ਫ੍ਰੀ ਕਾਲਿੰਗ ਅਤੇ ਮੈਸੇਜਿੰਗ ਐਪ ਵਾਈਬਰ ''ਚ ਆਇਆ ਨਵਾਂ ਅਪਡੇਟ, ਮਿਲਣਗੇ ਨਵੇਂ ਫੀਚਰਜ਼

ਜਲੰਧਰ— ਇੰਸਟਾਗ੍ਰਾਮ, ਫੇਸਬੁੱਕ, ਟਵਿਟਰ ਅਤੇ ਹੋਰ ਐਪਸ ਦੇ ਨਵੇਂ ਅਪਡੇਟ ਦੇ ਨਾਲ ਆਈ.ਓ.ਐੱਸ. ਯੂਜ਼ਰਸ ਲਈ 3ਡੀ ਟੱਚ ਫੀਚਰ ਨੂੰ ਲਾਂਚ ਕਰ ਦਿੱਤਾ ਗਿਆ ਹੈ। ਹੁਣ ਫ੍ਰੀ ਕਾਲਿੰਗ ਅਤੇ ਮੈਸੇਜਿੰਗ ਐਪ ਵਾਈਬਰ ਨੇ ਵੀ ਆਈਫੋਨ 6ਐੱਸ ਅਤੇ 6ਐੱਸ ਪਲੱਸ ਲਈ 3ਡੀ ਟੱਚ ਫੰਕਸ਼ਨੈਲਿਟੀ ਦਾ ਅਪਡੇਟ ਜਾਕੀਰ ਕੀਤਾ ਹੈ। 
ਵਾਈਬਰ ਐਪ ''ਚ 3ਡੀ ਟੱਚ ਫੀਚਰ ਦੀ ਵਰਤੋਂ ਕਰਨ ਲਈ ਆਈ.ਓ.ਐੱਸ. ''ਚ ਵੀ-5.8 ਵਰਜਨ ਦੀ ਲੋੜ ਪਵੇਗੀ। ਇਸ ਫੀਚਰ ਦੀ ਮਦਦ ਨਾਲ ਆਈਫੋਨ 6ਐੱਸ. ਅਤੇ 6ਐੱਸ. ਪਲੱਸ ਯੂਜ਼ਰ ਬਿਨਾਂ ਐਪ ਖੋਲ੍ਹੇ ਨਵੇਂ ਮੈਸੇਜ, ਲੇਟੈਸਟ ਚੈਟ ''ਚ ਜਾ ਸਕਦੇ ਹਨ। ਇਸ ਤੋਂ ਇਲਾਵਾ ਡਿਟੇਲਡ ਇਨਫਾਰਮੇਸ਼ਨ ''ਚ ਜਾ ਕੇ ਇਹ ਵੀ ਪਤਾ ਲਗਾਇਆ ਜਾ ਸਕਦਾ ਹੈ ਕਿ ਕਿਸ ਯੂਜ਼ਰ ਨੇ ਚੈਟ ਪੜ੍ਹੀ ਹੈ ਅਤੇ ਕਿਸ ਨੇ ਮੈਸੇਜ ਨੂੰ ਲਾਈਕ ਕੀਤਾ ਹੈ। 
ਆਈਪੈਡ ''ਚ ਬਿਹਤਰੀਨ ਅਨੁਭਵ ਲਈ ਵਾਈਬਰ ਦੇ ਵੀ-5.8 ਵਰਜਨ ''ਚ ਸਪਲਿਟ ਵਿਊ ਅਤੇ ਸਲਾਈਡ ਓਵਰ ਫੰਕਸ਼ਨੈਲਿਟੀ ਵੀ ਦਿੱਤੀ ਗਈ ਹੈ। ਸਰਚ ''ਚ ਸੁਧਾਰ ਦੇ ਨਾਲ-ਨਾਲ ਯੂਜ਼ਰ ਚੈਟ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਇਕ ਹੀ ਥਾਂ ''ਤੇ ਦਖੀਆਂ ਜਾ ਸਕਦੀਆਂ ਹਨ। ਵਾਈਬਰ ਵੀ-5.8 ਵਰਜਨ ਦਾ ਅਪਡੇਟ ਐਪਲ ਸਟੋਰ ''ਤੇ ਉਪਲੱਬਧ ਹੈ।