Twitter ਨੇ ਜਾਰੀ ਕੀਤੀ ਨਵੀਂ ਅਪਡੇਟ, ਐਪ ਦੇ ਕੈਮਰੇ ਨਾਲ ਹੀ ਬਣਾ ਸਕੋਗੇ GIFs

ਗੈਜੇਟ ਡੈਸਕ– ਮਾਈਕ੍ਰੋਬਲਾਗਿੰਗ ਸਾਈਟ ਟਵਿਟਰ ਨੇ ਇਕ ਨਵੀਂ ਅਪਡੇਟ ਜਾਰੀ ਕੀਤੀ ਹੈ। ਇਸ ਅਪਡੇਟ ਤੋਂ ਬਾਅਦ ਟਵਿਟਰ ਦੇ ਯੂਜ਼ਰਸ ਆਪਣੇ ਟਵਿਟਰ ਐਪ ਦੇ ਕੈਮਰੇ ਨਾਲ ਹੀ GIFs ਫਾਈਲ ਬਣਾ ਸਕਣਗੇ, ਹਾਲਾਂਕਿ ਇਹ ਫੀਚਰ ਫਿਲਹਾਲ ਸਿਰਫ iOS ਯੂਜ਼ਰਸ ਲਈ ਹੀ ਉਪਲੱਬਧ ਹੈ। ਟਵਿਟਰ ਦੇ ਇਸ ਨਵੇਂ ਫੀਚਰ ਦਾ ਫਾਇਦਾ ਇਹ ਹੈ ਕਿ ਤੁਸੀਂ ਬਿਨਾਂ ਕਿਸੇ ਥਰਡ ਪਾਰਟੀ ਐਪ ਦੇ GIFs ਦੇ ਰੂਪ ’ਚ ਸ਼ਾਰਟ ਵੀਡੀਓ ਸ਼ੇੱਰ ਕਰ ਸਕੋਗੇ। ਅਜੇ ਤਕ ਇਹ ਸਾਫ ਨਹੀਂ ਹੈ ਕਿ ਐਂਡਰਾਇਡ ਯੂਜ਼ਰਸ ਲਈ ਇਹ ਫੀਚਰ ਕਦੋਂ ਆਏਗਾ। 

Ok GIFs aren’t new but what *is new* is the option to capture your own using the in-app camera on iOS. pic.twitter.com/3Hl6q78e6s

— Twitter Support (@TwitterSupport) March 22, 2022

ਟਵਿਟਰ ਨੇ ਨਵੇਂ ਫੀਚਰ ਬਾਰੇ ਟਵੀਟ ਕਰਕੇ ਜਾਣਕਾਰੀ ਦਿੱਤੀ ਹੈ। ਜੇਕਰ ਤੁਸੀਂ ਇਸ ਫੀਚਰ ਨੂੰ ਇਸਤੇਮਾਲ ਕਰਨਾ ਚਾਹੁੰਦੇ ਹੋ ਤਾਂ ਸਭ ਤੋਂ ਪਹਿਲਾਂ ਆਪਣੇ ਫੋਨ ਦੇ ਐਪ ਨੂੰ ਅਪਡੇਟ ਕਰੋ। ਹੁਣ ਐਪ ਨੂੰ ਓਪਨ ਕਰੋ ਅਤੇ ਨਿਊ ਟਵੀਟ ਦੇ ਬਟਨ ’ਤੇ ਕਲਿੱਕ ਕਰੋ। ਹੁਣ ਫੋਟੋ ਦੇ ਆਈਕਨ ’ਤੇ ਕਲਿੱਕ ਰੋ ਅਤੇ ਫਿਰ ਕੈਮਰਾ ਆਈਕਨ ’ਤੇ ਕਲਿੱਕ ਕਰੋ। ਹੁਣ GIF ਮੋਡ ’ਤੇ ਕਲਿੱਕ ਕਰੋ ਅਤੇ ਬਟਨ ਨੂੰ ਦਬਾਅ ਕੇ ਰੱਖੋ GIFs ਰਿਕਾਰਡ ਕਰੋ। ਟਵਿਟਰ ਨੇ ਫਿਲਹਾਲ GIFs ਨੂੰ ਸਿਸਟਮ ’ਚ ਸੇਵ ਕਰਨ ਦੀ ਸੁਵਿਧਾ ਨਹੀਂ ਦਿੱਤੀ।