Realme ਦੀ ਪਹਿਲੀ ਕਾਲਿੰਗ ਵਾਲੀ ਸਮਾਰਟਵਾਚ ਭਾਰਤ ’ਚ ਲਾਂਚ, ਕੀਮਤ 4 ਹਜ਼ਾਰ ਰੁਪਏ ਤੋਂ ਵੀ ਘੱਟ

ਗੈਜੇਟ ਡੈਸਕ– ਰੀਅਲਮੀ ਟੈੱਕਲਾਈਫ ਨੇ ਆਪਣੀ ਪਹਿਲੀ ਕਾਲਿੰਗ ਵਾਲੀ ਸਮਾਰਟਵਾਚ Realme TechLife Watch R100 ਨੂੰ ਭਾਰਤ ’ਚ ਲਾਂਚ ਕਰ ਦਿੱਤਾ ਹੈ। ਇਸ ਸਮਾਰਟਵਾਚ ’ਚ 1.32 ਇੰਚ ਦੀ ਡਿਸਪਲੇਅ ਹੈ ਅਤੇ ਇਸ ਦੇ ਨਾਲ ਐਲੂਮੀਨੀਅਮ ਬੇਜ਼ਲ ਹੈ। Realme TechLife Watch R100 ਦੇ ਨਾਲ ਕਾਲਿੰਗ ਲਈ ਮਾਈਕ੍ਰੋਫੋਨ ਅਤੇ ਸਪੀਕਰ ਦੋਵੇਂ ਦਿੱਤੇ ਗਏ ਹਨ। ਰੀਅਲਮੀ ਨੇ ਇਸ ਸਮਾਰਟਵਾਚ ਨੂੰ ਲੈ ਕੇ 7 ਦਿਨਾਂ ਦੇ ਬੈਟਰੀ ਬੈਕਅਪ ਦਾ ਦਾਅਵਾ ਕੀਤਾ ਹੈ। ਇਸ ਵਾਚ ਨੂੰ ਵਾਟਰ ਰੈਸਿਸਟੈਂਟ ਲਈ IP68 ਦੀ ਰੇਟਿੰਗ ਮਿਲੀ ਹੈ।

ਕੀਮਤ
Realme TechLife Watch R100 ਦੀ ਲਾਂਚਿੰਗ ਕੀਮਤ 3,499 ਰੁਪਏ ਰੱਖੀ ਗਈ ਹੈ। ਇਸ ਦੀ ਪਹਿਲੀ ਸੇਲ 28 ਜੂਨ ਨੂੰ ਦੁਪਹਿਰ 12 ਵਜੇ ਫਲਿਪਕਾਰਟ ਅਤੇ ਰੀਅਲਮੀ ਦੀ ਸਾਈਟ ਤੋਂ ਇਲਾਵਾ ਰਿਟੇਲ ਸਟੋਰ ’ਤੇ ਹੋਵੇਗੀ, ਹਾਲਾਂਕਿ ਕੰਪਨੀ ਦੀ ਸਾਈਟ ’ਤੇ ਇਸ ਵਾਚ ਨੂੰ 3,999 ਰੁਪਏ ਦੀ ਕੀਮਤ ’ਤੇ ਲਿਸਟ ਕੀਤਾ ਗਿਆ ਹੈ। Realme TechLife Watch R100 ਨੂੰ ਕਾਲੇ ਅਤੇ ਗ੍ਰੇਅ ਰੰਗ ’ਚ ਖਰੀਦਿਆ ਜਾ ਸਕੇਗਾ।

Realme TechLife Watch R100 ਦੀਆਂ ਖੂਬੀਆਂ
ਇਸ ਸਮਾਰਟਵਾਚ ’ਚ 1.32 ਇੰਚ ਦੀ ਰਾਊਂਡ ਡਿਸਪਲੇਅ ਹੈ ਜਿਸ ਦੀ ਬ੍ਰਾਈਟਨੈੱਸ 450 ਨਿਟਸ ਹੈ। ਇਸ ਦੇ ਨਾਲ 100 ਵਾਚ ਫੇਸਿਜ਼ ਦਾ ਵੀ ਸਪੋਰਟ ਦਿੱਤਾ ਗਿਆ ਹੈ। ਵਾਚ ਦੇ ਨਾਲ ਸਿਲੀਕਾਨ ਸਟ੍ਰੈਪ ਮਿਲੇਗਾ। ਇਸ ਵਾਚ ਦੇ ਨਾਲ 100 ਤੋਂ ਜ਼ਿਆਦਾ ਸਪੋਟਸ ਮੋਡ ਮਿਲਣਗੇ। ਇਸ ਤੋਂ ਇਲਾਵਾ ਇਸ ਵਿਚ ਏ.ਆਈ. ਰਨਿੰਗ ਪਾਰਟਨਰ ਮੋਡ ਦਿੱਤਾ ਗਿਆ ਹੈ। 

ਹੈਲਥ ਫੀਚਰਜ਼ ਦੇ ਤੌਰ ’ਤੇ ਇਸ ਵਾਚ ’ਚ ਤੁਹਾਨੂੰ ਹਾਰਟ ਰੇਟ ਮਾਨੀਟਰ, ਬਲੱਡ ਆਕਸੀਜਨ ਟ੍ਰੈਕਰ (SpO2), ਸਟ੍ਰੈੱਸ ਮਾਨੀਟਰ ਮਿਲਣਗੇ। ਵਾਚ ਨੂੰ ਰੀਅਲਮੀ ਵੇਅਰ ਐਪ ਰਾਹੀਂ ਐਕਸੈੱਸ ਕੀਤਾ ਜਾ ਸਕੇਗਾ। ਇਸ ਵਾਚ ਨਾਲ ਕਾਲਿੰਗ ਕੀਤੀ ਜਾ ਸਕੇਗੀ। ਫੋਨ ’ਤੇ ਆਉਣ ਵਾਲੇ ਸਾਰੇ ਨੋਟੀਫਿਕੇਸ਼ਨ ਇਸ ਵਿਚ ਤੁਹਾਨੂੰ ਮਿਲਣਗੇ। Realme TechLife Watch R100 ’ਚ 380mAh ਦੀ ਬੈਟਰੀ ਹੈ ਜਿਸ ਨੂੰ ਲੈ ਕੇ 7 ਦਿਨਾਂ ਦੇ ਬੈਕਅਪ ਦਾ ਦਾਅਵਾ ਹੈ।