6400mAh ਬੈਟਰੀ ਤੇ ਦਮਦਾਰ ਫੀਚਰਸ, OnePlus Ace 5 ਸੀਰੀਜ਼ ਲਾਂਚ

ਵੈੱਬ ਸੈਕਸ਼ਨ : OnePlus Ace 5 Pro ਤੇ OnePlus Ace 5 ਨੂੰ ਵੀਰਵਾਰ ਨੂੰ ਚੀਨੀ ਬਾਜ਼ਾਰ 'ਚ ਲਾਂਚ ਕੀਤਾ ਗਿਆ ਹੈ। ਨਵੇਂ ਸਮਾਰਟਫੋਨ 16GB ਰੈਮ ਅਤੇ 1TB ਸਟੋਰੇਜ ਵਿਕਲਪ ਵਿੱਚ ਆਉਂਦੇ ਹਨ। ਇਨ੍ਹਾਂ 'ਚ ਤੁਹਾਨੂੰ 6.78-ਇੰਚ ਦੀ ਡਿਸਪਲੇਅ ਮਿਲਦੀ ਹੈ, ਜੋ 1.5K ਰੈਜ਼ੋਲਿਊਸ਼ਨ ਨਾਲ ਆਉਂਦਾ ਹੈ। ਸਨੈਪਡ੍ਰੈਗਨ 8 ਐਲੀਟ ਐਕਸਟ੍ਰੀਮ ਐਡੀਸ਼ਨ ਪ੍ਰੋ ਮਾਡਲ ਵਿੱਚ ਉਪਲਬਧ ਹੈ।

ਜਦੋਂ ਕਿ Ace 5 ਵਿੱਚ Snapdragon 8 Gen 3 ਪ੍ਰੋਸੈਸਰ ਹੈ। ਦੋਵੇਂ ਸਮਾਰਟਫੋਨਜ਼ 'ਚ 50MP ਮੇਨ ਲੈਂਸ ਦੇ ਨਾਲ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ ਹੈ। ਕੰਪਨੀ ਭਾਰਤ 'ਚ OnePlus Ace 5 ਨੂੰ OnePlus 13R ਦੇ ਰੂਪ 'ਚ ਲਾਂਚ ਕਰ ਸਕਦੀ ਹੈ। ਆਓ ਜਾਣਦੇ ਹਾਂ ਇਨ੍ਹਾਂ ਦੀ ਡਿਟੇਲ।

ਕੀਮਤ ਕਿੰਨੀ ਹੈ?
OnePlus Ace 5 Pro ਨੂੰ ਚੀਨੀ ਬਾਜ਼ਾਰ 'ਚ 3,399 ਯੂਆਨ (ਲਗਭਗ 39 ਹਜ਼ਾਰ ਰੁਪਏ) ਦੀ ਸ਼ੁਰੂਆਤੀ ਕੀਮਤ 'ਤੇ ਲਾਂਚ ਕੀਤਾ ਗਿਆ ਹੈ। ਇਹ ਕੀਮਤ ਫੋਨ ਦੇ 12GB RAM + 256GB ਸਟੋਰੇਜ ਵੇਰੀਐਂਟ ਲਈ ਹੈ। ਜਦਕਿ OnePlus Ace 5 ਦਾ ਬੇਸ ਵੇਰੀਐਂਟ 2299 ਯੂਆਨ (ਕਰੀਬ 26 ਹਜ਼ਾਰ ਰੁਪਏ) 'ਚ ਲਾਂਚ ਕੀਤਾ ਗਿਆ ਹੈ। ਇਹ ਕੀਮਤ ਫੋਨ ਦੇ 12GB RAM + 256GB ਸਟੋਰੇਜ ਵੇਰੀਐਂਟ ਲਈ ਹੈ।

ਵਿਸ਼ੇਸ਼ਤਾਵਾਂ ਕੀ ਹਨ?
OnePlus Ace 5 Pro ਅਤੇ OnePlus Ace 5 ਨੂੰ ਡਿਊਲ ਸਿਮ ਸਪੋਰਟ ਦੇ ਨਾਲ ਐਂਡ੍ਰਾਇਡ 15 ਦੇ ਨਾਲ ਲਾਂਚ ਕੀਤਾ ਗਿਆ ਹੈ। ਚੀਨ 'ਚ ਇਹ ਫੋਨ ਕਲਰ ਓ.ਐੱਸ. ਦੇ ਨਾਲ ਆਉਂਦੇ ਹਨ। ਹਾਲਾਂਕਿ, ਭਾਰਤ ਵਿੱਚ OnePlus ਫੋਨ ਆਕਸੀਜਨ OS ਦੇ ਨਾਲ ਲਾਂਚ ਕੀਤੇ ਗਏ ਹਨ। ਇਹ ਸਮਾਰਟਫੋਨ 6.78-ਇੰਚ ਦੀ ਫੁੱਲ-ਐਚਡੀ+ ਡਿਸਪਲੇਅ ਦੇ ਨਾਲ ਆਉਂਦੇ ਹਨ। ਫੋਨ 'ਚ ਮੈਟਲ ਫ੍ਰੇਮ ਅਤੇ ਗਲਾਸ ਬੈਕ ਹੈ।

OnePlus Ace 5 Pro ਸਮਾਰਟਫੋਨ Snapdragon 8 Elite Extreme Edition ਪ੍ਰੋਸੈਸਰ ਦੇ ਨਾਲ ਆਉਂਦਾ ਹੈ, ਜਦਕਿ Ace 5 ਵਿੱਚ Snapdragon 8 Gen 3 ਚਿਪਸੈੱਟ ਹੈ। ਦੋਵਾਂ ਫੋਨਾਂ ਵਿੱਚ 50MP ਪ੍ਰਾਇਮਰੀ ਲੈਂਸ, 8MP ਸੈਕੰਡਰੀ ਲੈਂਸ ਅਤੇ 2MP ਮੈਕਰੋ ਸੈਂਸਰ ਦੇ ਨਾਲ ਇੱਕ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ ਹੈ।

ਫਰੰਟ 'ਚ 16MP ਸੈਲਫੀ ਕੈਮਰਾ ਦਿੱਤਾ ਗਿਆ ਹੈ। ਪ੍ਰੋ ਵੇਰੀਐਂਟ 'ਚ ਕੰਪਨੀ ਨੇ 6100mAh ਦੀ ਬੈਟਰੀ ਦਿੱਤੀ ਹੈ, ਜੋ 100W SuperVOOC ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ। ਜਦੋਂ ਕਿ ਸਟੈਂਡਰਡ ਵੇਰੀਐਂਟ 'ਚ 6400mAh ਦੀ ਬੈਟਰੀ ਹੈ, ਜੋ 80W ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ।