Apple ਦਾ ਵੱਡਾ ਐਲਾਨ, ਹੁਣ ਐਂਡਰਾਇਡ ਯੂਜ਼ਰਜ਼ ਨੂੰ ਮਿਲੇਗੀ ਐਪਲ ਦੀ ਪ੍ਰੀਮੀਅਮ ਸਰਵਿਸ

ਗੈਜੇਟ ਡੈਸਕ- ਤਕਨਾਲੋਜੀ ਦਿੱਗਜ ਐਪਲ ਨੇ ਅਧਿਕਾਰਤ ਤੌਰ 'ਤੇ ਐਂਡਰਾਇਡ ਉਪਭੋਗਤਾਵਾਂ ਲਈ AppleTV+ ਐਪ ਗੂਗਲ ਪਲੇ ਸਟੋਰ 'ਤੇ ਲਾਂਚ ਕਰ ਦਿੱਤੀ ਹੈ। ਇਹ ਐਪਲ ਦਾ ਇੱਕ ਵੱਡਾ ਕਦਮ ਹੈ ਕਿਉਂਕਿ ਕੰਪਨੀ ਆਮ ਤੌਰ 'ਤੇ ਆਪਣੀਆਂ ਸੇਵਾਵਾਂ ਨੂੰ iOS ਡਿਵਾਈਸਿਜ਼ ਤੱਕ ਹੀ ਸੀਮਤ ਰੱਖਦੀ ਹੈ। ਇਸ ਵਾਰ ਕੰਪਨੀ ਨੇ ਐਂਡਰਾਇਡ ਲਈ ਐਪਲ ਟੀਵੀ ਲਾਂਚ ਕਰਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ।

ਐਪਲ ਦੇ ਅਨੁਸਾਰ, ਐਪਲ ਟੀਵੀ ਐਪ ਹੁਣ ਦੁਨੀਆ ਭਰ ਦੇ ਐਂਡਰਾਇਡ ਉਪਭੋਗਤਾਵਾਂ ਲਈ ਉਪਲੱਬਧ ਹੈ। ਇਸ ਐਪ ਦੀ ਮਦਦ ਨਾਲ, ਤੁਸੀਂ ਐਂਡਰਾਇਡ ਪਲੇਟਫਾਰਮ 'ਤੇ ਐਪਲ ਟੀਵੀ+ 'ਤੇ ਉਪਲੱਬਧ ਵਿਸ਼ੇਸ਼ ਕੰਟੈਂਟ ਵੀ ਦੇਖ ਸਕਦੇ ਹੋ। ਹਾਲਾਂਕਿ, ਇਸਦੇ ਲਈ ਤੁਹਾਨੂੰ ਐਪਲ ਟੀਵੀ ਦਾ ਸਬਸਕ੍ਰਿਪਸ਼ਨ ਲੈਣਾ ਹੋਵੇਗਾ।

ਸਿਰਫ 5 ਐਪਸ ਹੀ ਐਂਡਰਾਇਡ 'ਤੇ ਮਿਲਦੇ ਹਨ

ਜੇਕਰ ਐਂਡਰਾਇਡ ਲਈ ਐਪਲ ਦੀਆਂ ਸੇਵਾਵਾਂ ਦੀ ਗੱਲ ਕਰੀਏ ਤਾਂ ਕੰਪਨੀ ਦੇ ਸਿਰਫ 5 ਐਪਸ ਹਨ ਜੋ iOS ਦੇ ਨਾਲ ਐਂਡਰਾਇਡ 'ਤੇ ਉਪਲੱਬਧ ਹਨ। ਕੰਪਨੀ ਦੇ Apple Music, Move to iOS, Apple TV, Beats ਅਤੇ Apple Music Classical ਐਪਸ ਐਂਡਰਾਇਡ 'ਤੇ ਉਪਲੱਬਧ ਹਨ। ਕੰਪਨੀ Apple TV+ ਨੂੰ ਲੈ ਕੇ ਬਹੁਤ ਉਤਸ਼ਾਹਿਤ ਹੈ ਅਤੇ ਇਸਨੂੰ ਐਂਡਰਾਇਡ 'ਤੇ ਲਾਂਚ ਕਰਕੇ ਇੱਕ ਵੱਡੇ ਬਾਜ਼ਾਰ ਨੂੰ ਪੂਰਾ ਕਰਨਾ ਚਾਹੁੰਦੀ ਹੈ।

ਲੈਣਾ ਪਵੇਗਾ ਸਬਸਕ੍ਰਿਪਸ਼ਨ

ਜ਼ਿਕਰਯੋਗ ਹੈ ਕਿ ਐਪਲ ਨੇ ਕਈ ਹਾਲੀਵੁੱਡ ਅਦਾਕਾਰਾਂ ਨਾਲ ਸਾਂਝੇਦਾਰੀ ਕੀਤੀ ਹੈ। ਕੰਪਨੀ ਓਰੀਜਨਲਜ਼ 'ਤੇ ਵੀ ਬਹੁਤ ਕੰਮ ਕਰ ਰਹੀ ਹੈ। ਇਹ ਕੋਈ ਮੁਫ਼ਤ ਸੇਵਾ ਨਹੀਂ ਹੈ, ਸਿਰਫ਼ ਐਪ ਨੂੰ ਮੁਫ਼ਤ ਵਿੱਚ ਡਾਊਨਲੋਡ ਕੀਤਾ ਜਾ ਸਕਦਾ ਹੈ। ਕੰਟੈਂਟ ਦੇਖਣ ਲਈ ਤੁਹਾਨੂੰ ਹਰ ਮਹੀਨੇ ਭੁਗਤਾਨ ਕਰਨਾ ਪਵੇਗਾ। ਐਪਲ ਵਨ ਸਬਸਕ੍ਰਿਪਸ਼ਨ ਦੇ ਤਹਿਤ ਵਿਅਕਤੀਗਤ ਪਲਾਨ ਵਿੱਚ 195 ਰੁਪਏ/ਮਹੀਨੇ ਦਾ ਆਪਸ਼ਨ ਹੈ।

ਇਸ ਵਿਚ 50 ਜੀ.ਬੀ. ਕਲਾਊਡ, TV+ ਸਬਸਕ੍ਰਿਪਸ਼ਨ, ਮਿਊਜ਼ਿਕ ਅਤੇ ਆਰਕੇਡ ਮਿਲਦਾ ਹੈ। ਹਾਲ ਹੀ 'ਚ ਐਪਲ ਨੇ ਆਪਣੇ ਮੈਪ ਦਾ ਵੈੱਬ ਵਰਜ਼ਨ ਵੀ ਲਾਂਚ ਕੀਤਾ ਹੈ। ਹਾਲਾਂਕਿ, ਇਹ ਐਂਡਰਾਇਡ ਲਈ ਨਹੀਂ ਹੈ ਪਰ ਹੌਲੀ-ਹੌਲੀ ਕੰਪਨੀ ਐਂਡਰਾਇਡ ਲਈ ਵੀ ਕੁਝ ਐਪਸ ਲਿਆ ਰਹੀ ਹੈ। 

Apple TV+ ਐਂਡਰਾਇਡ ਲਾਂਚ ਦੇ ਨਾਲ ਹੁਣ ਦੂਜੇ OTT ਪਲੇਟਫਾਰਮਾਂ ਨੂੰ ਟੱਕਰ ਮਿਲ ਸਕਦੀ ਹੈ ਕਿਉਂਕਿ Apple TV+ 'ਤੇ ਕਾਫੀ ਓਰੀਜਨਲ ਕੰਟੈਂਟ ਹਨ।