ਹੈਲਥ ਡੈਸਕ - ਅਜੋਕੇ ਸਮੇਂ 'ਚ ਬਦਲਦੇ ਲਾਈਫਸਟਾਈਲ ਅਤੇ ਪਾਣੀ ਦੀ ਘੱਟ ਵਰਤੋਂ ਕਾਰਨ ਯੂਰਿਨ ਇਨਫੈਕਸ਼ਨ (UTI) ਦੀ ਸਮੱਸਿਆ ਤੇਜ਼ੀ ਨਾਲ ਵਧ ਰਹੀ ਹੈ। ਅਕਸਰ ਲੋਕ ਇਸ ਦੇ ਸ਼ੁਰੂਆਤੀ ਲੱਛਣਾਂ ਨੂੰ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਹ ਲਾਪਰਵਾਹੀ ਤੁਹਾਡੀ ਕਿਡਨੀ (ਗੁਰਦਿਆਂ) ਨੂੰ ਹਮੇਸ਼ਾ ਲਈ ਖ਼ਰਾਬ ਕਰ ਸਕਦੀ ਹੈ? 

ਕੀ ਹਨ ਇਨਫੈਕਸ਼ਨ ਦੇ ਮੁੱਖ ਲੱਛਣ?

ਜੇਕਰ ਤੁਹਾਨੂੰ ਹੇਠ ਲਿਖੇ ਲੱਛਣ ਮਹਿਸੂਸ ਹੋ ਰਹੇ ਹਨ, ਤਾਂ ਤੁਰੰਤ ਸੁਚੇਤ ਹੋਣ ਦੀ ਲੋੜ ਹੈ :-

• ਪਿਸ਼ਾਬ ਕਰਦੇ ਸਮੇਂ ਜਲਣ ਜਾਂ ਤੇਜ਼ ਦਰਦ ਹੋਣਾ।
• ਵਾਰ-ਵਾਰ ਪਿਸ਼ਾਬ ਆਉਣਾ ਪਰ ਖੁੱਲ੍ਹ ਕੇ ਨਾ ਆਉਣਾ।
• ਪਿਸ਼ਾਬ ਦਾ ਰੰਗ ਬਦਲਣਾ ਜਾਂ ਤੇਜ਼ ਬਦਬੂ ਆਉਣਾ।
• ਪੇਟ ਦੇ ਹੇਠਲੇ ਹਿੱਸੇ 'ਚ ਲਗਾਤਾਰ ਦਰਦ ਰਹਿਣਾ।
• ਇਨਫੈਕਸ਼ਨ ਵਧਣ 'ਤੇ ਬੁਖ਼ਾਰ ਜਾਂ ਕੰਬਣੀ ਮਹਿਸੂਸ ਹੋਣਾ।

ਇਗਨੋਰ ਕਰਨ ਦੇ ਖ਼ਤਰਨਾਕ ਨਤੀਜੇ :-

ਮਾਹਿਰਾਂ ਅਨੁਸਾਰ, ਜੇਕਰ ਸਮੇਂ ਸਿਰ ਇਲਾਜ ਨਾ ਕੀਤਾ ਜਾਵੇ ਤਾਂ ਬੈਕਟੀਰੀਆ ਬਲੈਡਰ ਤੋਂ ਹੁੰਦੇ ਹੋਏ ਗੁਰਦਿਆਂ ਤੱਕ ਪਹੁੰਚ ਜਾਂਦੇ ਹਨ। ਇਸ ਨਾਲ 'ਕਿਡਨੀ ਇਨਫੈਕਸ਼ਨ' ਹੋ ਸਕਦੀ ਹੈ, ਜਿਸ ਦਾ ਇਲਾਜ ਕਾਫ਼ੀ ਮਹਿੰਗਾ ਅਤੇ ਦਰਦਨਾਕ ਹੁੰਦਾ ਹੈ।

ਬਚਾਅ ਲਈ ਅਪਣਾਓ ਇਹ ਆਸਾਨ ਤਰੀਕੇ :-

ਪਾਣੀ ਦੀ ਵੱਧ ਵਰਤੋਂ
- ਦਿਨ 'ਚ ਘੱਟੋ-ਘੱਟ 10-12 ਗਲਾਸ ਪਾਣੀ ਪੀਓ ਤਾਂ ਜੋ ਬੈਕਟੀਰੀਆ ਸਰੀਰ 'ਚੋਂ ਬਾਹਰ ਨਿਕਲ ਸਕਣ।

ਸਫ਼ਾਈ ਦਾ ਖ਼ਾਸ ਧਿਆਨ
- ਨਿੱਜੀ ਸਫ਼ਾਈ ਰੱਖਣਾ ਸਭ ਤੋਂ ਜ਼ਰੂਰੀ ਹੈ।

ਕ੍ਰੈਨਬੇਰੀ ਜੂਸ 
- ਇਹ ਇਨਫੈਕਸ਼ਨ ਨੂੰ ਰੋਕਣ 'ਚ ਬਹੁਤ ਸਹਾਇਕ ਮੰਨਿਆ ਜਾਂਦਾ ਹੈ।

ਪਿਸ਼ਾਬ ਨਾ ਰੋਕੋ
- ਜ਼ਿਆਦਾ ਦੇਰ ਤੱਕ ਪਿਸ਼ਾਬ ਰੋਕਣ ਨਾਲ ਬੈਕਟੀਰੀਆ ਨੂੰ ਵਧਣ ਦਾ ਮੌਕਾ ਮਿਲਦਾ ਹੈ।

ਡਾਕਟਰੀ ਸਲਾਹ
- ਜੇਕਰ ਸਮੱਸਿਆ 2 ਦਿਨਾਂ ਤੋਂ ਵੱਧ ਰਹਿੰਦੀ ਹੈ, ਤਾਂ ਘਰੇਲੂ ਨੁਸਖਿਆਂ ਦੇ ਭਰੋਸੇ ਨਾ ਬੈਠੋ, ਤੁਰੰਤ ਮਾਹਿਰ ਡਾਕਟਰ ਦੀ ਸਲਾਹ ਲਓ ਅਤੇ ਲੋੜੀਂਦੇ ਟੈਸਟ ਕਰਵਾਓ।