ਗੈਜੇਟ ਡੈਸਕ - ਵੀਵੋ ਨੇ Vivo T5 Lite 5G ਸਮਾਰਟਫੋਨ ਲਾਂਚ ਕੀਤਾ ਹੈ, ਜਿਸਦੀ ਕੀਮਤ 20,000 ਰੁਪਏ ਤੋਂ 25,000 ਰੁਪਏ ਦੇ ਵਿਚਾਲੇ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਡਿਵਾਈਸ ਨੂੰ ਨੌਜਵਾਨ ਗਾਹਕਾਂ ਦੀ ਬਦਲਦੀ ਜੀਵਨ ਸ਼ੈਲੀ ਦੇ ਨਾਲ ਤਾਲਮੇਲ ਰੱਖਣ ਲਈ ਤਿਆਰ ਕੀਤਾ ਗਿਆ ਹੈ। ਇਹ ਲੇਟੈਸਟ ਫੋਨ ਦਿਨ ਭਰ ਭਰੋਸੇਯੋਗ ਪ੍ਰਦਰਸ਼ਨ ਪ੍ਰਦਾਨ ਕਰਦਾ ਹੈ, ਇਕ ਲੰਬੇ ਸਮੇਂ ਤੱਕ ਚੱਲਣ ਵਾਲੀ ਬੈਟਰੀ, AI-ਸੰਚਾਲਿਤ ਉਤਪਾਦਕਤਾ ਫੀਚਰ ਅਤੇ ਰੋਜ਼ਾਨਾ ਦੇ ਕੰਮਾਂ ਨੂੰ ਆਸਾਨੀ ਨਾਲ ਸੰਭਾਲਣ ਲਈ ਤਿਆਰ ਕੀਤੀ ਗਈ ਵਧੀ ਹੋਈ ਟਿਕਾਊਤਾ ਦੇ ਨਾਲ।

ਇਹ ਨਵੀਨਤਮ ਵੀਵੋ ਸਮਾਰਟਫੋਨ ਦੋ ਰੰਗਾਂ ਦੇ ਰੂਪਾਂ 'ਚ ਲਾਂਚ ਕੀਤਾ ਗਿਆ ਹੈ ਜੋ ਕਿ ਹਨ ਟਵਾਈਲਾਈਟ ਸ਼ੈਡੋ ਅਤੇ ਵੇਵ ਬਲੂ। ਇਸ ਹੈਂਡਸੈੱਟ ਦੀ ਕੀਮਤ 4GB RAM ਅਤੇ 128GB ਵੇਰੀਐਂਟ ਲਈ  19,999 ਰੁਪਏ, 6GB RAM ਅਤੇ 128GB ਵੇਰੀਐਂਟ ਲਈ 21,999 ਰੁਪਏ ਅਤੇ 6GB RAM ਅਤੇ 256GB ਵੇਰੀਐਂਟ ਲਈ  24,999 ਰੁਪਏ ਹੈ। ਇਹ ਫੋਨ 22 ਜੁਲਾਈ ਨੂੰ ਵੀਵੋ ਦੀ ਅਧਿਕਾਰਤ ਵੈੱਬਸਾਈਟ, ਫਲਿੱਪਕਾਰਟ ਅਤੇ ਕੰਪਨੀ ਦੇ ਸਾਰੇ ਪਾਰਟਨਰ ਰਿਟੇਲ ਸਟੋਰਾਂ 'ਤੇ ਵਿਕਰੀ ਲਈ ਉਪਲਬਧ ਹੋਵੇਗਾ। ਮੁਕਾਬਲੇ ਦੇ ਮਾਮਲੇ 'ਚ, ਇਹ ਵੀਵੋ ਫੋਨ ਇਸ ਰੇਂਜ ਵਿੱਚ ਮੋਟੋਰੋਲਾ, ਓਪੋ, ਸੈਮਸੰਗ ਅਤੇ ਰੀਅਲਮੀ ਵਰਗੇ ਬ੍ਰਾਂਡਾਂ ਦੇ ਸਮਾਰਟਫੋਨਾਂ ਨਾਲ ਮੁਕਾਬਲਾ ਕਰੇਗਾ।

ਲਾਂਚ ਆਫਰ ਦੇ ਤਹਿਤ, ਜੇਕਰ ਤੁਸੀਂ ਫ਼ੋਨ ਖਰੀਦਣ ਵੇਲੇ HDFC, SBI, ਜਾਂ Axis Bank ਕਾਰਡ ਨਾਲ ਭੁਗਤਾਨ ਕਰਦੇ ਹੋ, ਤਾਂ ਤੁਹਾਨੂੰ 1,500 ਰੁਪਏ ਦੀ ਫਲੈਟ ਛੋਟ ਮਿਲੇਗੀ। ਇਸ ਤੋਂ ਇਲਾਵਾ, ਤੁਹਾਡੀ ਸਹੂਲਤ ਲਈ ਤਿੰਨ ਮਹੀਨਿਆਂ ਦਾ ਬਿਨਾਂ ਵਿਆਜ ਵਾਲਾ EMI ਵਿਕਲਪ ਵੀ ਹੈ। ਧਿਆਨ ਦਿਓ ਕਿ ਇਹ ਪੇਸ਼ਕਸ਼ਾਂ ਸਿਰਫ਼ 22 ਜੁਲਾਈ ਲਈ ਹੀ ਹਨ।

ਕੀ ਹਨ ਫੀਚਰਜ਼ 

ਇਹ ਫੋਨ AI Creation, Google Gemini, ਅਤੇ AI Caption ਵਰਗੇ AI ਫੀਚਰ ਪੇਸ਼ ਕਰਦਾ ਹੈ। ਇਸ ਤੋਂ ਇਲਾਵਾ, ਤੁਹਾਨੂੰ ਪ੍ਰਾਈਵੇਟ ਸਪੇਸ ਅਤੇ ਵੀਵੋ ਡੌਕ ਮਾਸਟਰ ਵੀ ਮਿਲੇਗਾ। ਇਸ ਫੋਨ ਵਿੱਚ 6.74-ਇੰਚ LCD ਡਿਸਪਲੇਅ ਹੈ ਜਿਸ'ਚ 1200 nits ਪੀਕ ਬ੍ਰਾਈਟਨੈੱਸ ਹੈ। ਹੈਂਡਸੈੱਟ ਵਿੱਚ 120Hz ਰਿਫਰੈਸ਼ ਰੇਟ ਅਤੇ ਅੱਖਾਂ ਦੀ ਸੁਰੱਖਿਆ ਵੀ ਹੈ।

ਬੈਟਰੀ ਦੀ ਜੇਕਰ ਗੱਲ ਕੀਤੀ ਜਾਵੇ ਤਾਂ 44W ਫਾਸਟ ਚਾਰਜਿੰਗ ਸਪੋਰਟ ਦੇ ਨਾਲ ਇਕ ਸ਼ਕਤੀਸ਼ਾਲੀ 6500 mAh ਬੈਟਰੀ ਉਪਲਬਧ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਬੈਟਰੀ 38 ਮਿੰਟਾਂ ਵਿੱਚ 1 ਤੋਂ 50 ਪ੍ਰਤੀਸ਼ਤ ਤੱਕ ਚਾਰਜ ਹੋ ਜਾਵੇਗੀ। ਇੰਨਾ ਹੀ ਨਹੀਂ, ਇਹ ਫ਼ੋਨ ਰਿਵਰਸ ਵਾਇਰਡ ਚਾਰਜਿੰਗ ਨੂੰ ਵੀ ਸਪੋਰਟ ਕਰਦਾ ਹੈ। ਇਹ ਫੋਨ ਸਪੀਡ ਅਤੇ ਮਲਟੀਟਾਸਕਿੰਗ ਲਈ ਮੀਡੀਆਟੈੱਕ ਡਾਇਮੈਂਸਿਟੀ 6300 5G ਪ੍ਰੋਸੈਸਰ ਦੀ ਵਰਤੋਂ ਕਰਦਾ ਹੈ। ਪਿਛਲੇ ਪਾਸੇ 50-ਮੈਗਾਪਿਕਸਲ ਦਾ IMX852 ਕੈਮਰਾ ਸੈਂਸਰ ਹੈ ਅਤੇ ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ 5-ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਸੈਂਸਰ ਹੈ।