Migraine ਦੀ ਸਮੱਸਿਆ ਤੋਂ ਪਾਉਣਾ ਚਾਹੁੰਦੇ ਹੋ ਛੁਟਕਾਰਾ ਤਾਂ ਅਪਣਾਓ ਇਹ 'ਘਰੇਲੂ ਨੁਸਖੇ'

ਹੈਲਥ ਡੈਸਕ - ਅੱਜਕਲ ਦੀ ਰੁਝੇਵਿਆਂ ਭਰੀ ਜ਼ਿੰਦਗੀ 'ਚ ਰੋਜ਼ਾਨਾ ਦੀਆਂ ਕਈ ਆਦਤਾਂ ਰੁਕਾਵਟਾਂ ਦਾ ਨਤੀਜਾ ਬਣ ਸਕਦੀਆਂ ਹਨ। ਇਨ੍ਹਾਂ 'ਚੋ ਇਕ ਸਭ ਤੋਂ ਮਾੜੀ ਸਮੱਸਿਆ ਹੈ ਸਿਰਦਰਦ। ਕਈ ਵਾਰ ਤਾਂ ਇਹ ਸਿਰਦਰਦ ਥੋੜੇ ਸਮੇਂ ਦੀ ਹੁੰਦੀ ਹੈ ਅਤੇ ਕਈ ਵਾਰ ਇਹ ਬਹੁਤ ਜ਼ਿਆਦਾ ਦੇਰ ਤੱਕ ਰਹਿੰਦੀ ਹੈ। ਜਿਸ ਕਾਰਨ ਸਾਨੂੰ ਦਵਾਈ ਦਾ ਸੇਵਨ ਕਰਨਾ ਪੈਂਦਾ ਹੈ ਤਾਂ ਕਿ ਇਸ ਸਮੱਸਿਆ ਤੋਂ ਛੁਟਕਾਰਾ ਪਾਇਆ ਜਾ ਸਕੇ। ਪਰ ਜੇਕਰ ਤੁਹਾਨੂੰ ਇਹ ਸਮੱਸਿਆ ਲਗਾਤਾਰ ਰਹਿੰਦੀ ਹੈ ਤਾਂ ਸਾਵਧਾਨ ਰਹੋ। ਕਿਉਂਕਿ ਇਹ ਸਮੱਸਿਆ ਕਈ ਵਾਰ ਗੰਭੀਰ ਪ੍ਰੇਸ਼ਾਨੀਆਂ ਦਾ ਕਾਰਨ ਵੀ ਬਣ ਸਕਦੀ ਹੈ, ਜਿਨ੍ਹਾਂ 'ਚੋਂ ਇਕ ਗੰਭੀਰ ਸਮੱਸਿਆ ਹੈ ਮਾਈਗ੍ਰੇਨ। ਇਸ ਲਈ ਆਓ ਇਸ ਖਬਰ ਰਾਹੀਂ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਬਿਨਾਂ ਕੋਈ ਦਵਾਈ ਖਾਧੇ ਤੁਸੀਂ ਇਸ ਨੂੰ ਘਰੇਲੂ ਨੁਸਖਿਆਂ ਨਾਲ ਕਿਵੇਂ ਠੀਕ ਕਰ ਸਕਦੇ ਹੋ। 

ਭਰਪੂਰ ਪਾਣੀ ਪੀਓ
 ਸਰੀਰ 'ਚ ਪਾਣੀ ਦੀ ਕਮੀ ਹੋਣਾ ਮਾਈਗ੍ਰੇਨ ਦੀ ਸਮੱਸਿਆ ਨੂੰ ਸੱਦਾ ਦੇਣ ਦੇ ਬਰਾਬਰ ਹੈ। ਇਸ ਤੋਂ ਬਚਣ ਲਈ ਤੁਹਾਨੂੰ ਭਰਪੂਰ ਮਾਤਰਾ 'ਚ ਪਾਣੀ ਪੀਣਾ ਚਾਹੀਦਾ ਹੈ। ਜੇਕਰ ਤੁਹਾਡੇ ਕੋਲੋਂ ਪਾਣੀ ਸਟੀਕ ਮਾਤਰਾ 'ਚ ਨਹੀਂ ਪੀਤਾ ਜਾਂਦਾ ਤਾਂ ਤੁਸੀਂ ਹਰਬਲ ਟੀ ਜਾਂ ਜੂਸ ਆਦਿ ਨਾਲ ਵੀ ਇਸ ਦੀ ਕਮੀ ਨੂੰ ਪੂਰਾ ਕਰ ਸਕਦੇ ਹੋ। ਇਹ ਤੁਹਾਡੇ ਸਰੀਰ ਨੂੰ ਹਾਈਡ੍ਰੇਟ ਰੱਖਣ 'ਚ ਮਦਦ ਕਰਦਾ ਹੈ। 

ਠੰਢੇ ਸੇਕ ਦਿਓ
ਮਾਈਗ੍ਰੇਨ ਦੀ ਸਮੱਸਿਆ ਨੂੰ ਘੱਟ ਕਰਨ ਲਈ ਤੁਸੀਂ ਠੰਢੇ ਸੇਕ ਦੇ ਸਕਦੇ ਹੋ। ਇਹ ਤਰੀਕਾ ਤੁਹਾਡੇ ਲਈ ਕਾਫੀ ਪ੍ਰਭਾਵਸ਼ਾਲੀ ਰਹੇਗਾ। ਘੱਟ ਤਾਪਮਾਨ ਤੁਹਾਡੇ ਖੂਨ ਦੀਆਂ ਧਮਨੀਆਂ ਨੂੰ ਆਰਾਮ ਦਿੰਦਾ ਹੈ ਅਤੇ ਇਹ ਦਿਲ ਦੀ ਧੜਕਣ ਦੀ ਭਾਵਨਾ ਨੂੰ ਘਟ ਕਰਦਾ ਹੈ। ਇਸ ਲਈ ਤੁਸੀਂ ਆਪਣੇ ਮੱਥੇ ਜਾਂ ਧੋਣ 'ਤੇ 10 ਜਾਂ 15 ਮਿੰਟ ਬਰਫ ਦੇ ਸੇਕ ਦਿਓ ਜਾਂ ਠੰਢੇ ਪਾਣੀ 'ਚ ਕੱਪੜੇ ਨੂੰ ਭਿਓਂ ਕੇ ਇਸ ਦੇ ਸੇਕ ਦਿਓ। 

ਸਰੀਰ ਨੂੰ ਆਰਾਮ ਦੇਣਾ 
ਥਕਾਣ ਦੇ ਨੀਂਦ ਦੀ ਕਮੀ ਵੀ ਮਾਈਗ੍ਰੇਨ ਦੀ ਸਮੱਸਿਆ ਦਾ ਮੁੱਖ ਕਾਰਨ ਹੈ। ਇਸ ਲਈ ਇਸ ਸਮੱਸਿਆ ਨੂੰ ਰੋਕਣ ਲਈ ਲੋੜੀਂਦੀ ਨੀਂਦ ਕਾਫੀ ਹੈ। ਇਸ ਦੌਰਾਨ ਜੇਕਰ ਤੁਹਾਨੂੰ ਮਾਈਗ੍ਰੇਨ ਦੀ ਸਮੱਸਿਆ ਹੋ ਰਹੀ ਹੈ ਤਾਂ ਤੁਸੀਂ ਸ਼ਾਂਤ ਵਾਤਾਵਰਣ 'ਚ ਆਰਾਮ ਕਰੋ। ਇਹ ਮਾਈਗ੍ਰੇਨ ਦੇ ਲੱਛਣਾਂ ਨੂੰ ਕਾਫੀ ਘੱਟ ਕਰਨ 'ਚ ਮਦਦ ਕਰਦਾ ਹੈ। 

ਕਸਰਤ ਕਰਨਾ
ਸਰੀਰ 'ਚ ਤਣਾਅ ਦਾ ਪੈਦਾ ਹੋਣਾ ਮਾਈਗ੍ਰੇਨ ਦੇ ਮੁੱਖ ਕਾਰਨਾਂ 'ਚੋਂ ਇਕ ਹੈ। ਇਸ ਲਈ ਤੁਸੀਂ ਕਸਰਤ ਜਾਂ ਯੋਗ ਰਾਹੀਂ ਇਸ ਨੂੰ ਘੱਟ ਕਰ ਸਕਦੇ ਹੋ। ਤੁਸੀਂ ਰੋਜ਼ਾਨਾ ਕੁਝ ਸਮਾਂ ਆਰਾਮ ਕਰੋਗੇ ਤਾਂ ਇਹ ਸਮੱਸਿਆ ਖੁਦ ਘੱਟ ਹੋ ਸਕਦੀ ਹੈ। 

ਅਦਰਕ ਦੀ ਚਾਹ ਪੀਣਾ
ਮਾਈਗ੍ਰੇਨ ਦੀ ਸਮੱਸਿਆ ਅਦਰਕ ਦੀ ਚਾਹ ਪੀਣਾ ਤੁਹਾਡੇ ਲਈ ਕਾਫੀ ਫਾਇਦੇਮੰਦ ਹੋ ਸਕਦਾ ਹੈ। ਇਹ ਉਲਟੀ ਤੇ ਸਿਰਦਰਦ ਦੀ ਸਮੱਸਿਆ ਨੂੰ ਘੱਟ ਕਰਨ 'ਚ ਮਦਦ ਕਰਦਾ ਹੈ। ਜਦੋਂ ਤੁਹਾਨੂੰ ਇਸ ਤਕਲੀਫ ਦਾ ਅਹਿਸਾਸ ਹੁੰਦਾ ਹੈ ਤਾਂ ਤੁਸੀਂ ਅਦਰਕ ਦੀ ਚਾਹ ਪੀਓ। 

ਪੁਦੀਨੇ ਦਾ ਤੇਲ  
ਪੁਦੀਨੇ ਦਾ ਤੇਲ ਇਕ ਤਾਜ਼ਗੀ ਭਰਿਆ ਅਹਿਸਾਸ ਪ੍ਰਦਾਨ ਕਰਦਾ ਹੈ ਅਤੇ ਤਣਾਅ-ਕਿਸਮ ਦੇ ਸਿਰ ਦਰਦ ਨੂੰ ਘਟਾਉਣ 'ਚ ਮਦਦ ਕਰ ਸਕਦਾ ਹੈ, ਜੋ ਅਕਸਰ ਮਾਈਗਰੇਨ ਨਾਲ ਜੁੜੇ ਹੁੰਦੇ ਹਨ। ਆਪਣੇ ਮੱਥੇ 'ਤੇ ਪੇਪਰਮਿੰਟ ਅਸੈਂਸ਼ੀਅਲ ਤੇਲ ਨੂੰ ਹਲਕੇ ਹੱਥਾਂ ਨਾਲ ਲਗਾਉਣ ਨਾਲ, ਤੁਸੀਂ ਬੇਅਰਾਮੀ 'ਚ ਕਮੀ ਦਾ ਅਨੁਭਵ ਕਰ ਸਕਦੇ ਹੋ। ਪੁਦੀਨੇ ਦੀ ਖੁਸ਼ਬੂ ਆਰਾਮਦਾਇਕ ਮਾਹੌਲ ਵੀ ਬਣਾ ਸਕਦੀ ਹੈ, ਆਰਾਮ ਨੂੰ ਉਤਸ਼ਾਹਿਤ ਕਰਦੀ ਹੈ।

ਤੇਜ਼ ਰੌਸ਼ਨੀ ਤੋਂ ਦੂਰ ਰਹੋ
ਤੇਜ਼ ਜਾਂ ਟਿਮਟਿਮਾਉਂਦੀ ਰੌਸ਼ਨੀ ਮਾਈਗ੍ਰੇਨ ਦੀ ਸਮੱਸਿਆ ਦੇ ਕਾਰਨਾਂ 'ਚੋਂ ਇਕ ਹੈ। ਇਹ ਤੁਹਾਡੀਆਂ ਅੱਖਾਂ ਨੂੰ ਵੀ ਖਰਾਬ ਕਰ ਸਕਦੀ ਹੈ। ਜੇਕਰ ਤੁਸੀਂ ਅੱਖਾਂ ਨੂੰ ਬਚਾਉਣਾ ਚਾਹੁੰਦੇ ਹੋ ਤਾਂ ਤੁਸੀਂ ਘਰੋਂ ਬਾਹਰ ਜਾਂਦੇ ਸਮੇਂ ਟੋਪੀ ਜਾਂ ਚਸ਼ਮਾ ਪਹਿਣ ਸਕਦੇ ਹੋ। ਜੇਕਰ ਤੁਹਾਨੂੰ ਘਰ 'ਚ ਵੀ ਇਹ ਸਮੱਸਿਆ ਹੈ ਤਾਂ ਤੁਸੀਂ ਸਕ੍ਰੀਨ ਟਾਈਮ ਦੀ ਲਿਮਿਟ ਰੱਖੋ। 

ਇਹ ਜਾਣਕਾਰੀ ਆਮ ਤੱਥਾਂ 'ਤੇ ਆਧਾਰਿਤ ਹੈ। ਜਗਬਾਣੀ ਇਸ ਦੀ ਕੋਈ ਪੁਸ਼ਟੀ ਨਹੀਂ ਕਰਦਾ।