ਹੋਂਡਾ ਦਾ ਧਮਾਕੇਦਾਰ ਆਫਰ, ਇਹ ਮੋਟਰਸਾਈਕਲ ਖ਼ਰੀਦਣ ’ਤੇ ਹੋਵੇਗੀ 43,000 ਰੁਪਏ ਤਕ ਦੀ ਬਚਤ

ਆਟੋ ਡੈਸਕ– ਹੋਂਡਾ ਮੋਟਰਸਾਈਕਲ ਅਤੇ ਸਕੂਟਰ ਇੰਡੀਆ ਨੇ ਇਸ ਤਿਉਹਾਰੀ ਸੀਜ਼ਨ ਆਪਣੇ ਰੈਟਰੋ ਲੁਕ ਵਾਲੇ H’Ness CB350 ਮੋਟਰਸਾਈਕਲ ’ਤੇ ਖ਼ਾਸ ਆਫਰ ਪੇਸ਼ ਕੀਤਾ ਹੈ। ਇਸ ਮੋਟਰਸਾਈਕਲ ਦੀ ਖ਼ਰੀਦ ’ਤੇ ਹੁਣ ਤੁਸੀਂ 43,000 ਰੁਪਏ ਤਕ ਦੀ ਬਚਤ ਕਰ ਸਕਦੇ ਹੋ। ਹੋਂਡਾ ਨੇ ICICI ਬੈਂਕ ਨਾਲ ਹੱਥ ਮਿਲਾਇਆ ਹੈ ਜਿਸ ਤੋਂ ਬਾਅਦ ਇਸ ਮੋਟਰਸਾਈਕਲ ’ਤੇ ਸਪੈਸ਼ਲ ਫਾਇਨਾਂਸ ਆਪਰ ਪੇਸ਼ ਕੀਤਾ ਗਿਆ ਹੈ, ਜਿਸ ਨਾਲ ਗਾਹਕਾਂ ਨੂੰ ਕਾਫੀ ਫਾਇਦਾ ਹੋਵੇਗਾ। 
ਇਸ ਸਾਂਝੇਦਾਰੀ ਤੋਂ ਬਾਅਦ ਮੋਟਰਸਾਈਕਲ ਦੀ ਆਨ-ਰੋਡ ਕੀਮਤ ’ਤੇ 100 ਫੀਸਦੀ ਤਕ ਫਾਇਨਾਂਸ ਦੀ ਸੁਵਿਧਾ ਦਿੱਤੀ ਗਈ ਹੈ। ਖ਼ਾਸ ਗੱਲ ਇਹ ਹੈ ਕਿ ਹੁਣ ਗਾਹਕਾਂ ਨੂੰ ਸਿਰਫ 5.6 ਫੀਸਦੀ ਦੀ ਵਿਆਜ ਦਰ ਚੁਕਾਉਣੀ ਪਵੇਗੀ। ਇਸ ਆਫਰ ਤਹਿਤ ਗਾਹਕ ਦੇ ਪੂਰੇ 43,000 ਰੁਪਏ ਬਚ ਜਾਣਗੇ ਇਸ ਤੋਂ ਇਲਾਵਾ ਗਾਹਕ Honda H’Ness CB350 ਨੂੰ 4,999 ਰੁਪਏ ਦੀ ਸ਼ੁਰੂਆਤੀ ਈ.ਐੱਮ.ਆਈ. ’ਤੇ ਘਰ ਲੈ ਕੇ ਜਾ ਸਕਦੇ ਹੋ।

ਹੋਂਡਾ ਇਸ ਰੈਟਰੋ ਸਟਾਈਲ ਵਾਲੇ CB350 ਮੋਟਰਸਾਈਕਲ ਨੂੰ ਹੋਂਡਾ ਦੇ ਬਿਗਵਿੰਗ ਨੈੱਟਵਰਕ ਰਾਹੀਂ ਵੇਚ ਰਹੀ ਹੈ। ਇਸ ਦੇ DLX ਮਾਡਲ ਦੀ ਕੀਮਤ 1.85 ਲੱਖ ਰੁਪਏ ਅਤੇ DLX Pro ਮਾਡਲ ਦੀਕੀਮਤ 1.90 ਲੱਖ ਰੁਪਏ ਰੱਖੀ ਗਈ ਹੈ। ਭਾਰਤੀ ਬਾਜ਼ਾਰ ’ਚ ਹੋਂਡਾ ਹਾਈਨੈਸ CB 350 ਦਾ ਰਾਇਲ ਐਨਫੀਲਡ ਕਲਾਸਿਕ 350, ਜਾਵਾ ਮੋਟਰਸਾਈਕਲ ਅਤੇ ਬੇਨੇਲੀ ਇੰਪੀਰੀਅਲ 400 ਵਰਗੇ ਮੋਟਰਸਾਈਕਲਾਂ ਨਾਲ ਮੁਕਾਬਲਾ ਹੈ। 

ਇੰਜਣ
Honda H'Ness CB350 ’ਚ 348 ਸੀਸੀ ਦਾ ਸਿੰਗਲ ਸਿਲੰਡਰ, ਫਿਊਲ ਇੰਜੈਕਟਿਡ, ਏਅਰ ਕੂਲਡ ਇੰਜਣ ਲੱਗਾ ਹੈ ਜਿਸ ਨੂੰ 5 ਸਪੀਡ ਗਿਅਰਬਾਕਸ ਨਾਲ ਜੋੜਿਆ ਗਿਆ ਹੈ। ਇਹ ਇੰਜਣ 20.8 ਐੱਚ.ਪੀ. ਦੀ ਪਾਵਰ ਅਤੇ 30 ਨਿਊਟਨ ਮੀਟਰ ਦਾ ਟਾਰਕ ਜਨਰੇਟ ਕਰਦਾ ਹੈ। 

ਫੀਚਰਜ਼
ਫੀਚਰਜ਼ ਦੀ ਗੱਲ ਕਰੀਏ ਤਾਂ Honda H'Ness CB350 ’ਚ ਬਲੂਟੂਥ ਕੁਨੈਕਟੀਵਿਟੀ ਦੀ ਸਹੂਲਤ ਦਿੱਤੀ ਗਈ ਹੈ। ਤੁਸੀਂ ਆਪਣੇ ਸਮਾਰਟਫੋਨ ਨੂੰ ਇਸ ਦੇ ਮੀਟਰ ਦੇ ਨਾਲ ਕੁਨੈਕਟ ਕਰ ਸਕਦੇ ਹੋ। ਇਸ ਤੋਂ ਇਲਾਵਾ ਬੈਟਰੀ ਹੈਲਥ ਮਾਨੀਟਰ, ਆਲ ਐੱਲ.ਈ.ਡੀ. ਲਾਈਟਨਿੰਗ ਸਿਸਟਮ ਅਤੇ ਵੌਇਸ ਕੰਟਰੋਲ ਸਿਸਟਮ ਦੀ ਵੀ ਸਹੂਲਤ ਇਸ ਵਿਚ ਮਿਲਦੀ ਹੈ। ਡਿਊਲ ਹਾਰਨ ਇਸ ਵਿਚ ਕੰਪਨੀ ਵਲੋਂ ਹੀ ਲਗਾਏ ਗਏ ਹਨ।