ਜਿੰਨਾ ਹੋ ਸਕੇ ਇਨ੍ਹਾਂ ਚੀਜ਼ਾਂ ਤੋਂ ਕਰੋ ਪਰਹੇਜ਼ ! ਨਹੀਂ ਤਾਂ ਉਮਰ ਤੋਂ ਪਹਿਲਾਂ ਹੀ ਹੋ ਜਾਓਗੇ 'ਬੁੱਢੇ'

ਵੈੱਬ ਡੈਸਕ- ਅੱਜਕੱਲ੍ਹ ਹਰ ਕੋਈ ਚਾਹੁੰਦਾ ਹੈ ਕਿ ਉਸ ਦੀ ਚਮੜੀ, ਵਾਲ ਅਤੇ ਖੂਬਸੂਰਤੀ ਲੰਬੇ ਸਮੇਂ ਤੱਕ ਜਵਾਨ ਰਹੇ। ਪਰ ਕਈ ਵਾਰ ਅਸੀਂ ਅਣਜਾਣੇ 'ਚ ਅਜਿਹੀਆਂ ਗਲਤੀਆਂ ਕਰ ਬੈਠਦੇ ਹਾਂ, ਜਿਨ੍ਹਾਂ ਕਾਰਨ ਚਿਹਰੇ 'ਤੇ ਬੁੱਢਾਪੇ ਦੇ ਲੱਛਣ ਜਲਦੀ ਦਿਖਣ ਲੱਗ ਪੈਂਦੇ ਹਨ। ਇਨ੍ਹਾਂ 'ਚ ਸਭ ਤੋਂ ਵੱਡੀ ਗਲਤੀ ਹੈ—ਜ਼ਿਆਦਾ ਮਿੱਠੀਆਂ ਚੀਜ਼ਾਂ ਖਾਣਾ।

ਵਿਗਿਆਨਕ ਤੌਰ 'ਤੇ ਮੰਨਿਆ ਗਿਆ ਹੈ ਕਿ ਜ਼ਿਆਦਾ ਖੰਡ ਖਾਣ ਨਾਲ ਗਲਾਈਕੇਸ਼ਨ ਪ੍ਰੋਸੈਸ ਤੇਜ਼ ਹੋ ਜਾਂਦਾ ਹੈ, ਜਿਸ ਨਾਲ ਚਮੜੀ 'ਚ ਕੋਲੇਜਨ ਦੀ ਮਾਤਰਾ ਘੱਟਣ ਲੱਗਦੀ ਹੈ। ਕੋਲੇਜਨ ਹੀ ਚਮੜੀ ਨੂੰ ਲਚਕੀਲਾ, ਟਾਈਟ ਅਤੇ ਜਵਾਨ ਰੱਖਦਾ ਹੈ। ਜਦੋਂ ਇਹ ਘਟਦਾ ਹੈ, ਤਾਂ ਝੁਰੜੀਆਂ, ਫਾਈਨ ਲਾਈਨਜ਼ ਅਤੇ ਬੁੱਢਾਪੇ ਦੀਆਂ ਹੋਰ ਨਿਸ਼ਾਨੀਆਂ ਉਭਰ ਆਉਂਦੀਆਂ ਹਨ।

ਕੋਲੇਜਨ ਕੀ ਹੈ?

ਕੋਲੇਜਨ ਇਕ ਮਹੱਤਵਪੂਰਣ ਪ੍ਰੋਟੀਨ ਹੈ ਜੋ ਚਮੜੀ, ਵਾਲਾਂ, ਨਹੁੰਆਂ ਅਤੇ ਸਰੀਰ ਦੇ ਹੋਰ ਟਿਸ਼ੂਜ਼ 'ਚ Structure ਨੂੰ ਮਜ਼ਬੂਤ ਰੱਖਦਾ ਹੈ। ਚਮੜੀ 'ਚ ਕੋਲੇਜਨ ਦੀ ਕਮੀ ਹੋਣ ਨਾਲ ਸਕਿਨ ਢਿੱਲੀ ਪੈਣ ਲੱਗਦੀ ਹੈ ਅਤੇ ਜਲਦੀ ਬੁੱਢੀ ਦਿਖਣ ਲੱਗਦੀ ਹੈ।

ਇਹ ਗਲਤੀਆਂ ਚਿਹਰੇ ਦਾ ਨੁਕਸਾਨ ਵਧਾਉਂਦੀਆਂ ਹਨ

1. ਜ਼ਿਆਦਾ ਮਿੱਠੀ ਚੀਜ਼ਾਂ ਖਾਣਾ

ਕੇਕ, ਚਾਕਲੇਟ, ਪੇਸਟਰੀ, ਮਿੱਠੀਆਂ ਡਿਸ਼ਾਂ ਅਤੇ ਵਧੇਰੇ ਖੰਡ ਵਾਲੀਆਂ ਚੀਜ਼ਾਂ ਗਲਾਈਕੇਸ਼ਨ ਵਧਾਉਂਦੀਆਂ ਹਨ। ਇਸ ਨਾਲ ਕੋਲੇਜਨ ਟੁੱਟਦਾ ਹੈ ਅਤੇ ਬੁੱਢਾਪਾ ਜਲਦੀ ਦਿਖਣ ਲੱਗਦਾ ਹੈ। 

ਸਲਾਹ: ਖੰਡ ਦੇ ਬਦਲੇ ਸ਼ਹਿਦ ਜਾਂ ਗੁੜ ਵਰਗੇ ਕੁਦਰਤੀ ਵਿਕਲਪ ਚੁਣੋ।

2. ਸਿਗਰਟ ਪੀਣਾ

ਸਿਗਰਟ 'ਚ ਮੌਜੂਦ ਨਿਕੋਟਿਨ ਖੂਨ ਦੇ ਪ੍ਰਵਾਹ ਨੂੰ ਘਟਾ ਦਿੰਦਾ ਹੈ, ਜਿਸ ਨਾਲ ਚਮੜੀ ਨੂੰ ਆਕਸੀਜਨ ਅਤੇ ਪੋਸ਼ਣ ਨਹੀਂ ਮਿਲਦਾ। ਇਸ ਨਾਲ ਕੋਲੇਜਨ ਦਾ ਨਿਰਮਾਣ ਘੱਟਦਾ ਹੈ ਅਤੇ ਚਿਹਰਾ ਡਲ ਅਤੇ ਬੁੱਢਾ ਦਿਖਦਾ ਹੈ।

3. ਸਨਸਕ੍ਰੀਨ ਨਾ ਲਗਾਉਣਾ

ਸੂਰਜ ਦੀਆਂ ਖ਼ਤਰਨਾਕ UV ਕਿਰਨਾਂ ਕੋਲੇਜਨ ਨੂੰ ਤੋੜਦੀਆਂ ਹਨ। ਜੇ ਤੁਸੀਂ ਸਨਸਕ੍ਰੀਨ ਨਹੀਂ ਲਗਾਉਂਦੇ ਤਾਂ ਝੁਰੜੀਆਂ, ਪਿਗਮੈਂਟੇਸ਼ਨ, ਫਾਈਨ ਲਾਈਨਜ਼ ਜਲਦੀ ਦਿਖਣ ਲੱਗਦੀਆਂ ਹਨ।

4. ਘੱਟ ਨੀਂਦ ਲੈਣਾ

ਸਰੀਰ ਆਪਣੀ ਮੁਰੰਮਤ (Repair) ਨੀਂਦ ਦੌਰਾਨ ਕਰਦਾ ਹੈ। ਘੱਟ ਨੀਂਦ ਨਾਲ ਕੋਲੇਜਨ ਬਣਨਾ ਘੱਟਦਾ ਹੈ, ਜਿਸ ਨਾਲ ਸਕਿਨ ਥੱਕੀ-ਥੱਕੀ ਅਤੇ ਉਮਰਦਰਾਜ਼ ਲੱਗਦੀ ਹੈ।

5. ਹਮੇਸ਼ਾ ਤਣਾਅ 'ਚ ਰਹਿਣਾ

ਲੰਬੇ ਸਮੇਂ ਦਾ ਸਟ੍ਰੈੱਸ ਕੋਰਟੀਸੋਲ ਹਾਰਮੋਨ ਵਧਾਉਂਦਾ ਹੈ, ਜੋ ਕੋਲੇਜਨ ਨੂੰ ਤਬਾਹ ਕਰਦਾ ਹੈ। ਇਸ ਨਾਲ ਸਕਿਨ ਦੀ ਚਮਕ ਘੱਟ ਜਾਂਦੀ ਹੈ ਅਤੇ ਚਿਹਰਾ ਬੇਰੰਗ ਦਿਖਣ ਲੱਗਦਾ ਹੈ।

ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।