ਟੋਇਟਾ ਫਾਰਚੂਨਰ ਫੇਸਲਿਫਟ ਅਤੇ ਲੇਜੇਂਡਰ ਦਾ ਨਵਾਂ ਟੀਜ਼ਰ ਜਾਰੀ

ਆਟੋ ਡੈਸਕ– ਟੋਇਟਾ ਫਾਰਚੂਨਰ ਦੇ ਫੇਸਲਿਫਟ ਅਤੇ ਲੇਜੇਂਡਰ ਮਾਡਲ ਨੂੰ 6 ਜਨਵਰੀ 2021 ਨੂੰ ਭਾਰਤ ’ਚ ਲਾਂਚ ਕੀਤਾ ਜਾਵੇਗਾ। ਇਸ ਤੋਂ ਪਹਿਲਾਂ ਟੋਇਟਾ ਨੇ ਇਸ ਦਾ ਨਵਾਂ ਟੀਜ਼ਰ ਜਾਰੀ ਕਰ ਦਿੱਤਾ ਹੈ, ਜਿਸ ਵਿਚ ਤੁਸੀਂ ਇਸ ਦੀ ਨਵੀਂ ਲੁੱਕ ਦੀ ਝਲਕ ਵੇਖ ਸਕਦੇ ਹੋ। ਨਵੇਂ ਟੀਜ਼ਰ ’ਚ ਟੋਇਟਾ ਫਾਰਚੂਨਰ ਫੇਸਲਿਫਟ ਅਤੇ ਲੇਜੇਂਡਰ ਮਾਡਲ ਦੀਆਂ ਹੈੱਡਲਾਈਟਾਂ ਵਿਖਾਈਆਂ ਗਈਆਂ ਹਨ। ਜਾਣਕਾਰੀ ਲਈ ਦੱਸ ਦੇਈਏ ਕਿ ਟੋਇਟਾ ਫਾਰਚੂਨਰ ਨੂੰ ਇਕ ਫੇਸਲਿਫਟ ਅਵਤਾਰ ’ਚ ਲਿਆਇਆ ਜਾਵੇਗਾ, ਇਸ ਤੋਂ ਇਲਾਵਾ ਇਸ ਦੇ ਇਕ ਸੁਪੋਰਟੀ ਮਾਡਲ ਲੇਜੇਂਡਰ ਨੂੰ ਵੀ ਲਾਂਚ ਕੀਤਾ ਜਾਵੇਗਾ। ਸਾਹਮਣੇ ਆਏ ਟੀਜ਼ਰ ’ਚ ਤੁਸੀਂ ਫੇਸਲਿਫਟ ਮਾਡਲ ਦੇ ਸਿੰਗਲ ਪ੍ਰੋਜੈਕਟਰ ਹੈੱਡਲੈਂਪ, ਐੱਲ.ਈ.ਡੀ. ਡੀ.ਆਰ.ਐੱਲ. ਦੇ ਨਾਲ ਵੇਖ ਸਕਦੇ ਹੋ। 

ਇਸ ਦੇ ਡਿਜ਼ਾਇਨ ’ਚ ਇਸ ਵਾਰ ਕੰਪਨੀ ਨੇ ਕਾਫੀ ਬਦਲਾਅ ਕੀਤੇ ਹਨ। ਇਸ ਵਿਚ ਫੁਲ ਐੱਲ.ਈ.ਡੀ. ਹੈੱਡਲੈਂਪ, ਪਤਲੀ ਗਲਾਸੀ ਬਲੈਕ ਫਰੰਟ ਗਰਿੱਲ, ਵੱਡੇ ਏਅਰ ਡੈਮ ਅਤੇ ਦੋਵਾਂ ਕਿਨਾਰਿਆਂ ’ਤੇ ਫੋਗ ਲਾਈਟਾਂ ਦਿੱਤੀਆਂ ਗਈਆਂ ਹਨ। ਇਸ ਦੇ ਨਾਲ ਹੀ ਇਸ ਵਿਚ 20 ਇੰਚ ਦੇ ਵੱਡੇ ਅਲੌਏ ਵ੍ਹੀਲ ਅਤੇ ਰੀਅਰ ’ਚ ਅਪਡੇਟਿਡ ਬੰਪਰ ਵੀ ਦਿੱਤਾ ਗਿਆ ਹੈ। ਲੇਜੇਂਡਰ ਮਾਡਲ ’ਚ ਡਿਊਲ ਟੋਨ ਬਲੈਕ ਅਤੇ ਮਰੂਨ ਇੰਟੀਰੀਅਰ ਦਾ ਆਪਸ਼ਨ ਦਿੱਤਾ ਜਾ ਸਕਦਾ ਹੈ। 

ਟੋਇਟਾ ਫਾਰਚੂਨਰ ਫੇਸਲਿਫਟ ਦੇ ਜਿਥੇ 9 ਮਾਡਲਾਂ ਲਿਆਏ ਜਾਣਗੇ ਉਥੇ ਹੀ ਲੇਜੇਂਡਰ ਮਾਡਲ ਨੂੰ ਸਿਰਫ ਇਕ ਹੀ ਮਾਡਲ ’ਚ ਮੁਹੱਈਆ ਕੀਤਾ ਜਾਵੇਗਾ। ਇਸ ਵਿਚ 9 ਇੰਚ ਦਾ ਇੰਫੋਟੇਨਮੈਂਟ ਸਿਸਟਮ ਲੱਗਾ ਹੋਵੇਗਾ ਜੋ ਐਂਡਰਾਇਡ ਆਟੋ ਅਤੇ ਐਪਲ ਕਾਰ ਪਲੇਅ ਨੂੰ ਸੁਪੋਰਟ ਕਰੇਗਾ। 

It’s been the undisputed leader for over a decade. Go ahead and guess its name in the comments below. Power-packed launch on 6th Jan 2021. Save the date! Witness it @ https://t.co/tGrAQOR92K#PowerPackedLeader #PowerUnleashed #StyleIcon #Toyota #ComingSoon #ContestAlert pic.twitter.com/mdGyiFJOcx

— Toyota India (@Toyota_India) January 2, 2021

ਇੰਜਣ
ਇਸ ਵਿਚ ਪਹਿਲਾ 2.8-ਲੀਟਰ, 4-ਸਿਲੰਡਰ ਡੀਜ਼ਲ ਇੰਜਣ ਅਤੇ ਦੂਜਾ 2.7-ਲੀਟਰ ਪੈਟਰੋਲ ਇੰਜਣ ਆਪਸ਼ਨ ਦਿੱਤਾ ਜਾ ਸਕਦਾ ਹੈ। ਜਿਥੇ ਇਸ ਦਾ ਡੀਜ਼ਲ ਇੰਜਣ 201 ਬੀ.ਐੱਚ.ਪੀ. ਦੀ ਪਾਵਰ ਅਤੇ 500 ਐੱਨ.ਐੱਮ. ਦਾ ਟਾਰਕ ਜਨਰੇਟ ਕਰੇਗਾ ਉਥੇ ਹੀ ਪੈਟਰੋਲ ਮਾਡਲ 164 ਬੀ.ਐੱਚ.ਪੀ. ਦੀ ਪਾਵਰ ਅਤੇ 245 ਐੱਨ.ਐੱਮ. ਦਾ ਟਾਰਕ ਜਨਰੇਟ ਕਰੇਗਾ।