AC ਚਲਾਉਣ ਤੋਂ ਪਹਿਲਾਂ ਕਰੋ ਇਹ ਕੰਮ ! ਬਿਜਲੀ ਦਾ ਬਿੱਲ ਆਵੇਗਾ ਘੱਟ ਤੇ ਕੂਲਿੰਗ ਹੋਵੇਗੀ ਫਟਾਫਟ

ਗੈਜੇਟ ਡੈਸਕ : ਦੇਸ਼ ਦੇ ਕਈ ਹਿੱਸਿਆਂ ਵਿੱਚ ਤਾਪਮਾਨ 25 ਤੋਂ 30 ਡਿਗਰੀ ਦੇ ਆਸ-ਪਾਸ ਪਹੁੰਚਣਾ ਸ਼ੁਰੂ ਹੋ ਗਿਆ ਹੈ, ਜਿਸਦਾ ਮਤਲਬ ਹੈ ਕਿ ਹੁਣ ਏਅਰ ਕੰਡੀਸ਼ਨਰ (AC) ਚਲਾਉਣ ਦਾ ਸਮਾਂ ਆ ਗਿਆ ਹੈ। ਮਹੀਨਿਆਂ ਤੋਂ ਬੰਦ ਪਏ AC ਨੂੰ ਸਿੱਧਾ ਚਲਾਉਣ ਦੀ ਬਜਾਏ ਉਸ ਦੀ ਸਫਾਈ ਕਰਨਾ ਬਹੁਤ ਜ਼ਰੂਰੀ ਹੈ। ਇਸ ਨਾਲ ਨਾ ਸਿਰਫ਼ ਤੁਹਾਨੂੰ ਬਿਹਤਰ ਕੂਲਿੰਗ ਮਿਲੇਗੀ, ਸਗੋਂ ਤੁਹਾਡੇ ਬਿਜਲੀ ਦੇ ਬਿੱਲ ਵਿੱਚ ਵੀ ਕਮੀ ਆਵੇਗੀ।

ਇੱਥੇ ਘਰ ਵਿੱਚ AC ਸਾਫ਼ ਕਰਨ ਦੇ 5 ਅਹਿਮ ਟਿਪਸ ਦਿੱਤੇ ਗਏ ਹਨ:

1. ਏਅਰ ਫਿਲਟਰ ਦੀ ਨਿਯਮਤ ਸਫਾਈ: AC ਦੇ ਫਰੰਟ ਪੈਨਲ ਨੂੰ ਖੋਲ੍ਹ ਕੇ ਜਾਲੀਦਾਰ ਫਿਲਟਰ ਕੱਢੋ, ਕਿਉਂਕਿ ਇਸ ਵਿੱਚ ਸਭ ਤੋਂ ਵੱਧ ਧੂੜ ਜਮ੍ਹਾਂ ਹੁੰਦੀ ਹੈ। ਹਰ 15 ਤੋਂ 30 ਦਿਨਾਂ ਵਿੱਚ ਫਿਲਟਰ ਨੂੰ ਪਾਣੀ ਨਾਲ ਧੋਵੋ। ਇਸ ਨੂੰ ਪੂਰੀ ਤਰ੍ਹਾਂ ਸੁਕਾਉਣ ਤੋਂ ਬਾਅਦ ਹੀ ਵਾਪਸ ਲਗਾਓ, ਕਿਉਂਕਿ ਗਿੱਲਾ ਫਿਲਟਰ ਫੰਗਸ ਅਤੇ ਬਦਬੂ ਪੈਦਾ ਕਰ ਸਕਦਾ ਹੈ।

2. ਕੂਲਿੰਗ ਕੋਇਲਜ਼ ਦਾ ਰੱਖੋ ਧਿਆਨ: ਫਿਲਟਰ ਦੇ ਪਿੱਛੇ ਵਾਲੀਆਂ ਐਲੂਮੀਨੀਅਮ ਦੀਆਂ ਬਾਰੀਕ ਪੱਤੀਆਂ (ਕੋਇਲਜ਼) 'ਤੇ ਜੇਕਰ ਧੂੜ ਜਮੀ ਹੋਵੇ, ਤਾਂ AC ਹਵਾ ਠੰਡੀ ਨਹੀਂ ਕਰ ਪਾਵੇਗਾ। ਇੱਕ ਨਰਮ ਬੁਰਸ਼ (ਜਿਵੇਂ ਪੁਰਾਣਾ ਟੂਥਬ੍ਰਸ਼) ਲੈ ਕੇ ਹੌਲੀ-ਹੌਲੀ ਧੂੜ ਸਾਫ਼ ਕਰੋ। ਯਾਦ ਰੱਖੋ ਕਿ ਇਹ ਪੱਤੀਆਂ ਬਹੁਤ ਨਾਜ਼ੁਕ ਹੁੰਦੀਆਂ ਹਨ, ਇਨ੍ਹਾਂ ਨੂੰ ਮੋੜਨਾ ਨਹੀਂ ਚਾਹੀਦਾ।

3. ਡਰੇਨ ਪਾਈਪ ਦੀ ਜਾਂਚ : ਅਕਸਰ AC ਵਿੱਚੋਂ ਪਾਣੀ ਟਪਕਣ ਦੀ ਸਮੱਸਿਆ ਡਰੇਨ ਪਾਈਪ ਦੇ ਬਲਾਕ ਹੋਣ ਕਾਰਨ ਹੁੰਦੀ ਹੈ। ਸਮੇਂ-ਸਮੇਂ 'ਤੇ ਜਾਂਚ ਕਰੋ ਕਿ ਪਾਈਪ ਵਿੱਚ ਕੋਈ ਰੁਕਾਵਟ ਤਾਂ ਨਹੀਂ ਹੈ। ਤੁਸੀਂ ਪਾਈਪ ਵਿੱਚ ਜਮ੍ਹਾਂ ਗੰਦਗੀ ਨੂੰ ਕੱਢਣ ਲਈ ਹਲਕੇ ਏਅਰ ਪ੍ਰੈਸ਼ਰ ਜਾਂ ਪਤਲੀ ਤਾਰ ਦੀ ਮਦਦ ਲੈ ਸਕਦੇ ਹੋ।

4. ਆਊਟਡੋਰ ਯੂਨਿਟ ਦੀ ਸਫਾਈ: ਅਕਸਰ ਅਸੀਂ ਕਮਰੇ ਵਾਲੇ ਯੂਨਿਟ ਨੂੰ ਤਾਂ ਸਾਫ਼ ਕਰ ਲੈਂਦੇ ਹਾਂ ਪਰ ਬਾਹਰ ਰੱਖੀ ਯੂਨਿਟ ਨੂੰ ਭੁੱਲ ਜਾਂਦੇ ਹਾਂ। ਬਾਹਰਲੀ ਯੂਨਿਟ ਵਿੱਚ ਪੱਤੇ ਅਤੇ ਧੂੜ ਫਸਣ ਨਾਲ ਕੰਪ੍ਰੈਸਰ 'ਤੇ ਦਬਾਅ ਪੈਂਦਾ ਹੈ। ਇਸ ਨੂੰ ਸੁੱਕੇ ਬੁਰਸ਼ ਜਾਂ ਘੱਟ ਪ੍ਰੈਸ਼ਰ ਵਾਲੇ ਪਾਣੀ ਦੀ ਫੁਹਾਰ ਨਾਲ ਸਾਫ਼ ਕਰੋ। ਯੂਨਿਟ ਦੇ ਆਲੇ-ਦੁਆਲੇ 1-2 ਫੁੱਟ ਜਗ੍ਹਾ ਖਾਲੀ ਰੱਖੋ ਤਾਂ ਜੋ ਹਵਾ ਦਾ ਫਲੋ ਸਹੀ ਰਹੇ।

5. ਬਲੋਅਰ ਵ੍ਹੀਲਜ਼ ਦੀ ਸਫਾਈ : ਇਨਡੋਰ ਯੂਨਿਟ ਦੇ ਅੰਦਰ ਇੱਕ ਗੋਲ ਘੁੰਮਣ ਵਾਲਾ ਬਲੋਅਰ ਹੁੰਦਾ ਹੈ ਜੋ ਹਵਾ ਨੂੰ ਬਾਹਰ ਸੁੱਟਦਾ ਹੈ। ਜੇ ਇਸ 'ਤੇ ਧੂੜ ਜਮੀ ਹੋਵੇ, ਤਾਂ ਹਵਾ ਦਾ ਫਲੋ ਘੱਟ ਜਾਵੇਗਾ ਅਤੇ ਬਦਬੂ ਜਾਂ ਐਲਰਜੀ ਵੀ ਹੋ ਸਕਦੀ ਹੈ। ਮੁਲਾਇਮ ਬੁਰਸ਼ ਜਾਂ ਵੈਕਿਊਮ ਕਲੀਨਰ ਨਾਲ ਇਸ ਦੀਆਂ ਬਲੇਡਾਂ ਨੂੰ ਸਾਫ਼ ਕਰੋ, ਜਿਸ ਨਾਲ AC ਦੀ ਆਵਾਜ਼ ਵੀ ਘੱਟ ਹੋ ਜਾਵੇਗੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e