ਹੈਲਥ ਡੈਸਕ - ਅੱਜ-ਕੱਲ੍ਹ ਦੇ ਵਿਗੜੇ ਹੋਏ ਲਾਈਫਸਟਾਈਲ ਅਤੇ ਗਲਤ ਖਾਣ-ਪੀਣ ਕਾਰਨ ਹਾਈ ਕੋਲੇਸਟ੍ਰੋਲ ਦੀ ਸਮੱਸਿਆ ਤੇਜ਼ੀ ਨਾਲ ਵੱਧ ਰਹੀ ਹੈ। ਜਦੋਂ ਸਰੀਰ 'ਚ "ਗੰਦਾ" ਕੋਲੇਸਟ੍ਰੋਲ ਵੱਧਦਾ ਹੈ, ਤਾਂ ਇਹ ਹੌਲੀ-ਹੌਲੀ ਧਮਨੀਆਂ 'ਚ ਜਮ੍ਹਾਂ ਹੋਣ ਲੱਗਦਾ ਹੈ, ਜਿਸ ਨਾਲ ਖੂਨ ਦਾ ਪ੍ਰਵਾਹ ਪ੍ਰਭਾਵਿਤ ਹੁੰਦਾ ਹੈ ਅਤੇ ਹਾਰਟ ਅਟੈਕ ਤੇ ਸਟ੍ਰੋਕ ਵਰਗੀਆਂ ਗੰਭੀਰ ਬਿਮਾਰੀਆਂ ਦਾ ਖਤਰਾ ਵੱਧ ਜਾਂਦਾ ਹੈ। ਸਿਹਤ ਮਾਹਿਰਾਂ ਅਨੁਸਾਰ, ਰਾਤ ਦੇ ਸਮੇਂ ਸਰੀਰ ਹੀਲਿੰਗ ਮੋਡ 'ਚ ਹੁੰਦਾ ਹੈ, ਇਸ ਲਈ ਰਾਤ ਦੇ ਖਾਣੇ ਤੋਂ ਬਾਅਦ ਕੁਝ ਖਾਸ ਚੀਜ਼ਾਂ ਦਾ ਸੇਵਨ ਕੋਲੇਸਟ੍ਰੋਲ ਨੂੰ ਕੰਟਰੋਲ ਕਰਨ 'ਚ ਬਹੁਤ ਮਦਦਗਾਰ ਸਾਬਤ ਹੋ ਸਕਦਾ ਹੈ।

ਕੋਲੇਸਟ੍ਰੋਲ ਵਧਣ ਦੇ ਸੰਕੇਤ :-

- ਜਲਦੀ ਥਕਾਵਟ ਹੋਣਾ ਅਤੇ ਸਾਹ ਫੁੱਲਣਾ।
- ਪੈਰਾਂ 'ਚ ਦਰਦ ਅਤੇ ਛਾਤੀ ਵਿੱਚ ਜਕੜਨ।
- ਅੱਖਾਂ ਦੇ ਆਲੇ-ਦੁਆਲੇ ਪੀਲੇ ਨਿਸ਼ਾਨ ਦਿਖਾਈ ਦੇਣਾ।

ਅਲਸੀ ਦੇ ਬੀਜਾਂ ਦਾ ਕਮਾਲ
ਰਾਤ ਦੇ ਖਾਣੇ ਤੋਂ ਬਾਅਦ 1 ਚਮਚ ਅਲਸੀ ਦੇ ਬੀਜ ਖਾਣਾ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਇਸ 'ਚ ਮੌਜੂਦ ਫਾਈਬਰ ਅਤੇ ਓਮੇਗਾ-3 ਫੈਟੀ ਐਸਿਡ "ਗੰਦੇ" ਕੋਲੇਸਟ੍ਰੋਲ ਨੂੰ ਘਟਾਉਣ ਅਤੇ ਦਿਲ ਨੂੰ ਸਿਹਤਮੰਦ ਰੱਖਣ 'ਚ ਮਦਦ ਕਰਦੇ ਹਨ। ਤੁਸੀਂ ਚਾਹੋ ਤਾਂ ਭਿੱਜੇ ਹੋਏ ਚੀਆ ਸੀਡਜ਼ ਦਾ ਸੇਵਨ ਵੀ ਕਰ ਸਕਦੇ ਹੋ।

ਹੋਰ ਫਾਇਦੇਮੰਦ ਚੀਜ਼ਾਂ :-

ਬਾਦਾਮ ਅਤੇ ਅਖਰੋਟ
- ਰਾਤ ਦੇ ਖਾਣੇ ਤੋਂ ਬਾਅਦ 5-6 ਭਿੱਜੇ ਹੋਏ ਬਾਦਾਮ ਅਤੇ 1-2 ਅਖਰੋਟ ਖਾਣ ਨਾਲ ਸਰੀਰ 'ਚ ਕੋਲੇਸਟ੍ਰੋਲ ਸੰਤੁਲਿਤ ਰਹਿੰਦਾ ਹੈ। ਅਖਰੋਟ 'ਚ ਮੌਜੂਦ ਓਮੇਗਾ-3 ਫੈਟੀ ਐਸਿਡ ਦਿਲ ਦੀ ਸਿਹਤ ਲਈ ਬਹੁਤ ਚੰਗੇ ਹਨ।

ਲਸਣ
- ਰਾਤ ਨੂੰ ਲਸਣ ਦੀ ਇਕ ਕਲੀ ਨੂੰ ਹਲਕਾ ਜਿਹਾ ਕੁਚਲ ਕੇ 10 ਮਿੰਟ ਬਾਅਦ ਖਾਣਾ ਦਿਲ ਦੀ ਸਿਹਤ ਲਈ ਗੁਣਕਾਰੀ ਹੈ।

ਇਸਬਗੋਲ
- ਕੋਸੇ ਪਾਣੀ 'ਚ 1 ਚਮਚ ਇਸਬਗੋਲ ਮਿਲਾ ਕੇ ਪੀਣ ਨਾਲ ਸਰੀਰ 'ਚ ਕੋਲੇਸਟ੍ਰੋਲ ਜਜ਼ਬ ਨਹੀਂ ਹੁੰਦਾ ਅਤੇ ਪਾਚਨ ਵੀ ਬਿਹਤਰ ਹੁੰਦਾ ਹੈ।

ਸਿਹਤ ਲਈ ਜ਼ਰੂਰੀ ਨੁਕਤੇ :-

- ਰੋਜ਼ਾਨਾ ਘੱਟੋ-ਘੱਟ 30 ਮਿੰਟ ਕਸਰਤ ਕਰੋ।
- ਆਪਣੇ ਵਜ਼ਨ ਨੂੰ ਕੰਟਰੋਲ 'ਚ ਰੱਖੋ।
- ਸਿਗਰਟਨੋਸ਼ੀ ਅਤੇ ਜ਼ਿਆਦਾ ਸ਼ਰਾਬ ਦੇ ਸੇਵਨ ਤੋਂ ਬਚੋ।
- ਘਿਓ ਅਤੇ ਮੱਖਣ ਦੀ ਜਗ੍ਹਾ ਹੈਲਦੀ ਫੈਟਸ ਦੀ ਵਰਤੋਂ ਕਰੋ।

ਜੇਕਰ ਤੁਸੀਂ ਰੋਜ਼ਾਨਾ ਆਪਣੀ ਡਾਈਟ 'ਚ ਅਲਸੀ ਵਰਗੇ ਛੋਟੇ ਬਦਲਾਅ ਕਰਦੇ ਹੋ, ਤਾਂ ਦਵਾਈਆਂ ਦੇ ਨਾਲ-ਨਾਲ ਕੁਦਰਤੀ ਤੌਰ 'ਤੇ ਦਿਲ ਦੀ ਸਿਹਤ ਨੂੰ ਬਿਹਤਰ ਰੱਖਣ 'ਚ ਮਦਦ ਮਿਲ ਸਕਦੀ ਹੈ।