AC ਬੰਦ ਕਰਦਿਆਂ ਹੀ ਕਮਰਾ ਹੋ ਜਾਂਦੈ ਗਰਮ? ਜਾਣੋ ਰੂਮ ਨੂੰ ਠੰਡਾ ਰੱਖਣ ਦੇ ਟਿਪਸ

ਨਵੀਂ ਦਿੱਲੀ : ਅੱਤ ਦੀ ਗਰਮੀ ਤੋਂ ਬਚਣ ਲਈ ਅਸੀਂ ਏਸੀ (AC) ਦੀ ਵਰਤੋਂ ਕਰਦੇ ਹਾਂ, ਪਰ ਬਿਜਲੀ ਦੇ ਭਾਰੀ ਬਿੱਲ ਦੇ ਡਰੋਂ ਇਸ ਨੂੰ ਥੋੜ੍ਹੀ ਦੇਰ ਬਾਅਦ ਬੰਦ ਕਰਨਾ ਪੈਂਦਾ ਹੈ। ਅਕਸਰ ਦੇਖਿਆ ਜਾਂਦਾ ਹੈ ਕਿ ਏਸੀ ਬੰਦ ਹੁੰਦੇ ਹੀ ਕਮਰਾ ਫਿਰ ਤੋਂ ਗਰਮ ਹੋ ਜਾਂਦਾ ਹੈ ਕਿਉਂਕਿ ਕਮਰੇ ਦੀਆਂ ਦੀਵਾਰਾਂ, ਫਰਸ਼ ਅਤੇ ਫਰਨੀਚਰ ਦਿਨ ਭਰ ਦੀ ਗਰਮੀ ਨੂੰ ਸੋਖ ਲੈਂਦੇ ਹਨ ਅਤੇ ਏਸੀ ਬੰਦ ਹੋਣ 'ਤੇ ਉਹ ਗਰਮੀ ਛੱਡਦੇ ਹਨ। ਜੇਕਰ ਤੁਸੀਂ ਵੀ ਇਸ ਸਮੱਸਿਆ ਤੋਂ ਪਰੇਸ਼ਾਨ ਹੋ, ਤਾਂ ਕੁਝ ਆਸਾਨ ਟ੍ਰਿਕਸ ਅਪਣਾ ਕੇ ਤੁਸੀਂ ਏਸੀ ਬੰਦ ਹੋਣ ਤੋਂ ਬਾਅਦ ਵੀ ਕਮਰੇ ਨੂੰ ਲੰਬੇ ਸਮੇਂ ਤੱਕ ਠੰਡਾ ਰੱਖ ਸਕਦੇ ਹੋ।

1. ਮੋਟੇ ਪਰਦਿਆਂ ਦੀ ਵਰਤੋਂ
ਦਿਨ ਵੇਲੇ ਸੂਰਜ ਦੀ ਸਿੱਧੀ ਧੁੱਪ ਕਮਰੇ ਨੂੰ ਬਹੁਤ ਗਰਮ ਕਰ ਦਿੰਦੀ ਹੈ। ਇਸ ਤੋਂ ਬਚਣ ਲਈ ਕਮਰੇ ਵਿੱਚ ਮੋਟੇ ਪਰਦੇ ਜਾਂ ਬਲੈਕਆਊਟ ਕਟੇਨਜ਼ ਲਗਾਓ। ਇਹ ਬਾਹਰ ਦੀ ਗਰਮ ਹਵਾ ਅਤੇ ਧੁੱਪ ਨੂੰ ਅੰਦਰ ਆਉਣ ਤੋਂ ਰੋਕਦੇ ਹਨ, ਜਿਸ ਨਾਲ ਕਮਰੇ ਦੀ ਠੰਡਕ ਲੰਬੇ ਸਮੇਂ ਤੱਕ ਬਣੀ ਰਹਿੰਦੀ ਹੈ।

2. ਦਰਵਾਜ਼ੇ ਅਤੇ ਖਿੜਕੀਆਂ ਰੱਖੋ ਬੰਦ
ਜਦੋਂ ਏਸੀ ਚੱਲ ਰਿਹਾ ਹੋਵੇ ਤਾਂ ਦਰਵਾਜ਼ੇ ਅਤੇ ਖਿੜਕੀਆਂ ਨੂੰ ਚੰਗੀ ਤਰ੍ਹਾਂ ਬੰਦ ਰੱਖੋ। ਵਾਰ-ਵਾਰ ਕਮਰੇ ਦਾ ਗੇਟ ਖੋਲ੍ਹ ਕੇ ਬਾਹਰ ਜਾਣ ਤੋਂ ਬਚੋ। ਇਸ ਨਾਲ ਨਾ ਤਾਂ ਅੰਦਰਲੀ ਠੰਡੀ ਹਵਾ ਬਾਹਰ ਜਾਵੇਗੀ ਅਤੇ ਨਾ ਹੀ ਬਾਹਰ ਦੀ ਗਰਮ ਹਵਾ ਅੰਦਰ ਆ ਸਕੇਗੀ।

3. ਪੱਖੇ ਦਾ ਸਮਾਰਟ ਇਸਤੇਮਾਲ
ਏਸੀ ਬੰਦ ਕਰਨ ਦੇ ਤੁਰੰਤ ਬਾਅਦ ਪੱਖਾ ਚਲਾ ਦਿਓ। ਅਜਿਹਾ ਕਰਨ ਨਾਲ ਕਮਰੇ ਵਿੱਚ ਮੌਜੂਦ ਠੰਡੀ ਹਵਾ ਪੂਰੇ ਕਮਰੇ ਵਿੱਚ ਫੈਲ ਜਾਂਦੀ ਹੈ ਅਤੇ ਠੰਡਕ ਬਣੀ ਰਹਿੰਦੀ ਹੈ।

4. ਛੱਤ ਨੂੰ ਰੱਖੋ ਠੰਡਾ
ਜੇਕਰ ਸੰਭਵ ਹੋਵੇ ਤਾਂ ਕਮਰੇ ਦੀ ਛੱਤ 'ਤੇ ਵਾਈਟ ਪੇਂਟ ਜਾਂ ਕੂਲ ਰੂਫ ਕੋਟਿੰਗ ਕਰਵਾਓ। ਚਿੱਟਾ ਰੰਗ ਸੂਰਜ ਦੀ ਗਰਮੀ ਨੂੰ ਘੱਟ ਸੋਖਦਾ ਹੈ, ਜਿਸ ਨਾਲ ਕਮਰਾ ਜਲਦੀ ਗਰਮ ਨਹੀਂ ਹੁੰਦਾ।

5. ਇਲੈਕਟ੍ਰਾਨਿਕ ਸਾਮਾਨ ਦੀ ਘੱਟ ਵਰਤੋਂ
ਕਮਰੇ ਵਿੱਚ ਚੱਲ ਰਹੇ ਟੀਵੀ, ਲੈਪਟਾਪ ਅਤੇ ਜ਼ਿਆਦਾ ਲਾਈਟਾਂ ਵੀ ਗਰਮੀ ਪੈਦਾ ਕਰਨ ਦਾ ਕਾਰਨ ਬਣਦੀਆਂ ਹਨ। ਇਸ ਲਈ, ਜਦੋਂ ਲੋੜ ਨਾ ਹੋਵੇ ਤਾਂ ਇਨ੍ਹਾਂ ਨੂੰ ਬੰਦ ਰੱਖਣਾ ਹੀ ਬਿਹਤਰ ਹੈ।

6. ਇਨਡੋਰ ਪਲਾਂਟਸ ਲਗਾਓ
ਕਮਰੇ ਨੂੰ ਕੁਦਰਤੀ ਤੌਰ 'ਤੇ ਠੰਡਾ ਰੱਖਣ ਲਈ ਮਨੀ ਪਲਾਂਟ ਜਾਂ ਐਲੋਵੇਰਾ ਵਰਗੇ ਪੌਦੇ ਰੱਖੋ। ਇਹ ਨਾ ਸਿਰਫ਼ ਕਮਰੇ ਨੂੰ ਠੰਡਾ ਰੱਖਣ ਵਿੱਚ ਮਦਦ ਕਰਦੇ ਹਨ ਬਲਕਿ ਹਵਾ ਨੂੰ ਵੀ ਤਾਜ਼ਾ ਰੱਖਦੇ ਹਨ।

7. ਹਲਕੇ ਫੈਬਰਿਕ ਦੀ ਵਰਤੋਂ
ਗਰਮੀਆਂ ਵਿੱਚ ਭਾਰੀ ਕੱਪੜੇ ਦੀਆਂ ਚਾਦਰਾਂ ਦੀ ਬਜਾਏ ਕਾਟਨ (ਸੂਤੀ) ਦੀਆਂ ਚਾਦਰਾਂ ਅਤੇ ਹਲਕੇ ਪਰਦਿਆਂ ਦੀ ਵਰਤੋਂ ਕਰੋ। ਇਹ ਕਮਰੇ ਦੇ ਤਾਪਮਾਨ ਨੂੰ ਸੰਤੁਲਿਤ ਰੱਖਣ ਵਿੱਚ ਮਦਦਗਾਰ ਹੁੰਦੇ ਹਨ। ਇਸ ਤੋਂ ਇਲਾਵਾ ਰਾਤ ਦੇ ਸਮੇਂ ਜਦੋਂ ਬਾਹਰਲੀ ਹਵਾ ਠੰਡੀ ਹੋਵੇ, ਤਾਂ ਖਿੜਕੀਆਂ ਖੋਲ੍ਹ ਕੇ ਵੈਂਟੀਲੇਸ਼ਨ ਦਾ ਫਾਇਦਾ ਉਠਾਓ।