਾਜਧਾਨੀ ਪੋਲਟਾਵਾ ਸ਼ਹਿਰ ’ਚ ਹੋਇਆ ਜੋ ਕਿ ਪੋਲਟਾਵਾ ਰੂਸ ਦੀ ਸਰਹੱਦ ਤੋਂ ਲਗਭਗ 110 ਕਿਲੋਮੀਟਰ (70 ਮੀਲ) ਅਤੇ ਕੀਵ ਦੇ ਦੱਖਣ-ਪੂਰਬ ’ਚ ਲਗਭਗ 350 ਕਿਲੋਮੀਟਰ (200 ਮੀਲ) ਸਥਿਤ ਹੈ। ਦੱਸ ਦੇਈਏ ਕਿ 900 ਦਿਨ ਪਹਿਲਾਂ 24 ਫਰਵਰੀ, 2022 ਨੂੰ ਯੁੱਧ ਸ਼ੁਰੂ ਹੋਣ ਤੋਂ ਬਾਅਦ ਇਹ ਹਮਲਾ ਰੂਸੀ ਫੌਜ ਵੱਲੋਂ ਕੀਤੇ ਗਏ ਸਭ ਤੋਂ ਘਾਤਕ ਹਮਲਿਆਂ ’ਚੋਂ ਇਕ ਜਾਪਦਾ ਹੈ।

ਇਸ ਦੌਰਾਨ ਇਕ ਸੰਚਾਰ ਸੰਸਥਾ ਦੀ ਇਮਾਰਤ ਸ਼ੱਕੀ ਤੌਰ 'ਤੇ ਤਬਾਹ ਹੋ ਗਈ ਸੀ ਜਿਸ ਕਾਰਨ ਲੋਕ ਮਲਬੇ ਹੇਠ ਦੱਬ ਗਏ। ਹਾਲਾਂਕਿ ਜ਼ੇਲੇਂਸਕੀ ਨੇ ਟੈਲੀਗ੍ਰਾਮ ਚੈਨਲ 'ਤੇ ਪੋਸਟ ਕੀਤੀ ਇਕ ਵੀਡੀਓ ’ਚ ਕਿਹਾ ‘‘ਬਹੁਤ ਸਾਰੇ ਲੋਕਾਂ ਨੂੰ ਬਚਾ ਲਿਆ ਗਿਆ ਸੀ।’’  ਇਸ ਦੌਰਾਨ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਕਿਹਾ, ''ਸਾਰੀਆਂ ਜ਼ਰੂਰੀ ਸੇਵਾਵਾਂ ਬਚਾਅ ਕਾਰਜ 'ਚ ਸ਼ਾਮਲ ਹਨ। ਉਨ੍ਹਾਂ ਕਿਹਾ ਕਿ ਉਸ ਸਮੇਂ ਜੋ ਕੁਝ ਹੋਇਆ ਉਸ ਦੀ ਉਨ੍ਹਾਂ ਨੇ "ਪੂਰੀ ਅਤੇ ਤੁਰੰਤ ਜਾਂਚ" ਦੇ ਹੁਕਮ  ਦਿੱਤੇ ਹਨ। ਇਸ ਤੋਂ ਇਲਾਵਾ ਜੇਲੇਂਸਕੀ ਨੇ ਹੋਰ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ।  ਯੂਕ੍ਰੇਨ ਦੇ ਰੱਖਿਆ ਮੰਤਰਾਲੇ ਨੇ ਕਿਹਾ ਕਿ ਮਿਜ਼ਾਈਲਾਂ ਹਵਾਈ ਹਮਲੇ ਦੀ ਚਿਤਾਵਨੀ ਦੇ ਤੁਰੰਤ ਬਾਅਦ ਡਿੱਗ ਗਈਆਂ ਕਿਉਂਕਿ ਬਹੁਤ ਸਾਰੇ ਲੋਕ ਬੰਬ ਪਨਾਹਗਾਹਾਂ ਵੱਲ ਜਾ ਰਹੇ ਸਨ, ਹਮਲੇ ਨੂੰ "ਬਰਬਰ" ਦੱਸਿਆ। ਰੱਖਿਆ ਮੰਤਰਾਲੇ ਦੇ ਇਕ ਬਿਆਨ ’ਚ ਕਿਹਾ ਗਿਆ ਹੈ ਕਿ ਬਚਾਅ ਟੀਮਾਂ ਅਤੇ ਡਾਕਟਰਾਂ ਨੇ 25 ਲੋਕਾਂ ਨੂੰ ਬਚਾਇਆ, ਜਿਨ੍ਹਾਂ ’ਚੋਂ 11 ਨੂੰ ਮਲਬੇ ’ਚੋਂ ਕੱਢਿਆ ਗਿਆ।