ਫਿਲਮ ''ਜਾਟ'' ''ਚ ਸੰਨੀ ਦਿਓਲ ਨਾਲ ਨਜ਼ਰ ਆਵੇਗੀ ਉਰਵਸ਼ੀ ਰੌਤੇਲਾ

ਮੁੰਬਈ (ਏਜੰਸੀ)- ਬਾਲੀਵੁੱਡ ਅਦਾਕਾਰਾ ਉਰਵਸ਼ੀ ਰੌਤੇਲਾ ਫਿਲਮ 'ਜਾਟ' 'ਚ ਸੰਨੀ ਦਿਓਲ ਨਾਲ ਨਜ਼ਰ ਆਵੇਗੀ। ਪ੍ਰਸ਼ੰਸਕ ਸੰਨੀ ਦਿਓਲ ਅਤੇ ਰਣਦੀਪ ਹੁੱਡਾ ਸਟਾਰਰ ਫਿਲਮ ਜਾਟ ਦੀ ਰਿਲੀਜ਼ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਇਸ ਫਿਲਮ 'ਚ ਉਰਵਸ਼ੀ ਰੌਤੇਲਾ ਵੀ ਨਜ਼ਰ ਆਉਣ ਵਾਲੀ ਹੈ। ਇਸ ਫਿਲਮ 'ਚ ਉਹ ਸੰਨੀ ਦਿਓਲ ਨਾਲ 'ਟੱਚ ਕਿਆ' ਗਾਣੇ 'ਤੇ ਡਾਂਸ ਕਰਦੀ ਨਜ਼ਰ ਆਵੇਗੀ। ਉਨ੍ਹਾਂ ਕਿਹਾ, ਇਹ ਗੀਤ ਜ਼ਬਰਦਸਤ ਅਤੇ ਬੋਲਡ ਹੋਣ ਵਾਲਾ ਹੈ। ਉਰਵਸ਼ੀ ਰੌਤੇਲਾ ਨੇ ਕਿਹਾ, 12 ਸਾਲ ਬਾਅਦ ਸੰਨੀ ਦਿਓਲ ਸਰ ਨਾਲ ਕੰਮ ਕਰਨਾ ਕਿਸਮਤ ਵਾਂਗ ਮਹਿਸੂਸ ਹੋ ਰਿਹਾ ਹੈ। ਉਹ ਇੱਕ ਮਹਾਨ ਐਕਸ਼ਨ ਹੀਰੋ ਹਨ ਅਤੇ ਮੈਂ ਜਾਟ ਵਿੱਚ ਉਨ੍ਹਾਂ ਦੀ ਐਨਰਜੀ ਨਾਲ ਵਾਈਬ ਮੈਚ ਕਰਨ ਲਈ ਰੋਮਾਂਚਿਤ ਹਾਂ। ਇਹ ਆਈਕਾਨਿਕ ਹੋਣ ਜਾ ਰਿਹਾ ਹੈ। ਉਰਵਸ਼ੀ ਨੇ 2013 'ਚ ਰਿਲੀਜ਼ ਹੋਈ ਫਿਲਮ 'ਸਿੰਘ ਸਾਹੇਬ ਦਿ ਗ੍ਰੇਟ' 'ਚ ਸੰਨੀ ਦਿਓਲ ਨਾਲ ਕੰਮ ਕੀਤਾ ਸੀ।

ਇਸ ਬਾਰੇ ਗੱਲ ਕਰਦੇ ਹੋਏ ਉਰਵਸ਼ੀ ਨੇ ਕਿਹਾ, ਮੈਂ ਸੰਨੀ ਨਾਲ ਉਦੋਂ ਕੰਮ ਕੀਤਾ ਸੀ ਜਦੋਂ ਮੈਂ 19 ਸਾਲ ਦੀ ਸੀ। ਹੁਣ ਜਾਟ ਵਿੱਚ ਦੁਬਾਰਾ ਇਕੱਠੇ ਆਉਣਾ, ਇੱਕ ਬਲਾਕਬਸਟਰ ਰੀਯੂਨੀਅਨ, ਜਿਸਦੀ ਪ੍ਰਸ਼ੰਸਕਾਂ ਨੇ ਉਮੀਦ ਨਹੀਂ ਕੀਤੀ ਸੀ। ਸਿੰਘ ਸਾਬ ਤਾਂ ਬੱਸ ਸ਼ੁਰੂਆਤ ਸੀ। ਜਾਟ ਸਾਨੂੰ ਅਗਲੇ ਪੱਧਰ 'ਤੇ ਲੈ ਜਾ ਰਹੀ ਹੈ, ਗਾਣਾ ਬੋਲਡ ਅਤੇ ਸੁਪਰ ਹਿੱਟ ਹੋਣਾ ਚਾਹੀਦਾ ਹੈ। ਗੋਪੀਚੰਦ ਮਲੀਨਨੀ ਦੇ ਨਿਰਦੇਸ਼ਨ 'ਚ ਬਣੀ ਫਿਲਮ ਜਾਟ 'ਚ ਸੰਨੀ ਦਿਓਲ ਮੁੱਖ ਭੂਮਿਕਾ 'ਚ ਹਨ, ਉਨ੍ਹਾਂ ਦੇ ਨਾਲ ਰਣਦੀਪ ਹੁੱਡਾ, ਵਿਨੀਤ ਕੁਮਾਰ ਸਿੰਘ, ਸਯਾਮੀ ਖੇਰ ਅਤੇ ਰੇਜੀਨਾ ਕੈਸੈਂਡਰਾ ਵੀ ਅਹਿਮ ਭੂਮਿਕਾਵਾਂ 'ਚ ਨਜ਼ਰ ਆਉਣਗੇ। ਇਹ ਫਿਲਮ ਮਿਥਰੀ ਮੂਵੀ ਮੇਕਰਸ ਅਤੇ ਪੀਪਲ ਮੀਡੀਆ ਫੈਕਟਰੀ ਦੇ ਸਹਿਯੋਗ ਨਾਲ ਬਣਾਈ ਗਈ ਹੈ। ਫਿਲਮ ਜਾਟ 10 ਅਪ੍ਰੈਲ ਨੂੰ ਰਿਲੀਜ਼ ਹੋਵੇਗੀ।