OnePlus 7T ਖ਼ਰੀਦਣ ਦਾ ਸੁਨਹਿਰੀ ਮੌਕਾ, ਮਿਲ ਰਹੀ ਹੈ ਭਾਰੀ ਛੋਟ

ਗੈਜੇਟ ਡੈਸਕ– ਪ੍ਰੀਮੀਅਮ ਟੈੱਕ ਕੰਪਨੀ ਵਨਪਲੱਸ 14 ਅਕਤੂਬਰ ਨੂੰ ਆਪਣਾ ਨਵਾਂ ਸਮਾਰਟਫੋਨ OnePlus 8T ਲਾਂਚ ਕਰਨ ਵਾਲੀ ਹੈ। ਫਿਲਹਾਲ ਕੰਪਨੀ ਨਵੇਂ ਫੋਨ ਦੀ ਲਾਂਚਿੰਗ ਤੋਂ ਪਹਿਲਾਂ ਪਿਛਲੇ ਸਾਲ ਆਏ ਆਪਣੇ ਸਮਾਰਫੋਨ OnePlus 7T ’ਤੇ ਭਾਰੀ ਛੋਟ ਦੇ ਰਹੀ ਹੈ। ਗਾਹਕਾਂ ਨੂੰ OnePlus 7T ’ਤੇ 3,000 ਰੁਪਏ ਦੀ ਛੋਟ ਦਿੱਤੀ ਜਾ ਰਹੀ ਹੈ। ਇਹ ਛੋਟ ਕੰਪਨੀ ਦੇ ਅਧਿਕਾਰਤ ਸਟੋਰ ’ਤੇ ਦਿੱਤੀ ਜਾ ਰਹੀ ਹੈ। ਛੋਟ ਤੋਂ ਬਾਅਦ ਗਾਹਕ ਇਸ ਸਮਾਰਟਫੋਨ ਨੂੰ 34,999 ਰੁਪਏ ’ਚ ਖ਼ਰੀਦ ਸਕਦੇ ਹਨ। ਇਸ ਕੀਮਤ ’ਚ ਗਾਹਕ 8 ਜੀ.ਬੀ. ਰੈਮ+128 ਜੀ.ਬੀ. ਸਟੋਰੇਜ (ਗਲੇਸ਼ੀਅਰ ਬਲਿਊ ਅਤੇ ਪ੍ਰੋਸਟੇਡ ਸਿਲਵਰ) ਮਾਡਲ ਨੂੰ ਖ਼ਰੀਦ ਸਕਣਗੇ। ਉਥੇ ਹੀ ਵਨਪਲੱਸ ਦੇ ਅਧਿਕਾਰਤ ਸਟੋਰ ’ਤੇ 8 ਜੀ.ਬੀ. ਰੈਮ+256 ਜੀ.ਬੀ. (ਗਲੇਸ਼ੀਅਰ ਬਲਿਊ) ਮਾਡਲ ਨੂੰ 39,999 ਰੁਪਏ ਦੀ ਥਾਂ 37,999 ਰੁਪਏ ’ਚ ਖ਼ਰੀਦਿਆ ਜਾ ਸਕਦਾ ਹੈ। ਫਿਲਹਾਲ ਇਹ ਸਾਫ ਨਹੀਂ ਹੈ ਕਿ ਇਹ ਆਫਰ ਕਦੋਂ ਤਕ ਲਈ ਹੈ। 

ਦੂਜੇ ਪਾਸੇ ਐਮਾਜ਼ੋਨ ’ਤੇ ਇਸ ਸਮੇਂ 8 ਜੀ.ਬੀ. ਰੈਮ+128 ਜੀ.ਬੀ. ਸਟੋਰੇਜ ਵਾਲਾ ਮਾਡਲ ਨਜ਼ਰ ਨਹੀਂ ਆ ਰਿਹਾ। ਉਥੇ ਹੀ 8 ਜੀ.ਬੀ. ਰੈਮ+256 ਜੀ.ਬੀ. ਸਟੋਰੇਜ ਵਾਲੇ ਮਾਡਲ ਦੀ ਕੀਮਤ 37,999 ਰੁਪਏ ’ਚ ਕੀਤੀ ਜਾ ਰਹੀ ਹੈ। ਨਾਲ ਹੀ ਇਥੇ ICICI ਬੈਂਕ ਕ੍ਰੈਡਿਟ ਕਾਰਡ ਅਤੇ ਕ੍ਰੈਡਿਟ/ਡੈਬਿਟ EMI ਟ੍ਰਾਂਜੈਸ਼ਨ ’ਤੇ ਫਲੈਟ 3,000 ਰੁਪਏ ਦਾ ਇੰਸਟੈਂਟ ਡਿਸਕਾਊਂਟ ਦਿੱਤਾ ਜਾ ਰਿਹਾ ਹੈ। ਨਾਲ ਹੀ ਨੋ-ਕਾਸਟ ਈ.ਐੱਮ.ਆਈ. ਆਪਸ਼ਨ ਵੀ ਆਫਰ ਕੀਤੇ ਜਾ ਰਹੇ ਹਨ। 

OnePlus 7T ਦੇ ਫੀਚਰਜ਼ ਦੀ ਗੱਲ ਕਰੀਏ ਤਾਂ ਇਸ ਵਿਚ 90Hz ਰਿਫ੍ਰੈਸ਼ ਰੇਟ ਅਤੇ 2,400x1,080 ਪਿਕਸਲ) ਰੈਜ਼ੋਲਿਊਸ਼ਨ ਨਾਲ 6.55 ਇੰਚ ਫਲੂਇਡ ਅਮੋਲੇਡ ਡਿਸਪਲੇਅ, HDR10+ ਕੰਟੈਂਟ ਪਲੇਅਬੈਕ ਸੁਪੋਰਟ, ਆਕਟਾ-ਕੋਰ ਕੁਆਲਕਾਮ ਸਨੈਪਡ੍ਰੈਗਨ 855 ਪਲੱਸ ਪ੍ਰੋਸੈਸਰ, Adeno 640 GPU, 48MP ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ, 16 ਮੈਗਾਪਿਕਸਲ ਫਰੰਟ ਕੈਮਰਾ ਅਤੇ ਰੈਪ ਚਾਰਜਰ 30ਟੀ ਫਾਸਟ ਚਾਰਜਿੰਗ ਤਕਨੀਕ ਨਾਲ 3,800mAh ਦੀ ਬੈਟਰੀ ਦਿੱਤੀ ਗਈ ਹੈ।