Motorola ਨੇ ਲਾਂਚ ਕੀਤਾ ਹੁਣ ਤੱਕ ਦਾ ਸਭ ਤੋਂ ਧਾਕੜ 5G ਫੋਨ! ਫੀਚਰਸ ਅਤੇ ਕੀਮਤ ਜਾਣ ਉਡਣਗੇ ਹੋਸ਼

ਗੈਜੇਟ ਡੈਸਕ - ਮੋਟੋਰੋਲਾ ਨੇ ਉੱਤਰੀ ਅਮਰੀਕੀ ਬਾਜ਼ਾਰ 'ਚ ਆਪਣੇ ਨਵੇਂ Edge ਸਮਾਰਟਫੋਨ Motorola Edge 2026 ਨੂੰ ਅਧਿਕਾਰਤ ਤੌਰ 'ਤੇ ਲਾਂਚ ਕਰ ਦਿੱਤਾ ਹੈ। ਇਹ ਡਿਵਾਈਸ ਪ੍ਰੀਮੀਅਮ ਹਾਰਡਵੇਅਰ ਫੀਚਰਸ ਅਤੇ ਬਿਹਤਰ ਟਿਕਾਊਪਨ ਦੇ ਨਾਲ ਆਉਂਦਾ ਹੈ, ਜੋ ਇਸਨੂੰ ਮਿਡ-ਰੇਂਜ ਸਮਾਰਟਫੋਨ ਸੈਗਮੈਂਟ 'ਚ ਇਕ ਵਧੀਆ ਵਿਕਲਪ ਬਣਾਉਂਦਾ ਹੈ।

ਡਿਸਪਲੇਅ ਅਤੇ ਡਿਜ਼ਾਈਨ
ਇਸ ਫੋਨ 'ਚ 6.3-ਇੰਚ ਦੀ 1.5K OLED ਡਿਸਪਲੇਅ ਦਿੱਤੀ ਗਈ ਹੈ, ਜੋ 120Hz ਰਿਫ੍ਰੈਸ਼ ਰੇਟ ਨੂੰ ਸਪੋਰਟ ਕਰਦੀ ਹੈ। ਬਿਹਤਰ ਵਿਜ਼ੂਅਲ ਅਨੁਭਵ ਲਈ ਇਸ 'ਚ HDR10+ ਸਪੋਰਟ ਅਤੇ 5,200 ਨਿਟਸ ਤੱਕ ਦੀ ਪੀਕ ਬ੍ਰਾਈਟਨੈੱਸ ਮਿਲਦੀ ਹੈ। ਸਕ੍ਰੀਨ ਦੀ ਸੁਰੱਖਿਆ ਲਈ ਕੌਰਨਿੰਗ ਗੋਰਿੱਲਾ ਗਲਾਸ 7i ਦੀ ਵਰਤੋਂ ਕੀਤੀ ਗਈ ਹੈ।

ਪਾਵਰਫੁੱਲ ਪ੍ਰੋਸੈਸਰ ਅਤੇ ਸਟੋਰੇਜ
ਫੋਨ ਨੂੰ ਤੇਜ਼ ਰਫ਼ਤਾਰ ਦੇਣ ਲਈ ਇਸ 'ਚ MediaTek Dimensity 7450 ਪ੍ਰੋਸੈਸਰ ਅਤੇ Mali-G615 MC2 GPU ਲਗਾਇਆ ਗਿਆ ਹੈ। ਇਸ 'ਚ 8GB LPDDR5X RAM ਅਤੇ 128GB ਇੰਟਰਨਲ ਸਟੋਰੇਜ ਮਿਲਦੀ ਹੈ। ਇਹ ਡਿਵਾਈਸ ਨਵੀਨਤਮ Android 16 'ਤੇ ਚੱਲਦਾ ਹੈ।

ਸ਼ਾਨਦਾਰ ਕੈਮਰਾ ਸੈੱਟਅੱਪ
ਫੋਟੋਗ੍ਰਾਫੀ ਦੇ ਸ਼ੌਕੀਨਾਂ ਲਈ ਇਸ 'ਚ ਤਿੰਨ ਪਿਛਲੇ ਕੈਮਰੇ ਦਿੱਤੇ ਗਏ ਹਨ :-

ਮੁੱਖ ਕੈਮਰਾ
- 50MP Sony LYTIA 710 ਸੈਂਸਰ (OIS ਸਪੋਰਟ ਅਤੇ 4K ਵੀਡੀਓ ਰਿਕਾਰਡਿੰਗ ਦੇ ਨਾਲ)।

ਅਲਟਰਾ-ਵਾਈਡ
- 50MP ਦਾ ਲੈਂਜ਼, ਜੋ ਮੈਕਰੋ ਕੈਮਰੇ ਵਜੋਂ ਵੀ ਕੰਮ ਕਰਦਾ ਹੈ।

ਟੈਲੀਫੋਟੋ
- 10MP ਦਾ ਲੈਂਜ਼ (3x ਆਪਟੀਕਲ ਜ਼ੂਮ ਅਤੇ OIS ਦੇ ਨਾਲ)।

ਸੈਲਫੀ ਕੈਮਰਾ
- ਫੋਨ ਦੇ ਫਰੰਟ 'ਤੇ 50MP ਦਾ ਕੈਮਰਾ ਦਿੱਤਾ ਗਿਆ ਹੈ।

ਇਸ ਤੋਂ ਇਲਾਵਾ, ਕੈਮਰਾ ਸਿਸਟਮ 'ਚ AI ਸੌਫਟਵੇਅਰ ਦਾ ਸਪੋਰਟ ਹੈ, ਜਿਸ 'ਚ 'Action Shot' ਵਰਗੇ ਫੀਚਰ ਸ਼ਾਮਲ ਹਨ ਜੋ ਹਿੱਲਦੀਆਂ ਚੀਜ਼ਾਂ ਦੀਆਂ ਸਥਿਰ ਫੋਟੋਆਂ ਲੈਣ 'ਚ ਮਦਦ ਕਰਦੇ ਹਨ।

ਬੈਟਰੀ ਅਤੇ ਚਾਰਜਿੰਗ
ਫੋਨ 'ਚ 5,000mAh ਦੀ ਬੈਟਰੀ ਦਿੱਤੀ ਗਈ ਹੈ, ਜੋ 60W ਵਾਇਰਡ ਫਾਸਟ ਚਾਰਜਿੰਗ ਅਤੇ 15W ਵਾਇਰਲੈੱਸ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ।

ਕੀਮਤ
ਮੋਟੋਰੋਲਾ ਨੇ ਇਸ ਫੋਨ ਦੇ ਯੂਨੀਵਰਸਲ ਅਨਲਾਕ ਮਾਡਲ ਦੀ ਕੀਮਤ ਅਮਰੀਕਾ 'ਚ 599.99 ਡਾਲਰ ਰੱਖੀ ਹੈ। ਇਹ ਡਿਵਾਈਸ ਖੂਬਸੂਰਤ 'Pantone Martini Olive' ਕਲਰ 'ਚ ਉਪਲਬਧ ਹੈ।