ਐਪਲ ਨੇ ਲਾਂਚ ਕੀਤੇ ਨਵੇਂ ''AirPods 5'' ਮਿਲੇਗਾ Siri AI ਤੇ ਲਾਈਵ ਟ੍ਰਾਂਸਲੇਸ਼ਨ ਫੀਚਰ

ਟੈਕ ਡੈਸਕ: ਐਪਲ (Apple) ਨੇ ਆਪਣੇ ਨਵੇਂ AirPods 5 ਲਾਂਚ ਕਰ ਦਿੱਤੇ ਹਨ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਨਵੇਂ ਈਅਰਬਡਸ ਓਪਨ-ਈਅਰ ਡਿਜ਼ਾਈਨ ਦੇ ਨਾਲ ਬਿਹਤਰ ਐਕਟਿਵ ਨੋਇਜ਼ ਕੈਂਸਲੇਸ਼ਨ (ANC) ਪ੍ਰਦਾਨ ਕਰਦੇ ਹਨ। ਇਨ੍ਹਾਂ ਵਿੱਚ ਐਂਕਰ (ANC) ਅਤੇ ਟ੍ਰਾਂਸਪੇਰੈਂਸੀ ਮੋਡ ਦੇ ਵਿਚਕਾਰ ਆਟੋਮੈਟਿਕ ਸਵਿਚਿੰਗ ਦੀ ਸੁਵਿਧਾ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ, ਇਨ੍ਹਾਂ ਈਅਰਬਡਸ ਵਿੱਚ Siri AI ਅਤੇ Live Translation ਦਾ ਸਪੋਰਟ ਵੀ ਸ਼ਾਮਲ ਕੀਤਾ ਗਿਆ ਹੈ।

ਐਪਲ ਅਨੁਸਾਰ ਨਵੇਂ AirPods ਪਹਿਲਾਂ ਨਾਲੋਂ ਜ਼ਿਆਦਾ ਮਜ਼ਬੂਤ ਹਨ। ANC ਆਨ ਰਹਿਣ 'ਤੇ ਇਹ 4 ਘੰਟੇ ਤੱਕ ਦਾ ਬੈਟਰੀ ਬੈਕਅੱਪ ਦਿੰਦੇ ਹਨ। ਇਸ ਬੇਸ ਮਾਡਲ ਦੀ ਸ਼ੁਰੂਆਤੀ ਕੀਮਤ 129 ਡਾਲਰ ਰੱਖੀ ਗਈ ਹੈ।

ਕੰਪਨੀ ਨੇ AirPods 5 ਦਾ ਇੱਕ ਦੂਜਾ ਮਾਡਲ ਵੀ ਪੇਸ਼ ਕੀਤਾ ਹੈ, ਜਿਸ ਵਿੱਚ ਸਟੈਮ (stem) ਰਾਹੀਂ ਵਾਲੀਅਮ ਕੰਟਰੋਲ ਕਰਨ ਦੀ ਸੁਵਿਧਾ ਮਿਲੇਗੀ। ਇਹ ਵੇਰੀਐਂਟ ANC ਦੇ ਨਾਲ 5 ਘੰਟੇ ਤੱਕ ਦਾ ਬੈਕਅੱਪ ਦੇਵੇਗਾ ਅਤੇ ਵਾਇਰਲੈੱਸ ਚਾਰਜਿੰਗ ਨੂੰ ਵੀ ਸਪੋਰਟ ਕਰਦਾ ਹੈ। ਇਸ ਵੇਰੀਐਂਟ ਦੀ ਕੀਮਤ 149 ਡਾਲਰ ਰੱਖੀ ਗਈ ਹੈ।