ਗੈਜੇਟ ਡੈਸਕ - ਜੇਕਰ ਤੁਸੀਂ ਵੀ ਘੱਟ ਬਜਟ 'ਚ ਜਾਂ ਵੱਡੀ ਬੈਟਰੀ ਵਾਲਾ ਫੋਨ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਇਹ ਖਬਰ ਤੁਹਾਡੇ ਲਈ ਕਿਸੇ ਖੁਸ਼ਖਬਰੀ ਤੋਂ ਘੱਟ ਨਹੀਂ ਹੋਵੇਗੀ। ਦਰਅਸਲ ਅਸੀਂ ਗੱਲ ਕਰ ਰਹੇ ਹਾਂ Realme 16T 5G ਦੀ, ਜਿਸ ਦੀਆਂ ਕੀਮਤਾਂ 'ਚ ਹੁਣ ਕੁਝ ਬਦਲਾਅ ਦੇ ਆਸਾਰ ਦਿਸ ਰਹੇ ਹਨ। ਤੁਹਾਨੂੰ ਦੱਸ ਦਈਏ ਕਿ ਕੰਪਨੀ ਨੇ ਇਸ ਫੋਨ ਦੀ ਕੀਮਤ 1 ਜੁਲਾਈ ਤੋਂ ਘੱਟ ਕਰ ਦਿੱਤੀ ਹੈ ਤੇ ਹੁਣ ਇਹ ਫੋਨ ਹੁਣ Flipkart, ਮੇਨਲਾਈਨ ਸਟੋਰਾਂ ਅਤੇ realme.com 'ਤੇ ਸਿਰਫ਼ 25,999 ਰੁਪਏ ਦੀ ਸ਼ੁਰੂਆਤੀ ਕੀਮਤ 'ਤੇ ਉਪਲਬਧ ਹੈ, ਜਿਸ 'ਚ ਬੈਂਕ ਆਫਰ ਵੀ ਸ਼ਾਮਲ ਹਨ। ਆਓ ਇਸ ਫੋਨ ਦੀ ਬਾਕੀ ਡਿਟੇਲਜ਼ ਬਾਰੇ ਜਾਣਕਾਰੀ ਹਾਸਲ ਕਰਦੇ ਹਾਂ।

ਕਿੰਨੀ ਹੈ ਕੀਮਤ ਤੇ ਆਫਰ 

Realme 16T 5G 'ਤੇ ਇਹ ਸ਼ਾਨਦਾਰ ਪੇਸ਼ਕਸ਼ 15 ਜੁਲਾਈ ਤੱਕ ਉਪਲਬਧ ਰਹੇਗੀ। ਆਓ ਇਸ ਦੇ ਵੇਰੀਐਂਟਸ ਬਾਰੇ ਵਿਸਥਾਰ ਨਾਲ ਜਾਣੀਏ...

6GB/128GB ਵੇਰੀਐਂਟ ਦੀ MRP 29,999 ਰੁਪਏ ਹੈ। ਹਾਲਾਂਕਿ, 2,000 ਰੁਪਏ ਦੀ ਫਲੈਟ ਛੋਟ ਅਤੇ 2,000 ਰੁਪਏ ਦੀ ਕ੍ਰੈਡਿਟ ਕਾਰਡ ਪੇਸ਼ਕਸ਼ ਦੇ ਨਾਲ, ਇਸਦੀ ਕੀਮਤ 25,999 ਰੁਪਏ ਹੋ ਗਈ ਹੈ। ਫੋਨ ਦੇ 8GB/128GB ਵੇਰੀਐਂਟ ਦੀ MRP 31,999 ਰੁਪਏ ਹੈ, ਅਤੇ ਇਨ੍ਹਾਂ ਪੇਸ਼ਕਸ਼ਾਂ ਦੇ ਨਾਲ, ਇਸਦੀ ਕੀਮਤ 27,999 ਰੁਪਏ ਕਰ ਦਿੱਤੀ ਗਈ ਹੈ।

ਸਪੈਸੀਫਿਕੇਸ਼ਨ ਦੀ ਗੱਲ ਕਰੀਏ ਤਾਂ ਫੋਨ 'ਚ 6.81-ਇੰਚ LCD ਡਿਸਪਲੇਅ ਹੈ। ਇਹ ਡਿਵਾਈਸ 144Hz ਤੱਕ ਦੀ ਰਿਫਰੈਸ਼ ਰੇਟ ਅਤੇ 1,200 nits ਤੱਕ ਦੀ ਪੀਕ ਬ੍ਰਾਈਟਨੈੱਸ ਦਾ ਵੀ ਸਮਰਥਨ ਕਰਦੀ ਹੈ। ਇਹ ਫ਼ੋਨ 6nm ਪ੍ਰਕਿਰਿਆ 'ਤੇ ਆਧਾਰਿਤ MediaTek Dimensity 6300 ਚਿੱਪਸੈੱਟ ਦੁਆਰਾ ਸੰਚਾਲਿਤ ਹੈ, ਜੋ ਕਿ 8GB ਤੱਕ RAM ਅਤੇ 256GB ਤੱਕ ਸਟੋਰੇਜ ਨਾਲ ਜੋੜਿਆ ਗਿਆ ਹੈ।

ਫੋਟੋਗ੍ਰਾਫੀ ਲਈ, ਫੋਨ ਦੇ ਪਿਛਲੇ ਪਾਸੇ 50MP Sony IMX852 ਪ੍ਰਾਇਮਰੀ ਕੈਮਰਾ ਹੈ। ਫੋਨ 'ਚ 2MP ਮੋਨੋ ਲੈਂਸ ਵੀ ਹੈ। ਫੋਨ 'ਚ ਸੈਲਫੀ ਲਈ 16MP ਦਾ ਫਰੰਟ ਕੈਮਰਾ ਹੈ। ਡਿਵਾਈਸ ਦੇ ਰੀਅਰ ਕੈਮਰਾ ਮੋਡੀਊਲ 'ਚ ਇਕ 'ਸੈਲਫੀ ਮਿਰਰ' ਵੀ ਹੈ, ਜਿਸ ਬਾਰੇ Realme ਕਹਿੰਦਾ ਹੈ ਕਿ ਤੁਸੀਂ ਪ੍ਰਾਇਮਰੀ ਕੈਮਰੇ ਦੀ ਵਰਤੋਂ ਕਰਕੇ ਸੈਲਫੀ ਲੈ ਸਕਦੇ ਹੋ।

ਫੋਨ ਦੀ ਸਭ ਤੋਂ ਮਹੱਤਵਪੂਰਨ ਫੀਸਦੀ ਇਸਦੀ 8,000mAh ਬੈਟਰੀ ਹੈ, ਜੋ 45W SUPERVOOC ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ। ਇਹ ਫ਼ੋਨ ਐਂਡਰਾਇਡ 16 'ਤੇ ਆਧਾਰਿਤ Realme UI 7.0 'ਤੇ ਵੀ ਚੱਲਦਾ ਹੈ। ਫੋਨ ਨੂੰ ਪਾਣੀ ਅਤੇ ਧੂੜ ਪ੍ਰਤੀਰੋਧ ਲਈ IP66, IP68, IP69 ਅਤੇ IP69K ਰੇਟਿੰਗਾਂ ਹਨ।