ਘੱਟ ਰੌਸ਼ਨੀ ਵਿਚ ਵੀ ਵਧੀਆ ਤਸਵੀਰਾਂ ਖਿੱਚ ਸਕਦਾ ਹੈ ਇਹ ਕੰਪੈਕਟ DSLR

ਜਲੰਧਰ : ਰਿਕੋ ਇਮੇਜਿੰਗ (Ricoh Imaging) ਨੇ ਪੈਨਟੈਕਸ ਕੇ-70 (Pentax K-70) ਦਾ ਐਲਾਨ ਕੀਤਾ ਹੈ । ਇਹ ਇਕ ਕੰਪੈਕਟ ਡਿਜੀਟਲ ਸਿੰਗਲ-ਲੈਂਜ਼ ਰਿਫਲੈਕਸ (ਡੀ. ਐੱਸ. ਐੱਲ. ਆਰ.) ਕੈਮਰਾ ਹੈ, ਜਿਸ ਨੂੰ ਆਊਟਡੋਰ ਫੋਟੋਗ੍ਰਾਫੀ ਲਈ ਬਣਾਇਆ ਗਿਆ ਹੈ। ਇਹ 24.24 ਮੈਗਾਪਿਕਸਲ ਸ਼ੂਟਰ (ਕੈਮਰਾ) ਡਸਟਪਰੂਫ ਅਤੇ ਵੈਦਰ ਰਜ਼ਿਸਟੈਂਟ ਤਕਨੀਕ ਨਾਲ ਲੈਸ ਹੈ ਅਤੇ ਇਸ ਵਿਚ 100 ਸੀਲਿੰਗ ਪਾਰਟਸ ਲੱਗੇ ਹਨ । ਘੱਟ ਰੌਸ਼ਨੀ ਵਿਚ ਵੀ ਇਸ ਕੈਮਰੇ ਨਾਲ ਵਧੀਆ ਤਸਵੀਰਾਂ ਖਿੱਚੀਆਂ ਜਾ ਸਕਦੀਆਂ ਹਨ। ਇਸ ਵਿਚ ਲੱਗੀ ਸੈਂਸਰ ਸ਼ਿਫਟ ਸ਼ਾਕ ਰਿਡਕਸ਼ਨ ਤਕਨੀਕ ਨਾਲ ਇਮੇਜ ਬਲਰ ਨਹੀਂ ਹੁੰਦੀ। ਇਸ ਨਾਲ ਫੋਟੋਜ਼ ਨੂੰ ਆਸਾਨੀ ਨਾਲ ਸ਼ੇਅਰ ਕਰਨ ਲਈ ਬਿਲਟ ਇਨ ਵਾਈ-ਫਾਈ ਵੀ ਦਿੱਤਾ ਗਿਆ ਹੈ ।  

ਠੰਡ ਵਿਚ ਕੈਮਰੇ ਦੀ ਬੈਟਰੀ ਛੇਤੀ ਖਤਮ ਹੋਣ ਲੱਗਦੀ ਹੈ ਅਤੇ ਕੈਮਰੇ ਠੀਕ ਤਰ੍ਹਾਂ ਕੰਮ ਨਹੀਂ ਕਰਦੇ ਪਰ ਪੈਨਟੈਕਸ ਕੇ-70 ਠੰਡ ਵਿਚ ਵੀ ਇਕੋ ਜਿਹੇ (0 ਤੋਂ 10 ਡਿਗਰੀ ਘੱਟ ਤਾਪਮਾਨ ਵਿਚ ਠੀਕ ਤਰ੍ਹਾਂ ਕੰਮ ਕਰਦਾ ਰਹੇਗਾ) ਤਰੀਕੇ ਨਾਲ ਕੰਮ ਕਰਦਾ ਹੈ। ਇਸ ਵਿਚ ਏ. ਪੀ. ਐੱਸ.-ਸੀ. (23.5*15.6 ਐੱਮ. ਐੱਮ.) 24.24 ਮੈਗਾਪਿਕਸਲ ਸੀ. ਐੱਮ. ਓ. ਐੱਸ. ਸੈਂਸਰ ਲੱਗਾ ਹੈ ਜੋ ਬਿਨਾਂ ਏ. ਏ. ਫਿਲਟਰ ਦੇ ਸ਼ਾਰਪ ਇਮੇਜ ਪ੍ਰਦਾਨ ਕਰਦਾ ਹੈ ।  

ਇਸ ਕੈਮਰੇ ਦੀ ਆਈ. ਐੱਸ. ਓ. ਰੇਂਜ 1,02,400 ਤੱਕ ਹੈ, ਜਿਸ ਨਾਲ ਲੋ-ਲਾਈਟ ਵਿਚ ਵੀ ਸ਼ੂਟਿੰਗ ਕਰ ਸਕਦੇ ਹਾਂ । ਇਸ ਨਾਲ ਹੀ ਇਹ ਪਹਿਲਾ ਪੈਨਟੈਕਸ ਡੀ. ਐੱਸ. ਐੱਲ. ਆਰ. ਹੈ, ਜਿਸ ਵਿਚ 11 ਫੇਸ ਡਿਟੈਕਸ਼ਨ ਪੁਆਇੰਟਸ ਨਾਲ ਹਾਈਬ੍ਰਿਡ ਆਟੋਫੋਕਸ ਸਿਸਟਮ ਅਤੇ ਕੰਟ੍ਰਾਸਟ ਡਿਟੈਕਸ਼ਨ ਫੀਚਰ ਦਿੱਤਾ ਗਿਆ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਹਾਈ ਸਪੀਡ ਉੱਤੇ ਠੀਕ ਫੋਕਸ ਕਰਦਾ ਹੈ। ਲਾਈਵ ਸ਼ੂਟਿੰਗ ਦੇ ਸਮੇਂ ਵੀ ਇਹ ਵਧੀਆ ਪ੍ਰਫਾਰਮ ਕਰਦਾ ਹੈ । ਇਸ ਨਾਲ ਲਗਾਤਾਰ 6 ਫ੍ਰੇਮਜ਼ ਪ੍ਰਤੀ ਸੈਕਿੰਡ ''ਤੇ ਲਗਾਤਾਰ ਸ਼ੂਟਿੰਗ ਕਰ ਸਕਦੇ ਹਾਂ ਅਤੇ ਇਸ ਦੀ ਵੱਧ ਤੋਂ ਵੱਧ ਸ਼ਟਰ ਸਪੀਡ 1/6000 ਸੈਕਿੰਡ ਹੈ । ਜਿਥੋਂ ਤੱਕ ਵੀਡੀਓ ਸ਼ੂਟ ਕਰਨ ਦੀ ਗੱਲ ਹੈ ਤਾਂ ਇਹ ਕੈਮਰਾ 30 ਫ੍ਰੇਮਜ਼ ਪ੍ਰਤੀ ਸੈਕਿੰਡ ''ਤੇ ਫੁੱਲ ਐੱਚ. ਡੀ. (1080 ਪਿਕਸਲ) ਵਿਚ ਵੀਡੀਓ ਸ਼ੂਟ ਕਰ ਸਕਦਾ ਹੈ ।