Dolby Atmos ਸਪੋਰਟ ਨਾਲ boAt ਦਾ ਪਹਿਲਾ ਗੇਮਿੰਗ ਹੈੱਡਸੈੱਟ ਲਾਂਚ, ਇੰਨੀ ਹੈ ਕੀਮਤ

ਗੈਜੇਟ ਡੈਸਕ– ਭਾਰਤੀ ਆਡੀਓ ਬ੍ਰਾਂਡ ਬੋਟ ਨੇ ਭਾਰਤ ’ਚ ਆਪਣੇ ਪਹਿਲੇ ਗੇਮਿੰਗ ਹੈੱਡਸੈੱਟ boAt Immortal 1000D  ਨੂੰ ਲਾਂਚ ਕਰ ਦਿੱਤਾ ਹੈ। ਇਹ ਗੇਮਿੰਗ ਦੀ ਦੁਨੀਆ ’ਚ ਕੰਪਨੀ ਦਾ ਪਹਿਲਾ ਕਦਮ ਹੈ। ਇਸ ਵਿਚ ਲਾਰਜ ਆਡੀਓ ਡ੍ਰਾਈਵਰਸ, ਈ-ਸਪੋਰਟਸ ਸੈੱਟਅਪ ਲਈ ਸਮਰਪਿਤ ਮਾਈਕ ਅਤੇ ਮਿਨੀਮਮ ਲੇਟੈਂਸੀ ਲਈ ਵਾਇਰਡ ਆਡੀਓ ਵਰਗੇ ਫੀਚਰਜ਼ ਦਿੱਤੇ ਗਏ ਹਨ। 

ਇਹ ਵੀ ਪੜ੍ਹੋ– ਸੈਮਸੰਗ ਤੇ ਟੈਸਲਾ ’ਚ ਹੋਈ 3249 ਕਰੋੜ ਰੁਪਏ ਦੀ ਡੀਲ, ‘ਸਾਈਬਰ ਟਰੱਕ’ ਬਣਾਉਣ ’ਚ ਮਿਲੇਗੀ ਮਦਦ

ਕੰਪਨੀ ਪਰਸਨਲ ਆਡੀਓ ਕੈਟਾਗਰੀ ’ਚ ਬਜਟ ਰੇਂਜ ਵਾਲੇ ਪ੍ਰੋਡਕਟਸ ਪੇਸ਼ ਕਰਦੀ ਹੈ। ਇਹ ਨਵਾਂ boAt Immortal 1000D ਵੀ ਇਸੇ ਕੈਟਾਗਰੀ ਵਾਲਾ ਹੈ। ਇਹ ਨਵਾਂ ਪ੍ਰੋਡਕਟ Kingston ਅਤੇ Logitech ਵਰਗੀਆਂ ਕੰਪਨੀਆਂ ਨਾਲ ਮੁਕਾਬਲਾ ਕਰੇਗਾ। boAt Immortal 1000D ਦੀ ਕੀਮਤ ਭਾਰਤ ’ਚ 2,499 ਰੁਪਏ ਰੱਖੀ ਗਈ ਹੈ। ਇਸ ਨੂੰ ਦੋ ਰੰਗਾਂ- ਬਲੈਕ ਅਤੇ ਵਾਈਟ ਸਾਬ੍ਰੇ ’ਚ ਪੇਸ਼ ਕੀਤਾ ਗਿਆਹੈ। ਗਾਹਕ ਇਸ ਨੂੰ ਬੋਟ ਦੀ ਅਧਿਕਾਰਤ ਸਾਈਟ ਅਤੇ ਐਮੇਜ਼ੋਨ ਇੰਡੀਆ ਤੋਂ ਖਰੀਦਿਆ ਜਾ ਸਕੇਗਾ। 

ਇਹ ਵੀ ਪੜ੍ਹੋ– Logitech ਨੇ ਭਾਰਤ ’ਚ ਲਾਂਚ ਕੀਤਾ ਨਵਾਂ ਹਲਕਾ ਗੇਮਿੰਗ ਹੈੱਡਫੋਨ

boAt Immortal 1000D ਦੀਆਂ ਖੂਬੀਆਂ
ਇਸ ਹੈੱਡਸੈੱਟ ’ਚ 50mm ਡ੍ਰਾਈਵਰਸ ਦਿੱਤੇ ਗਏ ਹਨ। ਇਸ ਡਿਵਾਈਸ ’ਚ Dolby Atmos ਅਤੇ 7.1 ਚੈਨਲ ਸਰਾਊਂਡ ਆਡੀਓ ਦੀ ਵੀ ਸਪੋਰਟ ਦਿੱਤੀ ਗਈ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਸਰਾਊਂਡ ਆਡੀਓ ਨੂੰ ਇਨ-ਹਾਊਸ ‘Boat Plugin Labz’ ’ਚ ਡਿਵੈਲਪ ਕੀਤਾ ਗਿਆ ਹੈ। ਜਾਣਕਾਰੀ ਮੁਤਾਬਕ, ਜੋ ਗੇਮਰ ਇਸ ਨੂੰ ਖਰੀਦਣਗੇ, ਉਨ੍ਹਾਂ ਨੂੰ ਸਰਾਊਂਡ ਆਡੀਓ ਐਨਹਾਂਸਮੈਂਟ ਲਈ Dolby Atmos ਜਾਂ 7.1 ਮੋਡ ਦਾ ਆਪਸ਼ਨ ਮਿਲੇਗਾ। ਇਸ ਵਿਚ ਈ-ਸਪੋਰਟਸ ਪਲੇਅਰਾਂ ਲਈ ਡਿਊਲ ਏਰੇ ਮਾਈਕ੍ਰੋਫੋਨ ਵੀ ਦਿੱਤਾ ਗਿਆ ਹੈ। 

ਨਾਲ ਹੀ ਬੋਟ ਦੇ ਨਾਲ ਨਵੇਂ ਹੈੱਡਸੈੱਟ ’ਚ ਐੱਲ.ਈ.ਡੀ. ਲਾਈਟਿੰਗ, ਸਾਊਂਡ ਅਤੇ ਮਾਈਕ ਨੂੰ ਕੰਟਰੋਲ ਕਰਨ ਲਈ ਇਨ-ਲਾਈਨ ਰਿਮੋਟ ਦਿੱਤਾ ਗਿਆ ਹੈ। ਨਾਲ ਹੀ ਲੰਬੇ ਸਮੇਂ ਤਕ ਇਸ ਨੂੰ ਆਸਾਨੀ ਨਾਲ ਇਸਤੇਮਾਲ ਕਰਨ ਲਈ ਬਿਹਤਰ ਡਿਜ਼ਾਇਨ ਵੀ ਦਿੱਤਾ ਗਿਆ ਹੈ। 

ਇਹ ਵੀ ਪੜ੍ਹੋ– ਸ਼ਾਨਦਾਰ ਫੀਚਰਜ਼ ਵਾਲੀ Timex ਦੀ ਨਵੀਂ ਸਮਾਰਟਵਾਚ ਭਾਰਤ ’ਚ ਲਾਂਚ, ਜਾਣੋ ਕੀਮਤ​​​​​​​