ਲਾਂਚ ਤੋਂ ਪਹਿਲਾਂ ਹੀ ਲੀਕ ਹੋ ਗਏ ਧਾਕੜ ਫ਼ੋਨ ਦੇ ਸਾਰੇ ਫੀਚਰਜ਼ ! ਕੀਮਤ ਵੀ ਆਈ ਸਾਹਮਣੇ

ਗੈਜੇਟ ਡੈਸਕ - ਨਥਿੰਗ ਜਲਦੀ ਹੀ ਭਾਰਤ 'ਚ ਇਕ ਹੋਰ ਕਿਫਾਇਤੀ 5G ਫੋਨ ਲਾਂਚ ਕਰ ਰਿਹਾ ਹੈ। Nothing ਦੇ ਇਸ ਨਵੇਂ ਸਮਾਰਟਫੋਨ ਨੂੰ Phone 4b ਕਿਹਾ ਜਾ ਸਕਦਾ ਹੈ। ਕੰਪਨੀ ਨੇ ਫੋਨ ਦੇ ਲਾਂਚ ਦੀ ਅਧਿਕਾਰਤ ਤੌਰ 'ਤੇ ਪੁਸ਼ਟੀ ਕੀਤੀ ਹੈ। ਇਸਨੂੰ ਈ-ਕਾਮਰਸ ਵੈੱਬਸਾਈਟ ਫਲਿੱਪਕਾਰਟ 'ਤੇ ਵੀ ਸੂਚੀਬੱਧ ਕੀਤਾ ਗਿਆ ਹੈ। Nothing's ਦੇ ਸਹਿ-ਸੰਸਥਾਪਕ ਨੇ ਵੀ ਇਸ ਨਵੀਂ ਸੀਰੀਜ਼ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਹੈ। ਏ ਸੀਰੀਜ਼ ਤੋਂ ਬਾਅਦ, ਕੰਪਨੀ ਹੁਣ ਬੀ ਸੀਰੀਜ਼ ਲਾਂਚ ਕਰ ਰਹੀ ਹੈ, ਜਿਸਦਾ ਉਦੇਸ਼ ਬਜਟ-ਅਨੁਕੂਲ ਉਪਭੋਗਤਾਵਾਂ ਲਈ ਹੋਵੇਗਾ।

Nothing Phone 4b ਦੇ ਸਾਰੇ ਫੀਚਰਜ਼ ਅਤੇ ਕੀਮਤ ਇਸ ਦੇ ਲਾਂਚ ਤੋਂ ਪਹਿਲਾਂ ਆਨਲਾਈਨ ਸਾਹਮਣੇ ਆਏ ਹਨ। Nothing India ਨੇ ਫੋਨ ਦੇ ਡਿਜ਼ਾਈਨ ਨੂੰ ਟੀਜ਼ ਹੈ। ਇਸ ਦੌਰਾਨ, ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਇਕ ਟਿਪਸਟਰ ਨੇ ਫੋਨ ਦੇ ਡਿਜ਼ਾਈਨ ਦਾ ਖੁਲਾਸਾ ਕੀਤਾ ਹੈ। ਇਸ ਤੋਂ ਇਲਾਵਾ, ਇਸ ਦੇ ਫੀਚਰਜ਼ ਬਾਰੇ ਵਿਸਥਾਰ 'ਚ ਦੱਸਿਆ ਗਿਆ ਹੈ। ਇਸ ਤੋਂ ਇਲਾਵਾ, ਟਿਪਸਟਰ ਨੇ ਇਸ ਦੀ ਕੀਮਤ ਦਾ ਵੀ ਖੁਲਾਸਾ ਕੀਤਾ ਹੈ। ਰਾਕੇਸ਼ ਨਾਮ ਦੇ ਇਕ ਟਿਪਸਟਰ ਨੇ X 'ਤੇ ਫੋਨ ਦੇ ਫੀਚਰਜ਼ ਬਾਰੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਕਿਹਾ ਕਿ ਇਹ 6.3-ਇੰਚ 1.5K AMOLED ਡਿਸਪਲੇਅ ਦੇ ਨਾਲ ਆਵੇਗਾ। ਫੋਨ ਦੀ ਡਿਸਪਲੇਅ 120Hz ਰਿਫਰੈਸ਼ ਰੇਟ ਨੂੰ ਸਪੋਰਟ ਕਰੇਗਾ। ਕੰਪਨੀ ਇਸ ਫੋਨ 'ਚ ਇਕ ਸਿੰਗਲ ਕੈਮਰਾ ਦੇਵੇਗੀ। Nothing India ਵੱਲੋਂ ਜਾਰੀ ਕੀਤੇ ਗਏ ਇਕ ਟੀਜ਼ਰ 'ਚ ਫੋਨ ਦੇ ਪਿਛਲੇ ਪਾਸੇ ਇਕ ਸਿੰਗਲ ਕੈਮਰਾ ਵੀ ਦਿਖਾਇਆ ਗਿਆ ਹੈ। ਇਹ ਫੋਨ 50MP Sony LYT 710 ਸੈਂਸਰ ਦੇ ਨਾਲ ਆ ਸਕਦਾ ਹੈ। ਇਸ 'ਚ ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ 32MP ਕੈਮਰਾ ਹੋਵੇਗਾ।

ਇਸ ਦੌਰਾਨ, ਫੋਨ ਦੀਆਂ ਹੋਰ ਫੀਚਰਜ਼ ਦੀ ਗੱਲ ਕਰੀਏ ਤਾਂ ਇਹ ਕੁਆਲਕਾਮ ਸਨੈਪਡ੍ਰੈਗਨ 7s Gen 4 ਜਾਂ ਮੀਡੀਆਟੈੱਕ ਡਾਇਮੈਂਸਿਟੀ 7450 ਪ੍ਰੋ ਚਿੱਪਸੈੱਟ ਨਾਲ ਲੈਸ ਹੋ ਸਕਦਾ ਹੈ। ਕੰਪਨੀ ਫੋਨ ਦੇ ਨਾਲ ਐਂਡਰਾਇਡ 16 ਓਪਰੇਟਿੰਗ ਸਿਸਟਮ ਪ੍ਰਦਾਨ ਕਰੇਗੀ, ਜੋ 4 ਸਾਲਾਂ ਲਈ ਸਾਫਟਵੇਅਰ ਅੱਪਡੇਟ ਅਤੇ 6 ਸਾਲਾਂ ਲਈ ਸੁਰੱਖਿਆ ਅੱਪਗ੍ਰੇਡ ਪ੍ਰਦਾਨ ਕਰੇਗਾ। ਇਹ Nothing ਫੋਨ LPDDR5X RAM ਅਤੇ UFS 2.2 ਸਟੋਰੇਜ ਨੂੰ ਸਪੋਰਟ ਕਰੇਗਾ। ਇਸਨੂੰ 8GB RAM ਅਤੇ 128GB/256GB ਸਟੋਰੇਜ ਦੇ ਨਾਲ ਪੇਸ਼ ਕੀਤਾ ਜਾ ਸਕਦਾ ਹੈ।

ਟਿਪਸਟਰ ਦੇ ਅਨੁਸਾਰ, Nothing ਦੇ ਇਸ ਨਵੇਂ ਫੋਨ ਦੀ ਕੀਮਤ 25,000 ਰੁਪਏ ਤੋਂ ਘੱਟ ਹੋ ਸਕਦੀ ਹੈ। ਪਹਿਲਾਂ ਲਾਂਚ ਕੀਤਾ ਗਿਆ Nothing Phone 4a ਭਾਰਤ 'ਚ 25,000 ਰੁਪਏ ਦੀ ਕੀਮਤ 'ਚ ਪੇਸ਼ ਕੀਤਾ ਗਿਆ ਸੀ। ਇਹ ਫੋਨ ਟ੍ਰਿਪਲ ਕੈਮਰਾ ਸੈੱਟਅਪ ਦੇ ਨਾਲ ਆਉਂਦਾ ਹੈ। ਇਸ ਤੋਂ ਇਲਾਵਾ, ਕੰਪਨੀ ਨੇ ਭਾਰਤ 'ਚ Nothing Phone 4a Pro ਵੀ ਲਾਂਚ ਕੀਤਾ।