ਵੈਨੇਜ਼ੁਏਲਾ ਦੀ ਝੀਲ ''ਚ ਤੇਲ ਸੇਵਾ ਦਾ ਬਾਰਜ ਡੁੱਬਣ ਕਾਰਨ 2 ਦੀ ਮੌਤ, 4 ਲਾਪਤਾ

ਕਾਰਾਕਾਸ - ਪੱਛਮੀ ਵੈਨੇਜ਼ੁਏਲਾ ਦੇ ਜ਼ੁਲੀਆ ਰਾਜ ’ਚ ਮਾਰਾਕਾਇਬੋ ਝੀਲ ’ਚ ਤੇਲ ਦੇ ਖੂਹਾਂ ਦੀ ਸਾਂਭ-ਸੰਭਾਲ ਲਈ ਵਰਤੇ ਜਾਣ ਵਾਲੇ ਇਕ ਸਰਵਿਸ ਬੈਰਜ ਦੇ ਡੁੱਬਣ ਕਾਰਨ ਘੱਟੋ-ਘੱਟ ਦੋ ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ ਚਾਰ ਹੋਰ ਲਾਪਤਾ ਹਨ। ਇਕ ਨਿਊਜ਼ ਏਜੰਸੀ ਦੀ ਰਿਪੋਰਟ ਦੇ ਅਨੁਸਾਰ, ਸਰਕਾਰੀ ਤੇਲ ਕੰਪਨੀ ਪੈਟਰੋਲੀਓਸ ਡੀ ਵੈਨੇਜ਼ੁਏਲਾ (ਪੀ.ਡੀ.ਵੀ.ਐੱਸ.ਏ.) ਨੇ ਵੀਰਵਾਰ ਨੂੰ ਇਸ ਘਟਨਾ ਦੀ ਜਾਣਕਾਰੀ ਦਿੱਤੀ। ਇਕ ਬਿਆਨ ’ਚ, ਫਰਮ ਨੇ ਕਿਹਾ ਕਿ ਇਹ ਘਟਨਾ "ਹਾਦਸੇ ਦੇ ਸਮੇਂ ਖੇਤਰ ਨੂੰ ਪ੍ਰਭਾਵਿਤ ਕਰਨ ਵਾਲੇ ਖਰਾਬ ਮੌਸਮ" ਕਾਰਨ ਵਾਪਰੀ ਹੈ ਅਤੇ ਇਹ ਵੀ ਕਿਹਾ ਕਿ "ਚੈਂਟੇਸ ਜੀ" ਨਾਮ ਦਾ ਬਾਰਜ SOSCA ਦਾ ਹੈ, ਜੋ ਵਰਤਮਾਨ ’ਚ ਰੱਖ-ਰਖਾਅ ਦਾ ਕੰਮ ਕਰ ਰਿਹਾ ਹੈ। ਤੇਲ ਦੇ ਖੂਹਾਂ 'ਤੇ ਸੇਵਾਵਾਂ ਪ੍ਰਦਾਨ ਕਰਨ ਵਾਲੀ ਇਕ ਫਰਮ ਹੈ। ਇਸ ਦੌਰਾਨ ਕੰਪਨੀ ਨੇ ਕਿਹਾ, "ਜਨਤਕ ਸੁਰੱਖਿਆ ਸੰਗਠਨਾਂ ਦੇ ਸਹਿਯੋਗ ਨਾਲ ਖੋਜ ਅਤੇ ਬਚਾਅ ਕਾਰਜ ਜਾਰੀ ਹਨ," ਕੰਪਨੀ ਨੇ ਕਿਹਾ ਕਿ ਪੀ.ਡੀ.ਵੀ.ਐੱਸ.ਏ. ਉੱਚ -ਪੱਧਰੀ ਜਾਂਚ ਕਮੇਟੀ ਹਾਦਸੇ ਦੇ ਕਾਰਨਾਂ ਦਾ ਨਿਸ਼ਚਤ ਤੌਰ 'ਤੇ ਪਤਾ ਲਗਾਉਣ ਲਈ ਕੇਸ ਦੀ ਜਾਂਚ ਕਰੇਗੀ ਅਤੇ ਪੀੜਤਾਂ ਦੇ ਰਿਸ਼ਤੇਦਾਰਾਂ ਨੂੰ ਸਹਾਇਤਾ ਪ੍ਰਦਾਨ ਕੀਤੀ ਜਾਵੇਗੀ। ਸਰਕਾਰੀ ਕੰਪਨੀ ਨੇ ਮ੍ਰਿਤਕਾਂ ਦੇ ਪਰਿਵਾਰਾਂ ਨਾਲ ਹਮਦਰਦੀ ਪ੍ਰਗਟ ਕੀਤੀ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਲਿਬਨਾਨ ’ਚ ਦਹਿਸ਼ਤ : ਮੋਬਾਇਲ ਫਟ ਨਾ ਜਾਵੇ, ਇਸ ਡਰ ਤੋਂ ਬੈਟਰੀ ਕੱਢ ਰਹੇ ਲੋਕ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।