iPhone 11 ਲਾਂਚ ਹੁੰਦੇ ਹੀ ਸਸਤੇ ਹੋਏ ਪੁਰਾਣੇ ਮਾਡਲ, ਜਾਣੋ ਕਿੰਨੀ ਘੱਟੀ ਕੀਮਤ
Wednesday, Sep 11, 2019 - 03:36 PM (IST)
ਗੈਜੇਟ ਡੈਸਕ– ਆਈਫੋਨ 11, ਆਈਫੋਨ 11 ਪ੍ਰੋ ਅਤੇ ਆਈਫੋਨ 11 ਪ੍ਰੋ ਮੈਕਸ ਦੇ ਲਾਂਚ ਹੁੰਦੇ ਹੀ ਐਪਲ ਨੇ ਭਾਰਤ ’ਚ iPhone XS, iPhone XR, iPhone 8, iPhone 7 ਦੀਆਂ ਕੀਮਤਾਂ ’ਚ ਕਟੌਤੀ ਕਰ ਦਿੱਤੀ ਹੈ। ਪੁਰਾਣੇ ਆਈਫੋਨ ਮਾਡਲ ਨਵੀਂ ਐੱਮ.ਆਰ.ਪੀ. ਦੇ ਨਾਲ ਐਪਲ ਇੰਡੀਆ ਦੀ ਵੈੱਬਸਾਈਟ ’ਤੇ ਲਿਸਟ ਕਰ ਦਿੱਤੇ ਗਏ ਹਨ। ਆਈਫੋਨ 7 ਦਾ 64 ਜੀ.ਬੀ. ਸਟੋਰੇਜ ਵੇਰੀਐਂਟ 29,990 ਰੁਪਏ ਤਾਂ ਉਥੇ ਹੀ ਆਈਫੋਨ XR ਦਾ 64 ਜੀ.ਬੀ. ਵੇਰੀਐਂਟ ਹੁਣ 49,990 ਰੁਪਏ ’ਚ ਉਪਲੱਬਧ ਹੈ। ਆਈਫੋਨ XS ਦੀ ਕੀਮਤ ’ਚ 10,000 ਰੁਪਏ ਦੀ ਕਟੌਤੀ ਕੀਤੀ ਗਈ ਹੈ। ਆਈਫੋਨ 8 ਪਲੱਸ ਦੀ ਕੀਮਤ ’ਚ ਕਟੌਤੀ ਤੋਂ ਬਾਅਦ ਹੁਣ ਇਸ ਦੀ ਸ਼ੁਰੂਆਤੀ ਕੀਮਤ 49,990 ਰੁਪਏ ਹੈ।
ਸਭ ਤੋਂ ਪਹਿਲਾਂ ਪਿਛਲੇ ਸਾਲ ਲਾਂਚ ਹੋਏ ਆਈਫੋਨ XS ਦੀ ਗੱਲ ਕਰੀਏ ਤਾਂ ਇਸ ਦੇ 64 ਜੀ.ਬੀ. ਸਟੋਰੇਜ ਵੇਰੀਐਂਟ ਨੂੰ 99,990 ਰੁਪਏ ਅਤੇ 256 ਜੀ.ਬੀ. ਸਟੋਰੇਜ ਵੇਰੀਐਂਟ ਨੂੰ 1,14,900 ਰੁਪਏ ਦੀ ਕੀਮਤ ਦੇ ਨਾਲ ਲਾਂਚ ਕੀਤਾ ਗਿਆ ਸੀ। ਕੀਮਤ ’ਚ ਕਟੌਤੀ ਤੋਂ ਬਾਅਦ ਹੁਣ 64 ਜੀ.ਬੀ. ਅਤੇ 256 ਜੀ.ਬੀ. ਸਟੋਰੇਜ ਵੇਰੀਐਂਟ ਦੀ ਕੀਮਤ 89,900 ਰੁਪਏ ਅਤੇ 1,03900 ਰੁਪਏ ਤਕ ਦਿੱਤੀ ਗਈ ਹੈ।
| Model | Old iPhone Price in India | New iPhone Price in India |
|---|---|---|
| iPhone XS 64GB | Rs. 99,900 | Rs. 89,900 |
| iPhone XS 256GB | Rs. 1,14,900 | Rs. 1,03,900 |
| iPhone XR 64GB | Rs. 59,900 | Rs. 49,900 |
| iPhone XR 128GB | Rs. 64,900 | Rs. 54,900 |
| iPhone 8 Plus 64GB | Rs. 69,900 | Rs. 49,900 |
| iPhone 8 64GB | Rs. 59,900 | Rs. 39,900 |
| iPhone 7 Plus 32GB | Rs. 49,900 | Rs. 37,900 |
| iPhone 7 Plus 128GB | Rs. 59,900 | Rs. 42,900 |
| iPhone 7 32GB | Rs. 39,900 | Rs. 29,900 |
| iPhone 7 128GB | Rs. 49,900 | Rs. 34,900 |
ਹੁਣ ਆਈਫੋਨ XR ਦੀ ਗੱਲ ਕਰੀਏ ਤਾਂ ਪਿਛਲੇ ਸਾਲ ਆਈਫੋਨ XR ਦੇ 64 ਜੀ.ਬੀ. ਅਤੇ 128 ਜੀ.ਬੀ. ਸਟੋਰੇਜ ਵੇਰੀਐਂਟ ਨੂੰ 76,900 ਰੁਪਏ ਅਤੇ 81,900 ਰੁਪਏ ਦੀ ਕੀਮਤ ’ਚ ਲਾਂਚ ਕੀਤਾ ਗਿਆ ਸੀ। ਇਸ ਸਾਲ ਅਪ੍ਰੈਲ ’ਚ ਐਪਲ ਦੇ ਇਸ ਹੈਂਡਸੈੱਟ ਦੀ ਕੀਮਤ ’ਚ ਬਦਲਾਅ ਕੀਤਾ ਗਿਆ ਸੀ ਅਤੇ ਇਸ ਨੂੰ 59,900 ਰੁਪਏ ਅਤੇ 64,900 ਰੁਪਏ ’ਚ ਵੇਚਿਆ ਜਾ ਰਿਹਾ ਸੀ। ਹੁਣ ਕੀਮਤ ’ਚ ਕਟੌਤੀ ਤੋਂ ਬਾਅਦ 64 ਜੀ.ਬੀ. ਅਤੇ 128 ਜੀ.ਬੀ. ਸਟੋਰੇਜ ਵੇਰੀਐਂਟ ਨੂੰ 49,900 ਰੁਪਏ ਅਤੇ 54,900 ਰੁਪਏ ’ਚ ਵੇਚਿਆ ਜਾਵੇਗਾ।
ਹੁਣ ਗੱਲ ਪੁਰਾਣੇ ਆਈਫੋਨ ਮਾਡਲ ਦੀ। ਆਈਫੋਨ 8 ਪਲੱਸ ਦੀ ਕੀਮਤ ’ਚ ਕਟੌਤੀ ਤੋਂ ਬਾਅਦ ਹੁਣ ਇਸ ਦੇ 64 ਜੀ.ਬੀ. ਅਤੇ 128 ਜੀ.ਬੀ. ਸਟੋਰੇਜ ਵੇਰੀਐਂਟ ਨੂੰ 49,900 ਅਤੇ 54,900 ਰੁਪਏ ’ਚ ਵੇਚਿਆ ਜਾਵੇਗਾ। ਪਿਛਲੀ ਵਾਰ ਕਟੌਤੀ ਤੋਂ ਬਾਅਦ ਆਈਫੋਨ 8 ਪਲੱਸ ਦੇ 64 ਜੀ.ਬੀ. ਸਟੋਰੇਜ ਵੇਰੀਐਂਟ ਨੂੰ 69,900 ਰੁਪਏ ’ਚ ਵੇਚਿਆ ਜਾ ਰਿਹਾ ਸੀ।
ਆਈਫੋਨ 8 ਦਾ 64 ਜੀ.ਬੀ. ਸਟੋਰੇਜ ਵੇਰੀਐਂਟ ਹੁਣ 39,900 ਰੁਪਏ ਅਤੇ 128 ਜੀ.ਬੀ. ਸਟੋਰੇਜ ਵੇਰੀਐਂਟ 44,900 ਰੁਪਏ ’ਚ ਵਿਕਰੀ ਲਈ ਉਪਲੱਬਧ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੀ ਵਾਰ ਕਟੌਤੀ ਤੋਂ ਬਾਅਦ ਇਸ ਦਾ 64 ਜੀ.ਬੀ. ਸਟੋਰੇਜ ਵੇਰੀਐਂਟ 59,900 ਰੁਪਏ ’ਚ ਵੇਚਿਆ ਜਾ ਰਿਹਾ ਸੀ। ਆਈਫੋਨ 7 ਪਲੱਸ ਦਾ 32 ਜੀ.ਬੀ. ਅਤੇ 128 ਜੀ.ਬੀ. ਸਟੋਰੇਜ ਵੇਰੀਐਂਟ ਹੁਣ 37,900 ਰੁਪਏ ਅਤੇ 42,900 ਰੁਪਏ ’ਚ ਵਿਕਰੀ ਲਈ ਉਪਲੱਬਧ ਹੈ।
ਇਸ ਤੋਂ ਪਹਿਲਾਂ ਆਈਫੋਨ 7 ਪਲੱਸ ਨੂੰ 49,900 ਰੁਪਏ ਅਤੇ 59,900 ਰੁਪਏ ’ਚ ਵੇਚਿਆ ਜਾਂਦਾ ਸੀ। ਆਈਫੋਨ 7 ਦੇ 32 ਜੀ.ਬੀ. ਸਟੋਰੇਜ ਵੇਰੀਐਂਟ ਨੂੰ 29,900 ਰੁਪਏ ਅਤੇ 128 ਜੀ.ਬੀ. ਸਟੋਰੇਜ ਵੇਰੀਐਂਟ ਨੂੰ 34,900 ਰੁਪਏ ’ਚ ਐਪਲ ਦੀ ਵੈੱਬਸਾਈਟ ’ਤੇ ਲਿਸਟ ਕੀਤਾ ਗਿਆ ਹੈ। ਇਸ ਤੋਂ ਪਹਿਲਾਂ ਆਈਫੋਨ 7 ਦੇ 32 ਜੀ.ਬੀ. ਅਤੇ 128 ਜੀ.ਬੀ. ਸਟੋਰੇਜ ਵੇਰੀਐਂਟ ਨੂੰ 39,900 ਰੁਪਏ ਅਤੇ 49,900 ਰੁਪਏ ’ਚ ਵੇਚਿਆ ਜਾਂਦਾ ਸੀ।
