ਇਨਵਰਟਰ ਦੀ ਬੈਟਰੀ ''ਚ ਮੀਂਹ ਦਾ ਪਾਣੀ ਪਾਉਣਾ ਸਹੀ ਜਾਂ ਨਹੀਂ ? ਜਾਣੋ ਕੀ ਹੈ ਮਾਹਿਰਾਂ ਦਾ ਕਹਿਣਾ

ਵੈੱਬ ਡੈਸਕ- ਇਨਵਰਟਰ ਦੀ ਬੈਟਰੀ ਨੂੰ ਸਹੀ ਤਰੀਕੇ ਨਾਲ ਚਲਾਉਣ ਲਈ ਇਸ 'ਚ ਸਮੇਂ-ਸਮੇਂ ਸਿਰ ਪਾਣੀ ਪਾਉਣਾ ਬਹੁਤ ਜ਼ਰੂਰੀ ਹੁੰਦਾ ਹੈ ਤਾਂ ਜੋ ਲਿਕਵਿਡ ਲੈਵਲ ਬਣਿਆ ਰਹੇ। ਅਕਸਰ ਲੋਕਾਂ ਦੇ ਮਨ 'ਚ ਇਹ ਸਵਾਲ ਉੱਠਦਾ ਹੈ ਕਿ ਕੀ ਮੀਂਹ ਦਾ ਪਾਣੀ ਬੈਟਰੀ 'ਚ ਪਾਇਆ ਜਾ ਸਕਦਾ ਹੈ? ਆਓ ਜਾਣਦੇ ਹਾਂ ਇਸ ਦਾ ਸਹੀ ਜਵਾਬ।

ਮੀਂਹ ਦਾ ਪਾਣੀ ਪਾਉਣ ਨਾਲ ਬੈਟਰੀ ਹੋ ਸਕਦੀ ਖ਼ਰਾਬ

ਇਨਵਰਟਰ ਦੀ ਬੈਟਰੀ 'ਚ ਮੀਂਹ ਦਾ ਪਾਣੀ ਪਾਉਣ ਨਾਲ ਬੈਟਰੀ ਖ਼ਰਾਬ ਹੋ ਸਕਦੀ ਹੈ। ਹਾਲਾਂਕਿ ਇਹ ਪਾਣੀ ਦੇਖਣ 'ਚ ਸਾਫ਼ ਲੱਗਦਾ ਹੈ, ਪਰ ਅਸਲ 'ਚ ਇਸ 'ਚ ਕਈ ਤਰ੍ਹਾਂ ਦੀ ਗੰਦਗੀ ਅਤੇ ਅਸ਼ੁੱਧੀਆਂ ਹੁੰਦੀਆਂ ਹਨ। ਜਦੋਂ ਮੀਂਹ ਦੀਆਂ ਬੂੰਦਾਂ ਅਸਮਾਨ ਤੋਂ ਹੇਠਾਂ ਡਿੱਗਦੀਆਂ ਹਨ, ਤਾਂ ਉਹ ਹਵਾ 'ਚ ਮੌਜੂਦ ਧੂੜ, ਮਿੱਟੀ ਅਤੇ ਪ੍ਰਦੂਸ਼ਣ ਦੇ ਸੰਪਰਕ 'ਚ ਆ ਜਾਂਦੀਆਂ ਹਨ, ਜਿਸ ਕਾਰਨ ਇਹ ਪਾਣੀ ਬੈਟਰੀ ਲਈ ਸੁਰੱਖਿਅਤ ਨਹੀਂ ਰਹਿੰਦਾ। ਮਾਹਰਾਂ ਅਨੁਸਾਰ ਪਾਣੀ 'ਚ ਮੌਜੂਦ ਇਹ ਅਸ਼ੁੱਧੀਆਂ ਬੈਟਰੀ ਦੇ ਅੰਦਰ ਲੱਗੀਆਂ ਲੀਡ ਪਲੇਟਾਂ ਨੂੰ ਨੁਕਸਾਨ ਪਹੁੰਚਾ ਸਕਦੀਆਂ ਹਨ। ਇਸ ਨਾਲ ਨਾ ਸਿਰਫ਼ ਬੈਟਰੀ ਦੀ ਉਮਰ ਘਟਦੀ ਹੈ, ਸਗੋਂ ਬੈਟਰੀ ਦਾ ਪਾਵਰ ਬੈਕਅਪ ਵੀ ਕਾਫ਼ੀ ਘੱਟ ਹੋ ਜਾਂਦਾ ਹੈ।

RO ਦਾ ਪਾਣੀ ਵੀ ਬੈਟਰੀ ਲਈ ਨਹੀਂ ਹੁੰਦਾ ਸਹੀ 

ਇਨਵਰਟਰ ਦੀ ਬੈਟਰੀ ਲਈ ਸਿਰਫ਼ ਡਿਸਟਿਲਡ ਵਾਟਰ ਹੀ ਸਭ ਤੋਂ ਵਧੀਆ ਮੰਨਿਆ ਜਾਂਦਾ ਹੈ। ਇਸ ਪਾਣੀ 'ਚ ਕੋਈ ਵੀ ਮਿਨਰਲ ਜਾਂ ਅਸ਼ੁੱਧੀ ਨਹੀਂ ਹੁੰਦੀ ਅਤੇ ਇਸ ਦਾ TDS ਲੈਵਲ ਜ਼ੀਰੋ ਹੁੰਦਾ ਹੈ। ਘਰ 'ਚ ਵਰਤੇ ਜਾਣ ਵਾਲੇ RO ਦਾ ਪਾਣੀ ਵੀ ਬੈਟਰੀ ਲਈ ਸਹੀ ਨਹੀਂ ਹੁੰਦਾ, ਇਸ ਲਈ ਹਮੇਸ਼ਾ ਬਾਜ਼ਾਰ 'ਚ ਮਿਲਣ ਵਾਲੇ ਡਿਸਟਿਲਡ ਵਾਟਰ ਦੀ ਹੀ ਵਰਤੋਂ ਕਰਨੀ ਚਾਹੀਦੀ ਹੈ।

ਬੈਟਰੀ 'ਚ ਹਮੇਸ਼ਾ ਸਿਰਫ਼ ਡਿਸਟਿਲਡ ਵਾਟਰ ਹੀ ਪਾਓ

ਹਰ ਮਹੀਨੇ ਇਕ ਵਾਰ ਇਨਵਰਟਰ ਬੰਦ ਕਰਕੇ ਬੈਟਰੀ ਦੇ ਪਾਣੀ ਦੇ ਪੱਧਰ ਦੀ ਜਾਂਚ ਜ਼ਰੂਰ ਕਰੋ। ਸਮੇਂ ਸਿਰ ਪਾਣੀ ਪਾਉਣ ਨਾਲ ਬੈਟਰੀ ਵਧੀਆ ਪਾਵਰ ਬੈਕਅਪ ਦਿੰਦੀ ਹੈ। ਬੈਟਰੀ 'ਚ ਹਮੇਸ਼ਾ ਸਿਰਫ਼ ਡਿਸਟਿਲਡ ਵਾਟਰ ਹੀ ਪਾਓ, ਜੋ ਬਾਜ਼ਾਰ 'ਚ ਆਸਾਨੀ ਨਾਲ ਮਿਲ ਜਾਂਦਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e