Holi Safety Tips: ਕੰਨ ਅਤੇ ਮੂੰਹ ਵਿੱਚ ਪੈ ਜਾਵੇ ਰੰਗ ਤਾਂ ਕੀ ਕਰੀਏ?

ਨਵੀਂ ਦਿੱਲੀ - ਰੰਗਾਂ ਦਾ ਤਿਉਹਾਰ ਹੋਲੀ ਬੱਚਿਆਂ ਤੋਂ ਲੈ ਕੇ ਬਜ਼ੁਰਗਾਂ ਤੱਕ ਹਰ ਕੋਈ ਬੜੀ ਧੂਮ-ਧਾਮ ਨਾਲ ਮਨਾਉਂਦਾ ਹੈ। ਇਸ ਪਵਿੱਤਰ ਦਿਹਾੜੇ 'ਤੇ ਲੋਕ ਇਕ-ਦੂਜੇ ਨੂੰ ਰੰਗ ਲਗਾ ਕੇ ਵਧਾਈ ਦਿੰਦੇ ਹਨ। ਹਰ ਕੋਈ ਰੰਗਾਂ ਨਾਲ ਹੋਲੀ ਖੇਡਦਿਆਂ ਖੂਬ ਆਨੰਦ ਮਾਣਦਾ ਹੈ। ਪਰ ਬਾਜ਼ਾਰ ਵਿੱਚ ਉਪਲਬਧ ਰੰਗਾਂ ਵਿੱਚ ਕੈਮੀਕਲ ਅਤੇ ਐਸਿਡ ਹੁੰਦੇ ਹਨ। ਅਜਿਹੇ 'ਚ ਗਲਤੀ ਨਾਲ ਕੰਨ ਜਾਂ ਮੂੰਹ 'ਚ ਰੰਗ ਪੈ ਜਾਣ ਕਾਰਨ ਇਨਫੈਕਸ਼ਨ ਦਾ ਖਤਰਾ ਹੋ ਸਕਦਾ ਹੈ। ਇਸੇ ਡਰ ਕਾਰਨ ਕਈ ਲੋਕ ਹੋਲੀ ਖੇਡਣ ਤੋਂ ਕੰਨੀ ਕਤਰਾਉਂਦੇ ਹਨ। ਪਰ ਫਿਰ ਵੀ ਜੇਕਰ ਅਣਜਾਣੇ 'ਚ ਰੰਗ ਤੁਹਾਡੇ ਕੰਨ ਜਾਂ ਮੂੰਹ 'ਚ ਚਲਾ ਜਾਂਦਾ ਹੈ ਤਾਂ ਤੁਸੀਂ ਕੁਝ ਖਾਸ ਨੁਸਖੇ ਅਪਣਾ ਕੇ ਇਨ੍ਹਾਂ ਸਮੱਸਿਆਵਾਂ ਨੂੰ ਦੂਰ ਕਰ ਸਕਦੇ ਹੋ।

ਜੇ ਕੰਨਾਂ ਵਿੱਚ ਰੰਗ ਚਲਾ ਜਾਵੇ ਤਾਂ...
 
ਕੰਨ ਨੂੰ ਨੀਂਵਾ ਕਰ ਦਿਓ 

ਜੇਕਰ ਹੋਲੀ ਖੇਡਦੇ ਸਮੇਂ ਸੁੱਕਾ ਰੰਗ ਕੰਨ 'ਚ ਚਲਾ ਜਾਵੇ ਤਾਂ ਤੁਰੰਤ ਉਸ ਕੰਨ ਵਾਲੇ ਪਾਸੇ ਨੂੰ ਹੇਠਾਂ ਜਾਂ ਉਸ ਪਾਸੇ ਨੂੰ ਨੀਂਵਾ ਕਰ ਦਿਓ ਜਿਸ ਕੰਨ ਵਿਚ ਰੰਗ ਪੈ ਗਿਆ ਹੈ। ਇਸ ਨਾਲ ਕੰਨਾਂ ਵਿਚੋਂ ਰੰਗ ਕਢਣਾ ਆਸਾਨ ਹੋ ਜਾਵੇਗਾ।

ਇਹ ਵੀ ਪੜ੍ਹੋ : ਮਹਿਮਾ ‘ਬਾਬਾ ਬਾਲਕ ਨਾਥ ਜੀ’ ਦੀ

ਈਅਰਬਡ ਦੀ ਵਰਤੋਂ ਕਰੋ

ਇਸ ਤੋਂ ਬਾਅਦ ਈਅਰਬਡ ਦੀ ਮਦਦ ਨਾਲ ਕੰਨ ਨੂੰ ਸਾਫ਼ ਕਰੋ। ਇਹ ਕੰਨ ਦੀ ਸਤ੍ਹਾ 'ਤੇ ਜਮ੍ਹਾ ਰੰਗ ਨੂੰ ਹਟਾਉਣ ਵਿੱਚ ਮਦਦ ਕਰੇਗਾ।

ਕੋਸੇ ਤੇਲ ਨੂੰ ਸ਼ਾਮਿਲ ਕਰੋ

ਕੰਨਾਂ ਤੋਂ ਰੰਗ ਹਟਾਉਣ ਤੋਂ ਬਾਅਦ, ਇਸ ਵਿਚ ਕੋਸੇ ਨਾਰੀਅਲ ਜਾਂ ਸਰ੍ਹੋਂ ਦੇ ਤੇਲ ਦੀਆਂ ਕੁਝ ਬੂੰਦਾਂ ਪਾਓ। ਹੁਣ ਜੇਕਰ ਰੰਗ ਕੰਨ ਦੇ ਅੰਦਰ ਤੱਕ ਗਿਆ ਹੈ ਤਾਂ ਤੇਲ ਪਾਉਣ ਤੋਂ ਬਾਅਦ ਦੁਬਾਰਾ ਈਅਰਬਡ ਨਾਲ ਕੰਨ ਸਾਫ਼ ਕਰੋ। ਇਸ ਤੋਂ ਬਾਅਦ ਇਕ ਰੂੰ ਦੀ ਗੇਂਦ(ਗੋਲੇ) ਨੂੰ ਕੰਨ 'ਚ ਕੁਝ ਦੇਰ ਲਈ ਰੱਖੋ। ਇਹ ਕੰਨ ਨੂੰ ਇਨਫੈਕਸ਼ਨ ਤੋਂ ਬਚਾਏਗਾ।

ਇਸ ਤੋਂ ਇਲਾਵਾ ਜੇਕਰ ਤੁਹਾਡੇ ਕੰਨ 'ਚ ਪਾਣੀ ਵੀ ਜਾਂਦਾ ਹੈ ਤਾਂ ਤੁਸੀਂ ਉੱਪਰ ਦੱਸੇ ਗਏ ਇਨ੍ਹਾਂ ਨੁਸਖੇ ਅਪਣਾ ਕੇ ਸਮੱਸਿਆ ਨੂੰ ਦੂਰ ਕਰ ਸਕਦੇ ਹੋ।

ਇਹ ਵੀ ਪੜ੍ਹੋ : ਖ਼ੁਸ਼ੀਆਂ ਤੇ ਉਮੰਗਾਂ 'ਚ ਰੰਗ ਭਰਨ ਵਾਲੇ ਤਿਉਹਾਰ ਹੋਲੀ ਦੀ ਜਾਣੋ ਮਹੱਤਤਾ

ਜੇਕਰ ਮੂੰਹ ਵਿੱਚ ਰੰਗ ਚਲਾ ਜਾਵੇ ਤਾਂ...

ਗਰਾਰੇ ਕਰੋ

ਜੇਕਰ ਹੋਲੀ ਖੇਡਦੇ ਸਮੇਂ ਮੂੰਹ 'ਚ ਰੰਗ ਚਲਾ ਜਾਵੇ ਤਾਂ ਤੁਰੰਤ ਕੁਰਲੀ ਕਰ ਲਓ। ਇਸ ਤੋਂ ਬਾਅਦ ਸਾਫ਼ ਪਾਣੀ ਨਾਲ ਗਾਰਰੇ ਕਰੋ। ਤੁਹਾਨੂੰ ਉਦੋਂ ਤੱਕ ਗਾਰਰੇ ਕਰਨੇ ਪੈਣਗੇ ਜਦੋਂ ਤੱਕ ਮੂੰਹ ਵਿੱਚੋਂ ਸਾਰਾ ਰੰਗ ਨਹੀਂ ਨਿਕਲਦਾ।

ਮਾਊਥਵਾਸ਼ ਨਾਲ ਮੂੰਹ ਧੋਵੋ

ਪਾਣੀ ਨਾਲ ਗਾਰਰੇ ਕਰਨ ਤੋਂ ਬਾਅਦ, ਮੂੰਹ ਨੂੰ ਮਾਊਥਵਾਸ਼ ਨਾਲ ਅੰਦਰੋਂ ਚੰਗੀ ਤਰ੍ਹਾਂ ਕੁਰਲੀ ਕਰਕੇ ਸਾਫ਼ ਕਰੋ। ਇਹ ਰੰਗ ਨੂੰ ਡੂੰਘਾ ਸਾਫ਼ ਕਰਨ ਵਿੱਚ ਮਦਦ ਕਰੇਗਾ। ਰਸਾਇਣਕ ਰੰਗਾਂ ਦੇ ਕਾਰਨ ਮੂੰਹ ਵਿੱਚ ਮੌਜੂਦ ਬੈਕਟੀਰੀਆ ਖਤਮ ਹੋ ਜਾਣਗੇ।

ਗਰਮ ਪਾਣੀ

ਜੇਕਰ ਤੁਹਾਡੇ ਕੋਲ ਮਾਊਥਵਾਸ਼ ਨਹੀਂ ਹੈ ਤਾਂ ਕੋਸੇ ਪਾਣੀ ਨਾਲ ਚਿਹਰਾ ਧੋ ਲਓ। ਇਹ ਮੂੰਹ ਵਿੱਚ ਮੌਜੂਦ ਰੰਗ ਨੂੰ ਹਟਾਉਣ ਅਤੇ ਬੈਕਟੀਰੀਆ ਨੂੰ ਖਤਮ ਕਰਨ ਵਿੱਚ ਵੀ ਮਦਦ ਕਰੇਗਾ।

ਲਗਭਗ ਇੱਕ ਘੰਟੇ ਲਈ ਕੁਝ ਨਾ ਖਾਓ  ਅਤੇ ਨਾ ਹੀ ਪੀਓ

ਹੋਲੀ ਖੇਡਦੇ ਸਮੇਂ ਅਚਾਨਕ ਮੂੰਹ 'ਚ ਰੰਗ ਜਾਣ ਦੀ ਸਮੱਸਿਆ ਹੋ ਸਕਦੀ ਹੈ। ਪਰ ਇਸ ਸਮੇਂ ਦੌਰਾਨ, ਮੂੰਹ ਦੀ ਸਫਾਈ ਕਰਨ ਤੋਂ ਬਾਅਦ ਲਗਭਗ 1 ਘੰਟੇ ਤੱਕ ਕੁਝ ਵੀ ਨਾ ਖਾਓ ਅਤੇ ਨਾ ਪੀਓ। ਨਹੀਂ ਤਾਂ ਰੰਗ ਮੂੰਹ ਰਾਹੀਂ ਪੇਟ ਵਿੱਚ ਜਾ ਸਕਦੇ ਹਨ। ਇਸ ਨਾਲ ਇਨਫੈਕਸ਼ਨ ਹੋ ਸਕਦੀ ਹੈ।

ਇਹ ਵੀ ਪੜ੍ਹੋ : Holi 2022: ਹੋਲੀ 'ਤੇ ਇਹ ਵਾਸਤੂ ਉਪਾਅ ਜ਼ਰੂਰ ਕਰੋ, ਰੰਗਾਂ ਨਾਲ ਹੋਵੇਗੀ ਖੁਸ਼ੀਆਂ ਦੀ ਵਰਖਾ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।