OPPO A15 ਖ਼ਰੀਦਣ ਦਾ ਸ਼ਾਨਦਾਰ ਮੌਕਾ, ਕੀਮਤ ’ਚ ਹੋਈ ਭਾਰੀ ਕਟੌਤੀ
11/24/2020 1:47:53 PM
ਗੈਜੇਟ ਡੈਸਕ– ਓਪੋ ਨੇ ਆਪਣੇ ਬਜਟ ਸਮਾਰਟਫੋਨ OPPO A15 ਦੀ ਕੀਮਤ ’ਚ ਭਾਰੀ ਕਟੌਤੀ ਕਰ ਦਿੱਤੀ ਹੈ, ਜਿਸ ਤੋਂ ਬਾਅਦ ਹੁਣ ਇਸ ਦੀ ਕੀਮਤ 10 ਹਜ਼ਾਰ ਰੁਪਏ ਤੋਂ ਵੀ ਘੱਟ ਹੋ ਗਈ ਹੈ। ਓਪੋ ਨੇ ਬੀਤੇ ਮਹੀਨੇ OPPO A15 ਦੇ 3 ਜੀ.ਬੀ. ਰੈਮ ਅਤੇ 32 ਜੀ.ਬੀ. ਸਟੋਰੇਜ ਵਾਲੇ ਮਾਡਲ ਨੂੰ 10,990 ਰੁਪਏ ’ਚ ਲਾਂਚ ਕੀਤਾ ਸੀ। ਹੁਣ ਇਸ ਮੋਬਾਇਲ ਦੀ ਕੀਮਤ ’ਚ 1000 ਰੁਪਏ ਦੀ ਕਟੌਤੀ ਕੀਤੀ ਗਈ ਹੈ, ਜਿਸ ਤੋਂ ਬਾਅਦ ਇਸ ਦੀ ਕੀਮਤ ਹੁਣ 9,990 ਰੁਪਏ ਹੋ ਗਈ ਹੈ।
OPPO A15 ਦਾ 2 ਜੀ.ਬੀ. ਰੈਮ+32 ਜੀ.ਬੀ. ਸਟੋਰੇਜ ਵਾਲਾ ਮਾਡਲ 9,490 ਰੁਪਏ ’ਚ ਲਾਂਚ ਕੀਤਾ ਗਿਆ ਸੀ ਜਿਸ ਦੀ ਕੀਮਤ ’ਚ 500 ਰੁਪਏ ਦੀ ਕਟੌਤੀ ਕੀਤੀ ਗਈ ਹੈ ਅਤੇ ਹੁਣ ਇਸ ਦੀ ਕੀਮਤ 8,990 ਰੁਪਏ ਹੋ ਗਈ ਹੈ। ਓਪੋ ਦੇ ਇਸ ਬਜਟ ਫ੍ਰੈਂਡਲੀ ਫੋਨ ਨੂੰ ਤੁਸੀਂ ਐਮਾਜ਼ੋਨ ’ਤੋਂ ਖ਼ਰੀਦ ਸਕਦੇ ਹੋ।ਓਪੋ ਦਾ ਇਹ ਫੋਨ ਘੱਟ ਕੀਮਤ ’ਚ ਬਿਹਤਰੀਨ ਫੀਚਰਜ਼ ਨਾਲ ਆਉਂਦਾ ਹੈ।
ਕਈ ਜ਼ਬਰਦਸਤ ਆਫਰ ਵੀ
ਤੁਸੀਂ OPPO A15 ਐਮਾਜ਼ੋਨ ਤੋਂ ਖ਼ਰੀਦਦੇ ਹੋ ਤਾਂ ਤੁਹਾਨੂੰ ਬੈਂਕ ਆਫ ਬੜੌਦਾ ਦੇ ਕ੍ਰੈਡਿਟ ਕਾਰਡ, ਫੈਡਰਲ ਬੈਂਕ ਦੇ ਡੈਬਿਟ ਕਾਰਡ ਅਤੇ ਏ.ਯੂ. ਦੇ ਡੈਬਿਟ ਕਾਰਡ ’ਤੇ 10 ਫੀਸਦੀ ਦਾ ਇੰਸਟੈਂਟ ਡਿਸਕਾਊਂਟ ਮਿਲ ਜਾਂਦਾ ਹੈ। ਉਥੇ ਹੀ HSBC ਕ੍ਰੈਡਿਟ ਕਾਰਡ EMI ਟ੍ਰਾਂਜੈਕਸ਼ਨ ’ਤੇ 1500 ਰੁਪਏ ਤਕ ਦੀ ਵਾਧੂ ਛੋਟ ਮਿਲ ਜਾਂਦੀ ਹੈ। ਡਾਇਨਾਮਿਕ ਬਲੈਕ ਅਤੇ ਮਿਸਟਰੀ ਬਲਿਊ ਰੰਗ ’ਚ ਲਾਂਚ OPPO A15 ਨੂੰ ਮੀਡੀਆਟੈੱਕ ਹੇਲੀਓ ਪੀ35 ਚਿਪਸੈੱਟ ਨਾਲ ਲਾਂਚ ਕੀਤਾ ਗਿਆ ਹੈ। ਓਪੋ ਦੇ ਇਸ ਫੋਨ ਦੀ ਸ਼ਾਓਮੀ, ਵੀਵੋ, ਮਾਈਕ੍ਰੋਮੈਕਸ, ਰੀਅਲਮੀ ਸਮੇਤ ਹੋਰ ਕੰਪਨੀਆਂ ਦੇ ਬਜਟ ਸਮਾਰਟਫੋਨਾਂ ਨਾਲ ਟੱਕਰ ਹੈ। ਪਿਛਲੇ ਮਹੀਨੇ ਇਸ ਫੋਨ ਦੀ ਬੰਪਰ ਵਿਕਰੀ ਹੋਈ ਸੀ।
