ਐਂਥ੍ਰੋਪਿਕ ਨੇ AI ਦੇ ਸੈਲਫ-ਇੰਪਰੂਵਮੈਂਟ ''ਤੇ ਪ੍ਰਗਟਾਈ ਚਿੰਤਾ ! ਮਾਡਲ ਵਿਕਾਸ ''ਚ ਪਾਰਦਰਸ਼ਿਤਾ ਦੀ ਕੀਤੀ ਮੰਗ
Friday, Sep 18, 2026 - 09:35 AM (IST)
ਗੈਜੇਟ ਡੈਸਕ - ਪ੍ਰਸਿੱਧ ਏਆਈ ਕੰਪਨੀ ਐਂਥ੍ਰੋਪਿਕ ਨੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏਆਈ) ਮਾਡਲਾਂ ਦੇ ਵਿਕਾਸ 'ਚ ਵਧੇਰੇ ਪਾਰਦਰਸ਼ਤਾ ਦੀ ਮੰਗ ਕੀਤੀ ਹੈ। ਕੰਪਨੀ ਨੇ ਇਕ ਬਲੌਗ ਪੋਸਟ 'ਚ ਚੇਤਾਵਨੀ ਦਿੱਤੀ ਹੈ ਕਿ ਏਆਈ ਸਿਸਟਮ ਤੇਜ਼ੀ ਨਾਲ ਸ਼ਕਤੀਸ਼ਾਲੀ ਹੁੰਦੇ ਜਾ ਰਹੇ ਹਨ ਅਤੇ ਹੁਣ ਆਪਣਾ ਅਗਲਾ ਵਰਜਨ ਬਣਾਉਣ ਦੀ ਪ੍ਰਕਿਰਿਆ ਨੂੰ ਵੀ ਸਵੈਚਾਲਿਤ ਕਰ ਰਹੇ ਹਨ।
ਇਸ ਦੌਰਾਨ ਐਂਥ੍ਰੋਪਿਕ ਦਾ ਮੰਨਣਾ ਹੈ ਕਿ ਜੇਕਰ ਏਆਈ ਮਾਡਲ ਆਪਣੇ ਵਿਕਾਸ ਨੂੰ ਤੇਜ਼ ਕਰਦੇ ਹਨ, ਤਾਂ ਭਵਿੱਖ 'ਚ ਮਨੁੱਖਾਂ ਲਈ ਉਨ੍ਹਾਂ ਨੂੰ ਸਮਝਣਾ ਅਤੇ ਨਿਯੰਤਰਣ ਕਰਨਾ ਮੁਸ਼ਕਲ ਹੋ ਸਕਦਾ ਹੈ। ਇਸੇ ਲਈ ਦੁਨੀਆ ਨੂੰ ਇਹ ਜਾਣਨ ਦੀ ਜ਼ਰੂਰਤ ਹੈ ਕਿ ਅਸੀਂ ਰਿਕਰਸਿਵ ਸਵੈ-ਸੁਧਾਰ (ਜਿੱਥੇ AI ਪੂਰੀ ਤਰ੍ਹਾਂ ਆਪਣੇ ਨਵੇਂ ਮਾਡਲ ਬਣਾਉਂਦਾ ਹੈ) ਪ੍ਰਾਪਤ ਕਰਨ ਦੇ ਕਿੰਨੇ ਨੇੜੇ ਹਾਂ।
ਕੰਪਨੀ ਨੇ ਆਪਣੇ ਐਡਵਾਂਸਡ ਏਆਈ ਫਰੇਮਵਰਕ (ਏ.ਏ.ਆਈ.ਐੱਫ.) ਦੇ ਤਹਿਤ ਸਖ਼ਤ ਸੁਰੱਖਿਆ ਅਤੇ ਪਾਰਦਰਸ਼ਤਾ ਨਿਯਮਾਂ ਦਾ ਪ੍ਰਸਤਾਵ ਰੱਖਿਆ ਹੈ ਤਾਂ ਜੋ ਸਰਕਾਰਾਂ ਅਤੇ ਜਨਤਾ ਨੂੰ ਏਆਈ ਵਿਕਾਸ ਦੀ ਨਿਗਰਾਨੀ ਕਰਨ 'ਚ ਮਦਦ ਮਿਲ ਸਕੇ। ਇਸ ਤੋਂ ਪਹਿਲਾਂ, ਐਂਥ੍ਰੋਪਿਕ ਦੇ ਸੀ.ਈ.ਓ. ਡਾਰੀਓ ਅਮੋਡੇਈ ਨੇ ਵੀ ਸੀ.ਬੀ.ਐੱਸ. ਨਿਊਜ਼ ਨੂੰ ਚੇਤਾਵਨੀ ਦਿੱਤੀ ਸੀ ਕਿ ਏਆਈ ਦੀ ਤੇਜ਼ ਤਰੱਕੀ ਇਕ ਚੇਤਾਵਨੀ ਸੰਕੇਤ ਹੈ ਅਤੇ ਫਰੰਟੀਅਰ ਲੈਬਜ਼ ਨੂੰ ਇਸਦੇ ਵਿਕਾਸ ਨੂੰ ਹੌਲੀ ਕਰਨ ਦੀ ਜ਼ਰੂਰਤ ਹੈ। ਉਨ੍ਹਾਂ ਜ਼ੋਰ ਦੇ ਕੇ ਕਿਹਾ ਕਿ ਸਾਨੂੰ ਸਖ਼ਤ ਸੁਰੱਖਿਆ ਉਪਾਵਾਂ ਦੀ ਲੋੜ ਹੈ ਜੋ ਏਆਈ ਵਿਕਾਸ ਦੀ ਗਤੀ ਦੇ ਨਾਲ ਚੱਲ ਸਕਣ।
